قصيدة غزلية رائعة لسوار الذهب

واصرم قلبي صرم عشب المقيضه = مع شوبة الكنه وحمـٌـــو الطواليع

إنزاح مرباعه وشمسه رميضه = وغير السموم أرذاه عج المخاويع

من عقب ماظلت فياضه رويضه = ماعاد تشبع به فروخ الجرابيـــع

على الذي يهتاضني وأستهيضه = هايم غرام مولــــــــعٍ فيه توليع

خده سنا برق المزون المنيضه = برقٍ تلالا فالسحاب المهانيع

نوٍ على سيله يعلّـــــــم نفيضه = يشيل نابي طوبة الحزم ويتيع

لاهف حشى ماله وصوفٍ بغيضه = أشتاق له سيد العذارى المفاريع

ماأنساه لو أنسى صلاة الفريضه = وانا الذي ماأسمع بحبه ولاأطيع

وإن كان مالي فالبخوت الحضيضه = ماظنتي عقب المفــــــارق مراجيع

وهنيكم ياأهل القلوب الفضيضه = ياللي تردون السوالف مصاليع

ماتعرفون المبهمه والنقيضـــــه = ولاأسقتكم الفرقا المراره قراطيع

ماصابكم حر المفارق مضيضه = وانا على جمرة مفارق وتوديع

غير الجروح النازفه والنجيضه = أجاذب الونات فالصدر ماذيع

أجبر عزاي بدمع عيني وأفيضه = وأواسي الخاطر بذكرى وتشفيع

ذكرى رجاي اللي عروضه عريضه = قدام لايقبس فتيل المقامــــــــــيع

وأخاف من سود القلوب المريضه = كبار الدفوف مولدين المضاريــــع

ياوقت سافر بالحمول البهيضه = لاتذنب النفس البريه بلا طيــع

ذنبك على النفس البريه غميضه = مافيك لاسره ولابك منافيــــــــــع

مالك على مشهاة الانفس رفيضه = لاتوقد الفتنه بطق الاصابيـــــــــع

خل الهوى يسمع لركبه نضيضه = ياخذ على رمل الصحاري مراميع

شاعر سوار الذهب ما فيها كلام

وسلمت يداك أخي سالم وشكرا ً

سوار الذهب شاعر كبير ويملك من الشعر قليل من يتقنه اويعرف معانيه اتمنى استمراره ودعمه من قبيلته ....
مشكور اخ سالم

صح لسان الشــاعر عبدالله

لاهف حشا ماله وصوفاً بغيضـه
أشتاق له شوق العـذار المفاريـع
وأن كان مالي فالبخوت الحضيضه
ماظنتي عقب المفـارق مراجيـع
لو من فقد خـلاً وفـا يستعيضـه
ماسال دمع امن العيون المواليـع
واهنيكم يااهل القلوب الفضيضـه
ياللي تردون السوالـف مصاليـع
ماتعرفـون المبهمـة والنقيضـه
ولا اسقتكم الفرقا المراره قراطيع
ماصابكم حر المفارق مضيضـه
وأنا على جمرة مفـارق وتوديـع



والله هالابيات جاء في وقته وهذا الابيات نال على اعجابي


يعطيك العافيه ياسالم صح لسان الشاعر عبدالله بن غازي

شاعر سوار الذهب ما فيها كلام
صح لسان الشاعر الكبير عبدالله الميزاني
ومشكور اخوي سالم رباح على النقل المميز
تحياتي وتقديري لكـ....

صح لسانك
ابو غازي

وياعود ريحاناً غصونه غضيضه

تلاعبه فـوق السواقـي ذعاذيـع

لاهف حشا ماله وصوفاً بغيضـه

أشتاق له شوق العـذار المفاريـع

وأن كان مالي فالبخوت الحضيضه

ماظنتي عقب المفـارق مراجيـع

لو من فقد خـلاً وفـا يستعيضـه

ماسال دمع امن العيون المواليـع

واهنيكم يااهل القلوب الفضيضـه

ياللي تردون السوالـف مصاليـع

ماتعرفـون المبهمـة والنقيضـه

ولا اسقتكم الفرقا المراره قراطيع

ماصابكم حر المفارق مضيضـه

وأنا على جمرة مفـارق وتوديـع

غار الجروح النازفه والنجيضـه

اجاذب الونات بالصـدر ماأذيـع

اخاف من سود القلوب المريضـه

كبار الدفوف مولدين المضاريـع

أجبر عزاي بدمع عيني وافيضـه

واواسي الخاطر بذكرى وتشفيـع

سبيكة ذهب حقيقيه


تشبع كل متذوق لشعر


صح لسان الشاعر عبدالله الميزاني

مدد بلا عدد


تحياتي للجميع

شاعر كبير ومثل هذه القصيدة والمفردات لا تصعب عليه .....وهو قد تعدى مرحلة صح لسانك

صح لسانك ياسوار الذهب
ومشكوووووووووووور ياسالم على هذه الرائعه