قصيدة انا كسبت الطيب...جديد

الاخوان الكرام السلام عليكم ورحمة الله وبركاته
اليوم عندي لكم قصيدة جديدة على المنتدى ولكنها عندي من القديم عسى ان تنال اعجابكم

اقول

اناكسبت الطيب غصبن عن خشوم اهل الردى=اللي يضوون الجَرَب والجْرْب فمراح الصحاح
اطلب من الله المعين يعين والظالم بدا=قطع الوريد ولاتجرع صبرها سم ذحاح
حملت نفسي فوق طاقتها على كلمة فدا=لدّيت وليان النتيجة لاصلاح ولافلاح
مدّيتها من مدّة ماهي بمن قلت مدا=واخذت لولها ولتلاهاصياح بلا صباح
ياللي تقديهاعلى المشهاة ماعندك قدا=وارشحتها ظلما الليال ولابس منهاوشاح
جنّبت عن درب الرجال اللي يضدون العدا=تشرب من النضاح وتوّرد على العد الضحاح
ضايع جدا ومتّعّب ركابك على ضاعت جدا=تسرح بها حيل خفاف وفالمساتضوي لقاح
ميّز ولف ودور والهادي مادلك للهدا=الجرح والريحان والخنجر وزرقات الرماح
وحنّا ترانا لونطوفها مانتركها سدا=لكنّ من كف الندى وش تطلب يدين الشحاح
واللي تحادا عن طريق القوم لوقام يحدا=ماله قدم ممشا مع العالم ومكسور الجناح
لازم من الايام ياكلهاعشا ولّاغدا=يستضوي اللي عن مقابلها ماحصلّه مراح
يبست عراجين النخل والتمر بعذوقه غدا=عروق تشرب من هماج الماماتشرب من قراح

اخوي الشاعر القدير والكبير محمد بن غازي القحم
نص جزل فيه من المعاني الشيئ الكثير تقول (انا كسبت الطيب غصبن عن خشوم اهل الردى )
اقولك كفو انت يابوعبدالله رجل فرضت احترامك على الجميع بشخصيتك المميزه وبطيب خلقك
شاعر لك حضور قوي في شعر النظم والمحاوره واتعبت الكثير اعجبني النص كثيرا رغم تحفظي
البسيط على الشطر الاخير (يبست عراجين النخل والتمر بعذوقه غدا ) كلمة عراجين غير مناسبه .
وضرب الله سبحانه وتعالى مثلا للقمر في القرأن الكريم
في قوله (كالعرجون القديم ) المقصود جذع النخل لوقلت جذاعين النخل لفهمناها انها جذع او جذوع
والراي لك يابو غازي لاكن حبينا نشاركك الر أي في القصيده ..
دمت بخير

صح لسانك يا أبو عبدالله على القصيدة الجزلة
التي نالت اعجابي و استحساني كثيرا
و ننتظر جديدك و قديمك الجزل دائما

صح لسانك أخوي محمد غازي الميزاني
وعندي تعليق بسيط على كلام أخوي ساكب الحرف
بالنسبة للبيت
يـبـســت عـراجـيــن الـنـخــل والـتـمــر بـعــذوقــه غـــــدا
عروق تشرب مـن همـاج الما ما تشـرب مـن قـراح
العرجون حسب معرفتي هو اللي يطلع فيه شماريخ البلح أو التمر
ويمكن يكون للشاعر راي أخر

صح لسانك يا أبو عبدالله وقصيدة أكثر من جزلة ما شاء الله عليك وبالنسبة لملاحظة الأخ ساكب الحرف فكما قالت الأخت ملكة القوافي ...والعرجون هو هذا


والعذوق هي المتفرعة من العرجون وتحمل التمر

قال تعالى:
والقمر قدرناه منازل حتى عاد كالعرجون القديم


هذا على حد معرفتي

وحنّـا ترانـا لونطوفهـا مانتركهـا ســدالكنّ من كف الندى وش تطلب يدين الشحـاح

واللي تحادا عن طريق القـوم لوقـام يحـداماله قدم ممشا مع العالـم ومكسـور الجنـاح

لازم مـن الايــام ياكلهاعـشـا ولّاغــدايستضوي اللي عن مقابلها ماحصلّـه مـراح

يبست عراجين النخل والتمـر بعذوقـه غـداعروق تشرب من هماج الماماتشرب من قراح

صح لسانك شاعرنا محمد قصيده جزله من شاعر مبدع

صح لسانك أخوي محمد غازي الميزاني
وعندي تعليق بسيط على كلام أخوي ساكب الحرف
بالنسبة للبيت
يـبـســت عـراجـيــن الـنـخــل والـتـمــر بـعــذوقــه غـــــدا
عروق تشرب مـن همـاج الما ما تشـرب مـن قـراح
العرجون حسب معرفتي هو اللي يطلع فيه شماريخ البلح أو التمر
ويمكن يكون للشاعر راي أخر


اختي ملكه الف شكر لك على الايضاح (مافيك حيله ) اختي ملكه
وانا قايل لابو غازي الراي لك عشان يوضح الصوره لاكن ماقصرتي
وهذا ان دل يدل على عمق تصور اخوي ابو غازي
دمتي بخير

صح لسانك يابو عبدالله وصح قلبك
قصيده لايكتبها الاشاعر كبيركبير مثل محمد غازي
حاولت ان اقتبس بيت لاعلق عليه
فوجدت كل بيت عن قصيده
ابحرت بي في عالم الشعر الجزل
لله درك ياهرم الشعر
تقبل اعجابي ياستاذي
.

بيض الله وجهك يابو عبدالله على هالجوهرة المكنونه


ومافيك حيلة....نجيك منا تجي منا


مايهاب

صح الساااااااااااانك اخوي