في سان ديغو أنتثر دمع مجموع=عّبرة وداع(ن) جاتنا مادرينا
تبكي وانا ابكي وكل واحد به أدموع=وياما تعانقنا وياما بكينا
قلت الصّبر ياعزوتي يبعد اللووع=والله يعين عباده الصابرينا
ترا البكاء مذموم ماهوب مشروع=نهو عنه اسلافنا الصالحينا
قالت لي أجّل!! ترا القلب مشلوع=لوكان بس اسبوع وتقر عينا
وحتى أيش لو أجّلت مافية منفوع=دام السفر ياداعج العين فينا
أقعد شهر والا سنة كنها أسبوع=مادام هالترحال يلزم علينا
هاذي سوات الوقت غصب(ن) بلا طوع=ياما تفرقنا وياما التقينا
وحبك ترا في داخل القلب مطبوع=لاتحسبنا لافترقنا نسينا
هذة القصدة كتبتها عند ما رجعت من امريكا مودع ً شريكة حياتي المبتعثة هناك للدراسة
(تحضير رسالة الدكتوراة)
هاذي سوات الوقت غصب(ن) بلا طوع
يـامـا تفرقـنـا ويـامـا التقيـنـا
وحبك ترا في داخـل القلـب مطبـوع
لاتحسبـنـا لافتـرقـنـا نسـيـنـا
الله الله
وعسى الله يجمعكم ابعض قريبأ الاخ صالح اذا الحب سكبت منه وله العيون الدموع فوجب الاخلاص
والله يخليكم لبعض ويجمع شملكم مع شريكة حياتك وتحتفلون بشهاده ولم الشمل
صح لسانك ابيات جدا مؤثره
عسالله يجمعكم قريبا وهي رافعة راسك بااالدكتوراه يارب
العز خاواني وديني على دينه=واهل التحدي بطق الهم بالاصباعي
لي هيبتن بينه وآنا شويهينه=ما أحط راسي براس الخبل والراعي
ابحث عن إجزالها وأبعد عن الشينه=والوقت ماغيّر مع العالم أطباعي
الغالي أقدّره وأعرف مثامينه= وبعض الرياجيل ليته يلبس أقناعي
في سان ديغو أنتثر دمع مجموع=عّبرة وداع(ن) جاتنا مادرينا
تبكي وانا ابكي وكل واحد به أدموع=وياما تعانقنا وياما بكينا
قلت الصّبر ياعزوتي يبعد اللووع=والله يعين عباده الصابرينا
ترا البكاء مذموم ماهوب مشروع=نهو عنه اسلافنا الصالحينا
قالت لي أجّل!! ترا القلب مشلوع=لوكان بس اسبوع وتقر عينا
وحتى أيش لو أجّلت مافية منفوع=دام السفر ياداعج العين فينا
أقعد شهر والا سنة كنها أسبوع=مادام هالترحال يلزم علينا
هاذي سوات الوقت غصب(ن) بلا طوع=ياما تفرقنا وياما التقينا
وحبك ترا في داخل القلب مطبوع=لاتحسبنا لافترقنا نسينا
ما أجمل الشعر عندما يكون في الحبيب القريب وشريك الحياة وشريك الروح إيضاً
كل الدعوات لك ولها بالنجاح بالدنيا والأخرة وإن يجتمع الشمل ويسعد الإحبه
صح لسانك أخوي صالح بن شداد