غزوة الجياشه على قبيلة العصمه

اطلعت على كتاب في الاونه الاخيره على كتاب ملخص غير متداول بين الناس واسمه (قبائل عتيبه والقبائل المجاوره)
ولفت انتباهي واقعه حصلت بين قبيلة الجياشه من (بني الحارث) وقبيلة العصمه وحبيت ان انقلها في منتديات قبيلة الجياشه
للإطلاع فقط وهذه الواقعه معروفه ولم يقتل من قبيلة الجياشه الا الفارس/شبيكان بن دخيل الله بن شاهر الجياشي
وصوب فيها الفارس/عويض بن محسن بن عواضه بن دريميح الجياشي وهي متداوله مع كبار الرواه من قبيلة الجياشه
ولم يذكر لي فيها قصيده الا بعد اطلاعي على هذا الكتاب والمعروف ان قبيلة الجياشه غزو على قبيلة العصمه
من عتيبه بقيادة الفارس والأمير/محمد بن إسليم بن عاتق الجياشي وليس معه الكثير من الجياشه بل الذين غزوا
معه على قبيلة العصمه عدداً قليل وهم مربعين في وادي الرشا وكان الذي يوالي لقبيلة الجياشه الشفعان
من العصمه ولم يهزم في هذه المعركه احدى القبيلتين بل قتل منهم رجل وقتل من الجياشه الفارس/شبيكان
الجياشي وصوب الفارس/عويض بن محسن الجياشي والذي قتل الفارس/شبيكان الجياشي هو الفارس/سعد
بن مشنوطه المطوع العصيمي وإليكم هذه القصيده التي نقلتها من كتاب (قبائل عتيبه والقبائل المجاوره):

جونا صلاة الصبح شينين الاعمال=من الحجاز بعزوة الحارثيه
يبغون عربٍ دونها اشهب اللال=ماتنوخذ والله رقيبٍ عليه
من دونها ناصر وعادي وهذال=حامينها من بعد رب البريه
جتنا طلايعهم بجيشٍ وخيال=يتلون ابن عاتق زبون الونيه
ودارت رحاها واشهب الملح عمال=كلاً يبا الناموس واكثر شويه
واللي غدا منا من الربع رجال=واللي غدا منهم ثلاثه سويه
من بينهم راع الفرس طيب الخال=خلوه ربعه كاسياته ادميه
ياطيبهم طيباه في كل الاحوال=اقولها ماابغا وراها جزيه
حنا هل الطالات ذربين الافعال=حنا عتابه محتمين الغزيه

من بينهم راع الفرس طيب الخال=خلوه ربعه كاسياته ادميه

والمقصود براع الفرس هو الفارس/شبيكان بن دخيل الله بن شاهر الجياشي
والمقصود بخاله هو الفارس المعروف/شبيب بن رداس الحربي يمكنكم الاطلاع على سيرته
في مجالس قبيلة حرب

مع التحيه/سطام محمد الجياشي الحارثي

حياك الله يالحارثي ونعم فيك وفي ربعك وشكرا لك على الموضوع

ونعم بعتيبه وبني الحارث وكل قبيله فيها حقها من رجالها وفي ذلك الوقت كانت الامور كهذه مره غالب ومره مغلوب والحمد لله الي بدل الاحوال وصاروا اخوة متحابين0

حياك الله يالحارثي ونعم فيك وفي ربعك وشكرا لك على الموضوع

قصه جميله من موروث جميل ادام الله الامن والامان علينا جميعا,,,,,,,,,,,,

هذا البيت ينفي ماقيل ان من قتل من الحرث واحد

واللي غدا منا من الربـع رجـال
واللي غـدا منهـم ثلاثـه سويـه


اذا كنت انا مخطي امل تفسير البيت

ونعم بعتيبه وبني الحارث وكل قبيله فيها حقها من رجالها

الشاعر كتبها هكذا

علماً ان القصيده متداوله ومعروف ان لم يقتل فيها الا شخص من قبيلة الجياشه وصوب فيها شخص

وقتل من العصمه شخص واحد

اما عن تفسير البيت فانا لااعلم لماذا كتبها هكذا

بيض الله وجهك علي القصه الطيبه وتعتبر مورث شعبي

مشكور اخوي الحااااااااارثي ولك البيت لشااعر سلطاان الجلاوي
ونعم في كل القباايل وانا اخوك ......... لكن حناا نملك الطيب في اصكوك
يقصد عتيبه ونعم ونعم الف في امطيرر والحرث ولافيهم قصوور

يعطيك العافيه على الايرااااد
تحياتي لك