المرجله تصعب على كل رجال للشاعرتركي بن مخلد الميزاني

معاد اداني بنظرتي بعض الاشكال = اللي حياته فالبسيطه خساره
اللي هدفها هرجت القيل والقال = تبغا تفرق بين جارن وجاره
المرجله تصعب على كل رجال = الا على رجلن حكيمن قراره
والمرجله مالبسها بشت وعقال = والمرجله ماهي مجرد عباره
المرجله تبغالها عزم وافعال = والنار ماتالع بليا شراره
للحرب حرابه وللخيل خيال = حكمه وشجاعه ومتثال وشطاره
انكان ماهوللصعيبات حلال = ودك على راسه يهدون داره
دنيا تقلب كل يومن على حال = كم واحدن فيها يضيع مساره
ياالله توفقنا على خير الاعمال = ياخالقن خلقه ومحيي دياره
وختامها صلوعلى سيدالاجيال = المصطفى الهادي صدوق البشاره

الشاعرتركي بن مخلد الميزاني

صح السان الشاعر تركي بن مخلد الميزاني على هذه الرائعه والشاعرتركي معروف لدينا بقصايده القويه وصار بيني وبينه عدت مساجلات سوف انزله قريبن

شكرا يابوعبدالعزيز على تنزيلها في المنتدى ونرجو تزويدنا بجديد الشاعر تركي بن مخلد الميزاني

صح لسانك ياابن العم الشاعر تركي ابن مخلد بن زايد الميزاني من الشعراء الشباب اللذين لهم مستقبل مع تمنياتنا له بالتوفيق وتقبل مروري اخوي خالد

صح لسانك ياتركي على هذه القصيده
لك مني اطيب وارق تحيه

قصيدة رائعه وتوضح حكمة كبيرة لدى الشاعر وتجربة قوية تتمثل في هذه الأبيات التي كل بيت منها عبارة عن حكمة لوحدها ..

صح لسان الشاعرتركي بن مخلد الميزاني ونشكرك اخي خالد على نقلها لنا ونحن بإنتظار أظافاتك المميزه في نقل كل شعر رائع يرتقي الى ذائقة متصفحي منتديات الموازين ...

أخوك أبن مصاول

اللي هدفها هرجت القيل والقال
تبغا تفرق بين جارن وجارة

(المرجلة مالبسها بشت وعقال
والمرجلة ماهي مجرد عبارة)

خوش أبيات صح السان الشاعر
وتسلم يمينك على النقل
عجبتني كثير

صح لسانك ياتركي بن مخلد الميزاني
شـكــ وبارك الله فيك ـــرا لك ... لك مني أجمل تحية .
وتقبل مروري (أخوك فهد بن صحران)