صباحكم .. مسااكم
خيرات ومسرات
ابيات متواضعه كتبتها وماكنت ناوي اطرحها
وطلبها اخي ابو حمود( ولد الدويه) وطلبه غاالي
اتمنى ان تعانق اذواقكم الراقيه0
.
.
يالييـل .. وهـم ٍ فـاق عـده ملايـيـن = لفـى علـى قلـب المعنـا وأثــــــاره
ارسل مراسيـل الضمايـر عناويـن =مضمونها.. ينصـى هجوسـي قـراره
وسرابـي الهاجـس.. بكـل المياديـن =ياليييـل.. ياليـل العـنـا والقـشــــاره
الناار.. شبـت فـي خفوقـي براكيـن =واحرقت .. من جمرة ضلوعي سيجـاره
كنيتهـا.. بالجـوف عبـر الشراييـــــن =ونفثتـهـا.. والـدمـع زاد انـحـــــــداره
من أزرقه .. يرسم على الجـو خطيـن =خـطٍ يميـن.. وخط ثاني يـســــاره
آآآه 00 ياخط ٍ مسكتـه ..علـى ويـن!=والله مـدري.. ويـن وجـه مسـاره؟
اشوف.. حرف النون.. وانطق بها سين!=مجهول حرف السين.. هـذا اعتبـاره!
والراء.. بين حروف تدمع لهـا العيـن =اهـااااات .. ارددهـا ودمعـي شـعـاره
وعديتهـا.. لليـاء ..عسى حرفها يبـيـــــن =ورجعتهـا.. لنـون ..والعـلـم شــــاره
ولملمتها.. بالجوف وناديـت (؟؟؟؟) =ياسم ٍ عشقتـه .. ويـن وجهـة ديـاره؟
مدري انا وش صار.. الى وقتي الحين =يامـن فقدتـه.. بيـن لحظـه وتـــــاره
ايام هذا الوقـت ..صارت لـي سنيـن =مـن دونهـا.. ايـام عمـري خســــاره
يامن ملـك.. بطـراف حـوره محبيـن =هيبة جمال .. وفـي شمـوخه وقاره
تملـك .. ولا تملـك .. سـواة السلاطيـن =والمهتني.. من عـاش جنبـه جـواره
نقش على الخفـاق.. بدمـاي حرفيـن =الحاء.. وحرف الباء.. بذوق ومهاره
واصبح.. وسام ٍ للملا.. واضـح يببيـن =شمس ٍ.. بليـا غيـوم لضحـى نهـاره
بنات حواء.. شفت اكثـر مـن الفيـن =واضف لهن.. زينب ونجـوى وسـاره
والله مايسـون.. مـن الارض شبريـن =اللي ياطـاه الزيـن برضـه اثـــاره
مـع احترامـي .. للعـذارى مزايـيـن =مايـلااام .. خفـاقن ٍ عزفتـن وتـااره !!
.
.
ودي .... أحمد