قصيدة للشاعر/عبدالرحمن العقيلي ومجاراتها بقصيدة للشاعر/فلاح الهفتا

بسم الله الرحمن الرحيم

القصيدتين في الشيخ/فيصل بن طلق بن بلعوس الغضباني العتيبي الذي ترونه
امامكم في هذه الصورة مع الشاعر/فلاح بن مطر الهفتا

يــاطير يــلي فوق رفرف جنـاحيه = عــددا عــلى متــن الهـوى وارتــكالــــه
عــالي وراعــيه السبـب في تـعــاليه = مــاكـل مـن حـاول يــــنالــه؟ يـــنالـــه
سمــته وعــيا يــقبل السوم راعـيه = مـــــاكـــنه الا واحـــــد مــــن عيــالـــه
واليوم اشوف الطير كـثرت طواريـه = لــه مربعــن نـــاوي وهــــاوي وصالــه
يــاطير تـــكفى ابغاك خطي توديه = اســـتامنـــك بــــالله ود الـــــرســـالـه
ولاجيـت بـالصـمان واطـرف فيافيه = مــــوعــــدك حــــزم مايبــــيله دلالـه
مــرتــع حــلال وزاهــيات مراعيه = خــب ســـقاه الــــوســـم وابـل خيـالـه
ملفاك شيخا ينعــرف قــبل اسميه = الـــدين ســاســـه والظــــفر راس مالـه
شــيخ رفيــقه قــــبل نفـسه يبديه = ويـذبح لضـيفـانـه مـن اطــيب حـلالــه
طــبع الكرم والجـود غاية مبــاديه = يـــوم ان ولــد الـــلاش يــكنــــز ريـــالـــه
شـــيخ ولــد شيــخ بعـيد هقاويـه = لــيا عـجــز غـــيره عــن الحــمل شالــه
المــرجـــله تــدعيه وتقـــول لبـيه = لان المــراجــل كــلـــهـــا في حـــبـالــــه
مـلفاك بن بــلعو س مكـرم طراقيه = فيصـل طلـق راع الــوفــا الـــجـمــالـــه
الشعر لاجـــله ينــحدر جزل واديـه = تطـــرب حـــروفه كـــل ماجا مجالــــه
اذا كتبــت الشــطر الاخـر يبـاريـه = والــقــاف مــا يــصـعـب علي ارتـجالــه
ان قلـــت فيصــل جـاوبني قـوافيه = وان قلــــت بـن بلعــوس زادن جــزالــه
وان قـلت غضـباني تساوت معانيه = وان وصـلت العـــتبان راس الــشــكالـه
بالشعر مـهما قلت مـاظــن يكفيه = ولاكـــل مــن يـــنوي عــلى الشعر قالـه
بعض الرجال الناس هوحي تبكيه = لانه بساعات الكرب ينعناله
نشـهد شـهــادة حـق والحق نبديه = لــلــه سبـحــانـــه وعــظــمـة جــلالـه
الحـــق يـــدعيــني وقــوله وبديه = والطيــب الــه وقـــت الشدايد رجـالـه
نقـصد بـها من قدم الطيب بيديه = طيــب البـــشر كــفــه وطيبه لـحالـــه
ياسعـد عيــنك لاتعــنيت نـاصيه = في مجـــلس تشـــفيك شــبة دلالــــــه
لاشــاف ضـيفه فز واقــبل يحيـــيه = لاعـقـقـد حـــجــاجه ولاضــــاق بــالـــه
قيــف ضليل لكل من يعتزي فـيه = والـــلابــــــته فيا ضـــــليل ضـلالــــه
نصرالضعيف اللي عنا الهم كاويـه = ان كــان بعــد الـــله جــاه وشكــالــــه
عــزالله ان عـن ظما الهـم يرويــه = فـزعــه لــوجه الــلـه مــاهي ظـــلالـه
المـرجـله والـدين والطـيب يـعنيه = راعــي وفـــا واصــل الـوفـا من خصالــه
ماشبهه مــاله مع الناس تشبيه = الا زعــيم الـــمـرجلـه والــشكــالـه

بقلم الشاعر/عبدالرحمن العقيلي المطيري

ابن العقيلي هاضني فـي معانيـه=شاعر عرف عنه الوفا والجزالـه
وياطير يالـي مرعينـي تراعيـه=اكسب جماله خـوذ منـي رسالـه
وصل جوابي لراعي الطيب راعيـه=للي كسـب كلمـة نعـم في مجالـه
فيصل طلق بلعوس واسمـه يكفيـه=يرسي كما ترسي على ارضه جباله
فيصل سمي اللي حكم نجـد اهنيـه=جمع خصول المرجله في خصالـه
يا حي طار الشيخ لا حل طاريـه=رجل علي الطـولات وردة حبالـه
شبيه لبن مهيـد لا جيـت احليـه=او حاتـم الطائـي بصفـة ادلالـه
سخي كريم و فزعته هـي مباديـه=رواة نـاس تنعـرف بـالعدالـه
يضحك احجاجه قبل تنطق اشافيـه=ماهو محسب فـي زمانـه اريالـه
سمعت عنه علـوم محـد املاديـه=في وقتنا الحالي يضلـل اضلالـه
عز الخوي لا هوني مـن يخاويـه=وعز لربعـه عـز عمـه وخالـه
هـذا العتيبـي راهيـات ايـاديـه=كريـم سبـلا طايـلات اسبـالـه
سماه ابن متـروك قبلـي مسميـه=فيصل زعيم المرجله فـي مقالـه
لي الشرف بيـت بعتيبيـه اغنيـه=اعتيبـه الهيـلا رجـال الشكالـه
وبيـت كتبتـه قلـت ارده وثنيـه=فيصل طلق بلعوسه راع الجمالـه
ساسه عتيبه سـم منهـو يعاديـه=الكـل منهـم وقفتـه فـي بسالـه
هذا وانا مطيـري بعيـده مغازيـه=ابحث عن الجزلات واترك اهزاله
ربعي هل الردات والصدق نحكيـه=اهل الثـلاث المعجـزات بجزالـه
من غير قاصر با القبايـل بعاليـه=والحق بين بـا الحـرام وحلالـه
ابو حمد هيضني وقلـت اجاريـه=مادامها بفيصل عسى الخيـر فالـه
ما قلتها من شان مطلب واراجيـه=ولا قلتها من شان افـوز ابجمالـه
اقولها مـن شـان سمعـة معاليـه=رجل عرف بالطيـب و العزنالـه

الشاعر / فلاح بن مطر الهفتاء

صح لسانك يالشاعر الكبير/عبدالرحمن العقيلي وأيضا الشاعر /فلاح الهفتا وبيض الله وجهك ياعبدالرحمن العقيلي وبيض الله وجهك

صح لسانك أخوي عبدالرحمن العقيلي
وصح لسان فلاح الهفتاء

صح لسانك شاعرنا/ عبدالرحمن العقيلي

وصح لسان الشاعر / فلاح الهفتاء

ويستاهل المدح الشيخ / فيصل

صح لسان الشاعرين
على الابيات الجزله

صح لسانك اخوي عبدالرحمن
وصح لسان فلاح الهفتا
الف شكر لك

صح لسان الشاعرين الرائعين عبدالرحمن العقيلي و فلاح الهفتا ...وإذا حضرا حضر الشعر ويستاهل بن بلعوس

صحة اللسنتكم شعراءنا الكبار وهم كلاهما غنين عن الشهاده بل نعتبرهم اساتذه
عبدالحمن العقيلي وفلاح الهفتا يعجز عنهم الكلام ويخونني التعبير ولاكن نقول الله
يبيض وجيهكم انتم بيضتوالوجه في حق رجلآ يستاهل وهو الشيخ فيصل الغضباني
تقبلوا شكري وحترامي لكم ولشعركم الجزل

صحلسانكم ويستاهل الغضباني

صح لسانك اخوي عبدالرحمن
وصح لسان فلاح الهفتا