شيخة اللكزس..!

شيخة اللكزس وسايقها غُلام=درة ٍ جوف ابرديه تشتعلْ
تلتهب هيبة مِقامٍ مع قِوام=مالك ٍ دربه ويمشي بالمهلْ
نظرة ٍ يمي ونظره للأمام=كَنّها الشيهان شابح في عجل
جالسه فالخلف بالخلف ارتدام=شامخه لَسقف والمعنى سهلْ
برقعه حسب النظام اللي يُقام=وشرع ربي يُسر مافيه الخلل
سببت بالسير بعض الازدحام=كنّها الحلوى وخلق الله نمل
صُورته في ليل فكري ماتنام=بَثّها للناس شاشات المُقل
اسرعت في دربها والقلب صام=عن معاريض الهوى والاّ الزلل
كيف لو ساهر يجازيها بْنظام=الخطآ يسقط ولو كِثر الجَدل
رزّته فرّت مفاتيح الكلام=انفتح صندوق صدري وانقفل
روّحت فوق ابرديه من غمام=ولْعَجَتْ بالطرس قيفان الرمل

صح لسانك يصالح بن عمار على القصيده الجزله

وبيض الله وجهك

ويعطيك الف عافيه ... وبنتظار كل جديد منك

صح لسانك ابوريان
قصيده جميله والجميل فيها هي جرأة التصوير والتي هي البصمه للشعر أخوي صالح
فمن يتأمل ويسترجع لقصائد أخوي صالح سيجد ان صالح ليس كالمقلدين اللذين يصفو
الكلام ولا يأتون بالشيئ الفريد ...
تقول (كنها الحلوى وخلق الله نمل ) تصوير جميل للموقف أعجبني كثيرا وقد لايعجب
الغير لكل وجهة نظر
انت مميز ابوريان وأتمنى من ادارتنا الكريمه ان تستضيف لنا اخوي ابوريان في لقاء
خاص لكي نتعرف على هذه القامه الشعريه اللذي اثبت وجوده بقصائده الجزله والجميله
اللتي أستهوت شريحه كبيره من هواة الشعر الراقي والاصيل وأنا واثق ان اخي اباضيف الله
صاحب الايادي البيضاء بالمنتدى قد وضع أخوي ابوريان في أجندته ..
دمتم بخير

تلتهـب هيبـة مِـقـامٍ مــع قِــوام
مالك ٍ دربـه ويمشـي بالمهـلْ
نظـرة ٍ يمـي ونـظـره لـلأمـام
كَنّها الشيهان شابح فـي عجـل
جالسه فالخلف بالخلف ارتـدام
شامخه لَسقـف والمعنـى سهـلْ
برقعه حسب النظام اللـي يُقـام
وشرع ربي يُسـر مافيـه الخلـل
سببت بالسير بعـض الازدحـام
كنّهـا الحلـوى وخلـق الله نـمـل

الله على الإبداع حين ما يأتي من إحساس
صح لسانك أخوي صالح بن عمار

الله علييك يابن عمار

جزززل من راس جزل

امتناني لامتاعي

صح لسانك اخوي صالح قصيده في قمة الروعه والابداع

صح لسانك يا أبن عمار وأشهد بانك أتيت ببحر الرمل على أكمل وجه فصح لسانك على اتحفافنا بهذه الرائعة على هذا البحر الذي قليلين من يطرقوه من الشعراء.

وبالنسبة لأبو بندر فأقول له بان الشاعر الكبير صالح بن عمار في أجندتنا وقريباً سيكون ضيفنا ويستاهل من يحتفي به ويحاوره في لقاء مباشر عبر صفحات منتديات النخبه

الله الله

صح لسانك شاعرنا صالح بن عمار ..

الله الله على هالتحفه
مبدع مبدع يابو ريان صح لسانك حتي ترضى
في كل مره تبهرنا باطلاله جديده وقد نظمت فيها عقد حرفي يتجاوز بريقه آفاق الذائقه
وفعلاً انت من الشعراء القلائل الذين يمزجون الدهشه والتميز بنصوصهم
فلك الود والاعجاب ياصاحبي
وانشاء الله نراك في لقاء حصري على صفحات منتدى النخبه
.

آل النخبه
صح أبدانكم جميع ولاهنتم مروركم وتعليقاتكم شرفٌ كبير
لتلميذٍ يتعلم منكم جزالة الحرف ...
فــ/بيض الله وجيهكم جميعاً بدون تخصيص...
أبو ضيف الله
يخجل القلم والقلب والأنامل أن تجاري بالثناء على ماتقدم
وتكريمك بالوسام وخالقي مفخرةٌ لي...
لـــــــــــذا ....
كل الشكر لمن مر ونثر عدد حروف مانثر وكل الشكر لمن مر وعبر
دمتم يآل النخبه كما أنتم...



إحترامي