من ديوان الشاعرالكبير تركي الميزاني

قصيده لصاحب السمو الملكي الامير سلطان بن عبدالعزيز حفظه الله

كريم يانـــوّ(ن)هبوبه تقوده
لي مدة(ن)وانا عيوني تراعيه
اكبر من الغربي ترازم رعوده
سيله حقاق والمخايل تباريه
اللي وطا حزم البلاد ونفوده
عقب المحل ماناش من عرق يحييه
ايام وسمه ماتجيك معدوده
ثابت على طول السنه من مناشيه
هتان ودان ذعاذيع نوده
تجلا هموم القلب والجرح تبريه
وليا سمك وبله وخيّم ركوده
تفرح به البيدا وتروا ضواميه
فوق البسيطه ماتحدد حدوده
مافيه وادي غير تجري مجاريه
والعشب انواعه تلاعب وروده
طلعه سوا من مدلهم(ن)يساقيه
هذي هماليله وهذي شهوده
كل(ن)يرحب به وكل(ن)يحييه
هذاك سلطان السعد من جدوده
غيث(ن)على غيث(ن)يعافيه
ياراح قلنا الله علينا يعوده
من كثر حبه ودّ شعبه يخاويه
وليا رجع تباشروا في وجوده
شيخ(ن)وحنا برض البلاد لمواطيه
حنا تحت رايه وحنا جنوده
واعمارنا في ساحة الحرب تفديه
القايد اللي منبع الجود جوده
صار الكرم صرح(ن)للأمجاد بانيه
((خلو كرم حاتم))وماضي عهوده
سلطان يعطي شي حاتم مايعطيه
خيره على العالم عسا الله يزوده
لو جيت ابذكر ماتعدد حسانيه
وفاه وصلة لكل دوله وفوده
من مد كفه مايبا احد(ن)يكافيه
وليا قدح من نار فكره زنوده
رايه سديد وكل تايه يقديه
وليا بطش ضاعت روابع حسوده
من سطوته خصمه يضيع هقاويه
هداج تيماء اللي يصدر وروده
ياحي ابو خالد وياحي طاريه
كنت اتمنى وقفتي في وجوده
واليوم انا موجود مابين اياديه

..

صح لسان ويعطيك الف عافيه

صح لسان الشاعر/ تركي عطاالله الميزاني .ولاهنت اخوي الشمشم على النقل والقصيدة مكرره على هذا الرابط
http://www.almizany.com/showthread.p...CA%DE%E6%CF%E5
ولكن تبقى القصيدة لانها جائت كامله.الف شكر لك

صح لسان الشاعر/ تركي عطاالله الميزاني .ولاهنت اخوي الشمشم على النقل.الف شكر لك

صح لسان الشاعر وتسلم يمينك على النقل كل الود

صح لسان الشاعر تركي وتسلم يمينك على نقلك الجميل

صح لسان شعرها وسلمت ايد نقلها

صح لسان ابو رهف ومشكور اخوي

صح لسان الشاعر/ تركي عطاالله الميزاني .ولاهنت اخوي الشمشم

صح لسانك يابو رهف لا عدمناك