شاعر الغربة

جمهور شاعر الغربه
السلام عليكم ورحمة الله وبركاته
عذراًَ جمهورنا الكرام عن الانقطاع وذلك لظروف خاصة جداً لكن بإذن الله سوف يتم التواصل في الفترة القادمة وسوف ترون كل جديد بإذن الله وأهدي إليكم هذه القصيدة راجياً أن تنال رضاكم
*************************

لعل السحاب اللي تبين قنوفه غرب = يسيل وطن مضنون عيني على دربه
يسيل مرابي من غلاها فتح له درب = بوسط الضلوع اشد من طعنة الحربه
شربت الغلاء من كأس حبه بكفي شرب = وانا ليتني قبل اشربه جزت عن شربه
تفارقت انا وياه من بعد ذاك القرب = صدمني فراقه بعد لي ما حصل قربه
رحل وابعدوه عن الوطن مبعدين السرب = حسيبي على اللي من ديرنا قلع سربه
وجودي وجود اللي غدا كل زمله جرب = ولا يملك من المال كله سواء جربه
ويا وجد حالي وجد اسير وقع فالحرب = مابين اليهود اللي تواصو على ضربه
وياونتي ونة شجيع رماه الذرب = يجر الونين وعضم ساقه يجبربه
على اللي من مطير وخواله قبيلة حرب = تناضح جروحي من فراقه كما القربه
عسى الله يلم الشمل بعد العنا والكرب = وتزين السنين ويهتني شاعر الغربه

شاعر الغربه
شبل عصيم الميزاني

حياك الله شاعرنا شبل بن عصيم

-


صح السانك اخوي ...يعطيك العاااافيه...

بارك الله فيك اخوي العبد الله موفق بإذن الله ... لك مني أجمل تحية .

صح بدنك اخوي همس وتقبل تحياتي

حياك الله يابو عصيم في منتداك ومنتدى ربعك الموازين وينتظرون منك من جديدك وتقبل تحياتي

قصيدة راقيه جداً أخي شبل عصيم وهي تعبر عن الغزل العفيف الرفيع والمفقود في هذا الزمن للأسف..

مرة أخرى أحييك ولا يطول غياب شاعر بقامتك عن منتديات الموازين الرسميه فانت مكسبٌ للجميع ووجودك هنا مهم

وصح لسانك عدد بلا مدد

صح لسانك ياشاعر وهذي قصيدة جميلة وبتوفيق ناشالله

صح لساانك اخوي ويعطيك العافية

على اللي من مطير وخواله قبيلة حرب
تناضح جروحي من فراقه كما الحربه

شبل عصيم صح لسانك واعتلى شانك قصيده جزله كتبت بلغة الشعراء الكبار كقامتك استمتعت كثيرا بقراءة هذا النص الراقي بكل ماتعنيه الكلمه فعلا زي ماتفضل اخوي ابوضيف الله نحن بحاجة الى
مثل هذا الشعر فقد كثر الغث في هذه الايام وسئمت منه مسامعنا استمر ياشاعر الغربه وتقبل اعجابي
بماكتبت تقديري لك دمت بخير