تفاصيل

البارحة غـير وتفـاصيلها غـير=هزن ثوانيها سنين امنياتي
وفلت شريط الـذكريات بمحـاذير=ولمت خيوط اقبالتي مع شتاتي
دارت احداث تصير واحداث ماتصير=ومرن خطاياي وتبرت شفاتي
واجهـشت والعبرة تسوقه مـزابير=دمعٍ حدر سيله وحرّك ثباتي
وهزيت غصن وفاح صدري مباهير=وزليت فنجال وصحن ذكرياتي
وانساق مظهـور وتلاشت مظـاهير=وتبدّلت في خطوتيني حياتي
ونبـت على صدر الملاحـم نواوير=وكبرن عزاوي مبعدين المباتي
قلت اعـتزي بجموع ربعٍ مغـاوير=قومٍ تسامى من سماهم سماتي
وليا اعتزى حامي حمى كليب بالزير=ناديت يا اهل الخيل والمعـجزاتي
لكن هـاك السير ياداهــن السير=واحسب حساب الوقت واحفظ وصاتي
تصغر بنظرات الكرام المخاسير=وتكبر جيوب مدورين الفتاتي
وتضيق بعيون الضعـوف المشاوير=وتقصر بخطوة طالب الطايلاتي
ويـواسد الجمة قـليل الـمـداوير=وتابس ورا طرد المراجل لهاتي
وتشـح يمنى مسـمّنين المعـاذير=واجود بالموجود والخير ياتي
وافرح ليا جوني ربوعي مسايـير =لوكان مااملك وقتها الا عباتي
لن الحيـاه ارزاق رب وتـدابـير=وبين المهد واللحد بضع اخطواتي
ويارب عبدك لو كبر عندك صغـير=وانت الولي يامسيّر العادياتي
يالله تكـبرني بنظـرة هل الخـير=وتكتب لي السجدة ليا جا مماتي
عشان لا سيق الخـلايق طـوابير=ابعث وانا اخر ماكتب لي صلاتي

صح لسان الشاعر نايف المطيري

الله ...الله جداً رائعه تضاف الى روائع الشاعر الرائع نايف الميزاني(أبونواف) وهو غني عن التعريف http://www.almouazeen.net/showthread.php?t=26790

جداً رائعه , جداً مميزة هذه القصيدة حيث أخذتنا الى شطآن الشعر الحقيقي .

صح لسانك ياأبو نواف وأعتلى شانك ...

الله الله يابونواف


شاعر ومافيك حيله



وشهادتي فيك مجروحه



وودي وتقديري

صح لسانك أخوي نايف المطيري

صح السانك قصيدة جميلة لا هنت ولا هان راسك
يا الغالي

صح لسانك اخوي نايف ولاهنت

صح لسانك يابو نواف
قصيده جزله ولاتستغرب هذه الجزاله من نايف المطيري

صح لسانك واعتلى شانك اخوي نايف المطيري على هذا النص الشامخ.وتقبل اعجابي بالقصيدة

الاخ بن فالح

الف شكر على هذا الحضور والنور
وكلك ذوووق
لاعدمتك