(عزوة مطير)عواض بن غازي بن موسم

غير متواجد حالياً

قصيدة كتبتها اعتزازاً وافتخاراًبقبيلة العزوالفخر (مطير)ايام مشاركة الشاعر تركي الميزاني بشاعر المليون حيث كان هناك افراد من قبائل اخرى تنادي بمساندة منافسين ليسو من قبائلهم ضد شعراء مطير

من كان له عزوه مثل عزوة امطير =عزّ الله انه مانكسر لانخاها
قومن لياصاح المنادي مشاهير =تارد حياض المعركة ماعلاها
ماحسبّت لرواحها والمخاسير=أهم شي تحصل على مبتغاها
أبسط فعايلهم على اقل تقدير =فجة نحور القوم في ملتقاها
بمسلبات تشبع الذيب والطير=اما من الفرسان والا اومراها
يامعاندين امطير منتم على خير=حصيلكم لطم العيون وعماها
كم قالتن عند التحدي مع الغير=قام المطيري دونها وحتماها
في كل مجد امطير عن غيرها غير=تملك من التاريخ مالايضاها
أمجادهم ماتنحصر بالتعابير=أتعب الكتّاب واللي قراها
ماهي بكاذيب وسوالف مسايير=أوكد من وجيه الرجال ولحاها
ياللي على باب الخطا تنقر الزير =ترى هيام النفس كثرة خطاها
وين انت فازع بالحظوظ المعاثير=ماتدري ان امطير دارت رحاها
لو تجتمع حلف الاعادي طوابير =ان قدّر الله ماتحقق مناها
يامطير فزعتكم تجيب التباشير=بالنصر والتمكين في منتهاها
قمتو مقام اللي ورد جمة البير =في ساعتن ما يشرب الهيس ماها
ولاهي غريبة يالحرار النوادير=هذي فعايكم من اعصور طاها
جملّكم الله يارجّال المناعير=امن اكبر الاّبه ليا اصغر نماها
مادام ربعي فالمحاضر بواتير=ايحقلي يوم افتخر واتباها

غير متواجد حالياً

صح لسانك يابو غازي ولاهنت

تسجيل المواقف في مثل هالقصيده

بيض الله وجهك

غير متواجد حالياً

صح السا نك ابو طلا ل بيض الله وجهك علي تمجيد قبيلتك قصيده جزله ونته جزل تقبل تحيا تي

غير متواجد حالياً

صح لسانك يا ابو طلال على هذه الشامخه والتي تستحق كل التقييم وكل عبارات الشكر لقيمتها العاليه وكيف لا وهي تتغنى بمناقب مطير العظيمه.....

ومطير هم قوم النخوة والإباء والشهامه والقوة التي أرعبت الجميع عندما كان هناك ضرب بالقنا وشد للأعنه ..

صح لسانك ولا تحرمنا من جديدك