مروجين الهرج

بمروجين الهرج لآباس لآباس =أقلوبكم مرضا وتحتاج كيه
ماني بسامع كل حاسد وبلاس =هل القلوب السود وأهل ألرديه
أنا امدح اللي فعلهم يرفع الرأس =أهل الشجاعه والكرم والحمية
إلي لهم في عالم المجد نبراس =ويشهد لهم بالطيب كل البرية
واللي لسانه يطرقه مثل الأمواس =وسوالفه عند العرب ثرثريه
جداه بالنمه يبي يضحك الناس =هو في نحيه والعرب في نحيه
مرايتآ فالوجه عند القفا فأس=لقفيت سوا في غيابي قضيه
موتو قهر أنا الذي فزت بالكأس=أومن هرجكم يالمسكنه وش عليه
خل الروابع تضرب أخماس بأسداس =وإنا اتقهوا دله الشاذ ليه
وش عاد لو بكليب تغدر يجساس =وعذرك تقول أكليب مالد فيه
وراع الخطأ لابد بالرجل ينداس=من شان بكره مايعود الخطية
وصلاة ربي عد حبرا بقرطاس =على رسول الله خير البر يه

راضـــــ ابن ذويبان العضيله ـــــــي

مشكور على الطرح

يعطيك الف عافية

صح لســانك اخوووي

صح لسانك يالعضيله وقصيدة جزله ولكن ينقصها:

1-تنسيقها..(قمنا بالتنسيق)

2-كتابتها باللون الأحمر..(يمنع الكتابة باللون الأحمر حسب ضوابط المنتديات<<قمنا بتعديل اللون عند التنسيق)

3-فيها أخطاء إملائية أرجو مارجعتها مرة اخرى.

وحياك