مرثيه في والدي المرحوم: ماجد ناجع شداد الميزاني

وعليكم السلام ورحمة الله وبركاته

مرحـوم ياعــوداً تـوفى فالأنعــاش=في غـرفةً فـيــها اجهــــزه شــابكاته
بعد انتشر سـقـمه يعرشه تعــراش=حتى غلـب جـــســمــه وكــمل وفـاته
عوداً نقـشه المـوت والموت نـقاش=مرحوم يالـي مـا انـفـعـتـه اعلاجاته
يارب فـي جنـتك خـلـد له افــراش=واغـــفـر لـعـوداً طـاعتك من صفاته
مؤمن يحب الحـق مـاهـو بغـشاش=مسلــم ويـتـصــــدق ويخــرج زكاته
مايضلم احقـوق الخلايـق ويـرتاش=كــلاً يـحـــبه مـن نـقـــاه وصـــلاته
يوم ادفنو قــبره والاخـوان تغـتاش=وقــفـت اطـالـع وتـحــفـــظ حـصاته
ماملت الحجان مـن صف الارماش=لاكـن قـــدر ربـــي ومـن مـقـدراته
ركز النصايب اطعنني على الجاش=ياويل مــن يـفـــقـد ابـــوه ابـحـيـاته
من قبل ماهو وسـط ريمان معتاش=الـــيـوم فــي لـحـــــداً طــويـلاً مباته
ياذياب بعد العـود جاني تــوشواش=اسهــر على مـافـــت مـــن ذكـرياته
اسهر وهل الدمـع والـقلـب هـشاش=يهـتش بعـــده كـــل مـذكــر وصاته
العود عقب بعــده اوجيـهـنً ابشاش=كــــلاً مــعـــه مـيــزه مــن امـيزاته
يكفيك ابو هزاع مصري ليا شاش=بـين الـنـشـــامــا وقــفـتـه وحـركاته
ويشفيك ذيب امع الرياجيل بطاش=الـيــا بـطـــش بـحــر الرجوله غناته
ما يلطمك يا ذياب حاسد وحشاش=مــن هـــيـبـتـك يــهتــز عــقـله وذاته
ياخوك انا بمرك من اطاش لطاش=شــــئً وكــاد ومـبـعـــد امـشـكـكـاته

محمد ماجد الميزاني

رحــم الله ماجد رحمتاً واسعه

وقصيدهـ معبرهـ

الله يرحم ابو دحيم رحمة واسعه
والله ونعم الرجل لكن قدرة الله فوق كل شئ وكل نفس ذائقة الموت

مرحوم يالي ما انفعته اعلاجاتـه

هناك ملاحظه على هذا الشطر من ناحية الوزن
كذلك اذا القصيده من نظمك اخي محمد يفترض ان تضعها في قسم شعراء منتديات الموازين
واذا كانت لشخص غير عضو فهذا مكانها الصحيح


ارجو التوضيحح

الله يرحمه بيض الله وجهك

الله يرحمه وصح لسانك اخوي محمد

الله يرحم ابو دحيم وصح السا نك يامحمد

الله يسكنه فسيح جنته
مشكور اخوي على القصيده
اخوك \قرم الموازين

الله يجزاكم خير جميعاً =راس الضلع=وشاعرنا عبدالرحمن غلاب=فارس المصاوله=بن مصاول=عزيزبديد=قرم الموازين = الله لايهينكم وصحت ابدانكم ===========
اخوي الشاعر عبدالرحمن غلاب=وصلت الرساله والقصيدة طبعني لي انا ومن ابداعي =

اخوك الشاعر =محمد بن ماجد الدليقاني الميزاني
( تحياتي للجميع)

الله يرحم أبو عبدالرحمن ويسكنه فسيح جناته

ياذياب بعد العود جاني توشواش اسهر على مافت مـن ذكرياتـه

أخوي محمد هناك خطأ إملائي مافات

الله يرحمه ان شالله رحمه واسعه
وبيض الله وجهك