قصيده بعنوان ( شفي معداً في طويل المشاريف ) لشاعر فارس بن مقحم الميزاني المطيري

يالله يامنش المزون المهاييف= ياواحداً فوق الخلايق منيفي
يالخالق الي في يديك التصاريف= ياعالماً با لغيب ونت الطيفي
تفرج لمن ضاقت عليه المحاريف= صابر على جور الزمان المحيفي
ينهض وعن دربه تحده صواديف= حيثن ماله يوم ينهض كنيفي
احداً زمانه عاسفه جبر تعسيف= ومودبه بالجبر مثل العسيفي
وحداً قضى وقته اضحوك و سواليف= عند العيال و في محلاً نضيفي
وانا قضية الوقت مالي مواليف = في غرفتاً ياعبيد مالي وليفي
اضحك ونا قلبي اهمومه مراديف = شياً مقابيلاً وشياً نكيفي
لونها تغرف بعشرة مغاريف= ماهس منها ياعبيد النصيفي
تلفني لفت هبوب العواصيف= اليا ابرمت غصن البشام الخفيفي
شفي معداً في طويل المشاريف =في ماقعن ينعش هواه الطيفي
سائل من الوسمي و سائل من الصيف= وعليه سيلاً من عشايا الخريفي
مايدهله كود البكار المشاعيف= والذيب الاسحم يوم يهرف هريفي
والشف الاخر شبت النار باليف= في موقداً فيه الخشيب الصريفي
وتقديم رسلاناً انظافاً مهاديف= ونجراً اليا دقوه يرزف رزيفي
في ضل بيتاً شامخاً كنه القيف= تردم مساييره سوات المظيفي
وانصبو الدله وجات السواليف = كلاً تكلم بالكلام الشريفي
ماهو كلام امولف الحكي توليف= خبلاً على النمه السانه خفيفي
شذاب للمقفي السانه كما السيف = ربو العجوز الي كلامه اصخيفي
لامكرماً ضيفاً ولاعارفاً كيف = وعن المراجل مدو شبره قضيفي
عسى عليه امه تعط الغطاريف= طايح ودمه فوق حيد الرصيفي
واطيه قلاباً مع الصبح ماشيف = غاداً على درب التواير نتيفي
قام المرور ايتابعه بالتواصيف= وقصوه لاننه تعدا عفيفي

صح لسان الشاعر فارس بن مقحم الميزاني ولا هنت اخوي خالد على إتحافنا بكل ماهو جديد للشاعر...

لفت إنتباهي قول الشاعر:

عسى عليه امـه تعـط الغطاريـف

؟؟؟؟ الغطاريف دائماً هي علامة الفرح لا الحزن....

قول الشاعر:

في ضل بيتاً شامخـاً كنـه القيـف

ماهو القيف <<<هذا سؤال فقط للفائده

القصيدة رائعه وصح لسان الشاعر..

أبن مصاول

اخوي بن مصاول تعط الغطاريف تدل على الصياح وتجي على الحالتين ولكن القا فيه تجبر الشاعر

ابو عبد العزيز مشكور على نقل قصايد الوالد الله يكول عمره