النميمه

*** النميمه ***

راعي الكذبه وهراج النميمه = امسح اسمه والرقم من تيلفونك
وشد من داره لو العالم مقيمه = لجل ما ترتع ضعونه مع ضعونك
بعدك إعن اللي مثل هاذا غنيمه = وقل عسى اللي من وراك يحول دونك
وأن لقيته صدفه أو جاء في عزيمه = كن معه رسمي ولا تضحك سنونك
الردي وصفه مع الأيام خيمه = لا يذريك بذراه ولا يصونك
ياكل ويشرب مثل وصف البهيمه = ويشتمك لو كان ياكل من صحونك
وفيه بعض الشي من غيرة حريمه = يزعل إن شاف النشاما يمدحونك
مدحتك قدمه تقول أكبر جريمه = وده يعذربك حتى يكرهونك
مثل هاذا أمه ولو جابت عقيمه = وأشهد إن الخايب يخيب ضنونك
ما تدرهم به مع اهل الطيب ريمه = وأنت لو تاقف معه لازم يخونك

شاعر الغربه
شـــبل المطـــيري

صح لسانك ملايين يابن عصيم
قصيده مميزه من شاعر مميز
وعز الله انك صدقت في كل بيت
.

صح بدنك ابن الشاعر ولا عليك زود

صح. لسانك اخوي

صح بدنك صاحب الامتياز

صح السانك ياشاعر الغربه

مثل هذا امه ولوجابت عقيمه
واشهد ان الخايب يخيب ضنونك
ماتدرهم به مع اهل الطيب ريمه
وانت لوتاقف معه لازم يخونك


الله عليك اخوي شبل عصيم لايأتي بهذه المفردات الغنيه بالمعاني الجميله الا شاعر متمكن اشكرك كثيرا شاعرنا فقد اصبت حال مجتمعنا هذا هو للأسف دمت بخير

شكرا ساكب الحرف على التعليق الرائع والجميل وشكرا اخوي الدولي

صح لسانك على القصيده

الله الله ياشبل عصيم صح لساانك ابياات قمة في الجمااال