السلام عليكم ورحمة الله وبركاته
شلون كلن بسمه
يا الربع المحاوره هذي الله واعلم ان مشطوب منها كم بيت تفضلوووو
عبدالله
سحابه مطرها من عتيبه على قحطان = بردها يقض الشامخ الزامي العالي
والا يافلاح انته رساله بلا عنوان = ويؤمن بها الاول ويكفر بها التالي
سفر
ترى مايحدونك مثل ربعك العتبان = يذوب الجليد وينطح الصالي الصالي
انا الليله اكبر من طميه يابن ميزان = ولا يازن الميزان وديان وجبالي
عبدالله
بسيطه على سطح البسيطه جمل وحصان = وقدام لاترجع ورى ياعسل حالي
وابا انشدك عن مقلعك من كشب ليش ووان = وتوي طرالي علم ماهو على بالي
(عبدالله يقول لا الجمهور يقولون جايتن من كشب طميه هههههههههههههه)
سفر
ليا فقدت اعلوم المروه من الانسان = تراه ارخص اريالين من ثوبه البالي
تنشّد وأقول الك أنشد المدن والسكان = ادم الدير وتصير مثل الخلا الخالي
عبدالله
يقال الكريم امقل والا الكريم معان = بغيت اتوارى فيك مادري يورا لي
ليا وين ابا اوديك يامحمل السلطان = والا ياسفر لاباس يابو شحم كالي
سفر
توارا ورى واحد من اربوعك المطران = انا اسعى على فرقاك لو اسري الحالي