عبدالله الميزاني فهد نعيم العازمي

السلام عليكم ورحمة الله وبركاته

فهد

سلام الله (ياعبدالله يابن غازي) (وكل مطير) =وكل الحاضرين وساعة الرحمان محضوره

ترى المقصد مغير التسليه والطيب والتقدير =سلومن مافرضها الشيخ ريس مجلس الشوره

عبدالله


هلا يامرحبا ( يا العازمي ) (ياغير كل الغير)=متى فتح وحماس تفيدنا عن ساعة الثوره

( ترى ماكل من يرمي حمامه وشبكه للطير=يجيها الطير متحمي بمخلابه ودنقوره)



فهد


ابا رسلك رساله في جناح الطير الابيض مير =ترى مهي رساله في جناح الطير مصروره

انا ماني بصياد الحمام اللي يدير البير =طيور تطير ولا ماتطير اطيور مطيوره


عبدالله


الا ياصحابنا الروقه رسايلكم شره وبعير=ولا ينقصكم الا مقبرة موتى وشرشوره


تذكرني حناتير البحر في شادي الحنتير=ولا يالله عسها في عبل مجرور مجروره


فهد

عسى الله يكتب الخيره وانا عندي وعندك خير =ياراع الصيده اللي يوم طاحت كنها الكوره

مادام الانس له تفكير اكيد الجن له تفكير =ياليت الانس عند الجن صبح يصير له دوره


عبدالله

فيالق عسكريه في قتال وحرب وانت اخفير=متى تبدي لنا احداث الزمن باالصوت والصوره

الا يا العازمي تقدم على اكبر منك وانت اصغير=علومك مقتفيها حضر والعتبان محظوره

فهد

رفعنا بيرق استحلال جنبه بيرق التحرير=وبعض الناس وش مشقيه والاحوال مستوره

تقوله وانت ماتدري عن الاوضاع ويش ايصير=هذا شان البشر فا الكون منهيه وماموره

عبدالله

من البصره من الوفره لقينالك بعض توفير =معك مشلح وتنوره تحسبك مثل اخو نوره

ولا يا العازمي بعض المعاني مالها تفسير =على مشهد نخيلن خاويه وابيوت مهجوره

فهد

انا ماشي بدربي ما التفت ولا عكست السير=وعبدالله ولد غازي وغيره ناس معذوره

أخي سالم تسلم للله درك على هذه الاختيارات الرائعة .


العازمي ماعليه يكافح , وسوار الذهب اسطورة الشعر بكل معنى الكلمة .

يعطيك العافيه ع النقل لله درك ياعبدالله ابونعيم ماطمع باالسلامه

الا يـاصـحـابـنــا الـــروقـــه رسـايـلــكــم شـــــــره وبــعــيـــرولا يــنــقــصــكـــم الا مـــقــــبــــرة مــــــوتــــــى وشــــــرشــــــوره

الله الله ماشاء الله على عبدالله هو سم الشعراء

معك مشلح وتنوره تحسبك مثل اخو نوره
ماهي غريبه على شاعرنا الكبير ابو غازي التقاط المعنى من أول بيت وكل الشكر لشاعر القدير فهد العازمي هذا الابداع فهو يعرف كيف يستفيد من عبدالله الميزاني ويكفيه فخر ان سوار الذهب شهد واشاد بشعره

مبدع يابو غازي

نقل مميز أخوي سالم تسلم الله يعطيك العافيه

لاهنت على النقل المميز

يامال العافية اخوي سالم تسلم على اضافه هذه المحاوره

يع ــطيكــ الع ــآآفيه اخ ـــــوي