هذي ابيات غزلية بناءً على طلب احد الأصدقاء

ياعيون(ن) من الفرقاء تهل الدموع=من يلومك على الغالي تهلينها
إنتحوبه بعيد وتحترين الرجوع=يم ناس(ن) لغتهم ما تعرفينها
انتحو بالحبيب والمحبه تلوع=ديرة الترف عقب الترف يا شينها
من عرض له خيالك، في منامه يفوع=وإن صحى قال راح القلب، في يدينها
نظرة بالنواعس منك تقتل جموع=خوفي الله ذنوبي لا تشيلينها
لك سهوم(ن) تصيب القلب وسط الضلوع=من مفاتن جمالك يوم تبدينها
النحر مثل بدر(ن) تم ثاني اسبوع=والجدايل لحافك يوم تضفينها
قلبي اللي لحب البيض عقبك قنوع=مير عودي جروحي لا تزيدينها


وسلامتكم ..

من عرض له خيالك، في منامـه يفـوعوإن صحى قال راح القلب، في يدينهـا


صح لسانك يمسند على القصيده الغزله الجزله

يعطيك الف عافيه .. وبنتظار كل جديد منك

المشاركة الأصلية كتبت بواسطة مواعيـ سراب ـدك

من عرض له خيالك، في منامـه يفـوعوإن صحى قال راح القلب، في يدينهـا


صح لسانك يمسند على القصيده الغزله الجزله

يعطيك الف عافيه .. وبنتظار كل جديد منك

صح بدنك .. يامواعيدك سراب والله يعافيك
ومشكور على مرورك العطر

صح لسانك اخوي مسند

يعطيك العافية على الابيات الجميلة

صح لسانك اخوي مسند ابيات جميلة

صح لسانك أخوي مسند مازن الزحزوح مبدع الله لا يضرك

لك سهوم(ن) تصيب القلب وسط الضلوع=مـــــــــــــــن مـــــفـــــاتـــــن جـــــمـــــالـــــك يـــــــــــــــوم تـــبـــديـــنـــهـــا
الــنــحـــر مـــثــــل بـــــــدر(ن) تـــــــم ثــــانــــي اســــبــــوع=والــــــجــــــدايــــــل لــــــحــــــافــــــك يــــــــــــــــــوم تـــضـــفـــيـــنـــهـــا

الله ..الله صح لسانك يا عميد شعراء منتديات الموازين وقصيدة غزلية جزلة وراقيه وجمالها في صفاء معانيها من بعض الشوائب على الشعر الغزلي البرئ ..

دائماً مبدع يا أبو نافع

النحر مثل بدر(ن) تم ثاني اسبوع=والجدايل لحافك يوم تضفينها

صح لسانك يابو نافع وصح قلبك
ابيات غايه في الروعه والجمال

.

المشاركة الأصلية كتبت بواسطة الخافي اعظم

صح لسانك اخوي مسند

يعطيك العافية على الابيات الجميلة

اهلين صح بدنك الجميل مرورك يذيب كل الشكر والحترام

المشاركة الأصلية كتبت بواسطة عنود الصيد

صح لسانك اخوي مسند ابيات جميلة

اهلين عنود الريم نورت اليوان تحيا تي الكي