بسم الله الرحمن الرحيم
السلام عليكم ورحمة الله وبركاته
أقدم لكم قصيدتي التي القيتها في حفل الهجال لشيوخ حرب يوم الاربعا الموافق22/4/1431هـ
واليكم النص
أعوذ بالرحمن من كل شيطان=ربي عزيز الجاه سبحان شانه
الواحد اللي نرتجي منه غفران=نطلب رضاه ومسكنن في جنانه
من بعد ذكر الله تو هاجسي زان=شاعر واجيب من البحر كل دانه
ماني وانا بن مطير من روس شجعان=من لايجيب النادره في قيفانه
سحابتن هلت من المزن هتان=تروي جميع الذايقات باوانه
سلام يالحضار ذربين الايمان=اهل نعم والطيب في كل خانه
يامحمد الهجله ترا النعم عنوان=لاسمك ليا منه قفاه بمكانه
وأثني على كساب الامداح حمدان=فعل المراجل محتويها زمانه
يامرحبا باسم المعزب ياضيفان=ترحيبتن تاصل حدود الكنانه
اعداد ماطاف الحرم كل انسان=يرجي من المعبود عطفه وامانه
يامرحبا بشيوخ ورجال واعيان=كلن بوسط المجتمع له كيانه
الله يحييكم بذالحفل ياخوان=تحيتن من قلب ينطق لسانه
كل القبايل مرحبا شانها شان=اقولها صادق انا للأمانه
والله تو النور بقدومكم بان=ياهل الفعول الطيبه والرزانه
وختامها صلوا على نسل عدنان=محمد اللي رافع الله شانه
وسلامتكم