قصيدة للشاعر صنت بن صالح بن مرزوق رحمه الله

اليوم اكتب لكم قصيدة من قصائد الشاعر صنت بن صالح رحمه الله

يامل قلباً ياعوض به هناديب=كلاً على شانه وأنا أمشي بشاني
زل الطرب والراس بادن به الشيب=وأخذت مـن عصر الجهل ماكفاني
نفسي مهندبها على ملة الطيب=ماارخيتـها مع ملـة السرمداني
اللي لحاهم حطوا إكرامها عيب=أرخـوا عليهنه بحد السناني
كبار الجغود ملسين اللغابيب=لبسه كـما لبس النساء مشبهاني
حتى النساء ماتلبس إلاشباشيب=والثـوب كرته يفصـلنه زياني
والسوق عشرة قافيتها مطاليب=وقــلادة رشرش وزلاً عماني
وقتاً طراته للنساء والجباجيب=في دورهم يمشون ممشى الزماني
دنياً تدور أيامها بالتقاليب=راحت بكيلو عقب ضرب الوزاني
حنا بنعمة مار فيها تعاجيب=مخبلك يادوراً يجي عقب ثاني
فقدت أنا فيها أهل النقاء والمواجيب=وراحوا بني عمي وراحوا أخواني
حماسة البن الخضر للشراريب=أهل الرباع مشيدين المباني
ياما قنوا من ماليات المحاليب=عدايلاً فيها بكر وام ثاني
عدايل الخطار يوم الشلاهيب=لاشانت الشطة وشان الزماني
ياكم غدوفاً جوزت بالمطاليب=توخذ عطا ماسوق فيها بياني
يقطعك يالدنيا تجيلك تجاريب=يجهل بك اللي جاهلاً بالمعاني

والقصيدة أطول ولكن هذا مايحفظ منها

.

قصيده جزله وابيات من الشعر الاصيل

رحم الله الشاعر / صنت بن صالح

ولاهنت ياخوي يوسف على نقلك الثري لمثل هذه القصيده
وبانتظار المزيد منك لهذا الشاعر اولغيره من شعراء الموازين الراحلين
.

صح لسان الشاعر / صنت بن صالح الدقش ولا هنت اخي يوسف على نقل القصيده

مشكور على النقــل



الله يرحمه الشيخ صنت صالح

صحـــــــــــــــــ لســــــــــــــــــــــــــانــــــــــــــــــــ ـــكـ

جزاكالله خير يايوسف ع نقل هذه القصيده الطيبه

للمرحوم باذن الله تعالى صنت صالح

موفق بإذن الله ... لك مني أجمل تحية .

اللة يرحمك يابو عبداللة

الله يرحمه مشكور اخوي يوسف على طرحكـ

صح لسان المرحوم والله يسكنه فسيح جناته وعز الله إنه ماقال إلا الصحيح ونرجو منك ياأخ يوسف موافاتنا بقصائده المتبقية

الله يرحم الشاعر صنت