قصده بعنوان ( جساس ) لشاعر فارس بن مقحم الميزاني

قصده بعنوان ( جساس ) لشاعر فارس بن مقحم الميزاني

جساس لا تسكن بدار المساكين=لو المطر عله وروض ربيعه
ابعد عنه لو راح غين وبساتين =الله خلق بيداً افججها وسيعه
والرزق عند اللي خلقنا من الطين=ربن خلقنا رزقنا مايضيعه
خلك مع الشجعان لوهم بيعيدين=وادرس مناهجهم بكل الطبيعه
ترى الردي لو زان عندك نهارين=حبله اضعيف ومعترض للقطيعه
لو منضره طيب و عنده ملايين =عند اللوازم مايسد الذريعه
خله ايولي من احساب المولين=والنفس لاترضى عليها الهزيعه
واتعب ورى الدنيا وحافظ على الدين=الوقت يجري والليالي سريعه
وحفظ اللسانك لاتضريه لشين=ترى اللسان ايزل بك لاتطيعه
واللي يعزك خله اغلى من العين=خلك معه وان جت عليه الوقيعه
واللي يهينك زد له الصاع صاعين=واكحل اعيونه من حماط النقيعه
وان قربو عند القضاه الموازين=خلك حليم اوسد للخصم ريعه
ترى الزعل يفتح الخصمك براهين=والحلم يبني لك احصون(ن) منيعه
ون جاك زلاتن من الربع الأدنين =اصبر وسدك جوده لاتبيعه
ون خاب ضنك فالربوع الموالين=مالك على النايد حقوقاً بديعه
وحنا على النوماس والطيب ضارين = نطمح الميصال البروج الرفيعه
نطمح و ناخذ وقتنا بالتمارين=نوباً يطاوعنا ونوبن نطيعه
ونقالب الدنيا على العسر والين =وحبالنا وقت الشدايد متيعه
وختامها مني صلاتاً بتمكين=على الرسول الي شرع بالشريعه

صح لسان الشاعر فارس ويعطيك العافيه أخوي خالد تقبل مروري

عنيزاوي

صح الله السان الشاعر.. على القصيدة الجميله.. ولاهي غريبه منه.. ومشكوووووووور اخوي خاااالد.. على هذا النقل الطيب والجميل..

وتقبل مروووووووووووووووووري

صح لسان الشاعر فارس ومشكور أخوي خالد على النقل المميز
شـكــ وبارك الله فيك ـــرا لك ... لك مني أجمل تحية .

صح لسان الشاعر

وسلمت يد ناقلها

صح لسان الشاعر فارس ويعطيك العافيه أخوي خالد

قصيدة رائعه ومليئة بالحكم المفيدة التي تدل على تجربة بالحياة عميقة جداً..

صح لسان الشاعر فارس بن مقحم الميزاني ونشكرك أخي خالد على نقلها لنا وتعبك الواضح في كتابتها ..

أعجبني هذا البيت:

ون خاب ضنـك فالربـوع المواليـن***مالك علـى النايـد حقوقـاً بديعـه

والشاعر هنا حاكى بيت الشاعر الكبير محمد الأحمد السديري:

إن خاب ظنك في الرفيق الموالي***مالك مشاريه على نايد الناس

قصيدة جزلة وصح لسان الشاعر

أبن مصاول: تم تعديل الإملاء

شكرا ابوعبدالعزيزعلى هذا لنقل وانا لااعتقدانني استطيع الردعلى هذه القصيده لانني تلميذمن تلاميذ الوالد

صح لسان الشاعر الكبير ابو عزيز وسلمت يمناك ابوعبدالعزيز وملاحظة ابن مصاول في محلها الاملاء مهم جدا وفقك الله