سلا م الله على غزة عدد ممطر ضحى وعصير=سلام الله على روح الشهيد ورايحة دمه
سلام الله على شعبن مناوخ زمرت التفجير=سلام الله على شعبن بفعله نومس الامه
يون الحرف حزن ودمعته بالشعرله تقطير=على وجه الورق جفت ارموز الحبرمن همه
الايا مسلمين الشجب والتنديد مابه خير=نبا وقفت ارجالن في نهار الحرب ملتمه
تقاسمنا الجريمه والعدويعرف اغطات البير=على موج السراب انعيش ولافواه منطمه
هوية مسجد المسرى بدت في خطت التغيير=وحنا فالحراج امناطرين المال ونلمه
على الاطلال نذرف دمعنا وناضر التصوير=على مرالزمان نرجع التاريخ ونضمه
الا ياخادم البيتين قودالجيش للتحرير=وحناشعبك اللي فالملاقا ياصل القمه
اقوله لن انا شاعر ولي وجهت نضرلاغير=لان الشعرامانه نحمله للناس ومهمه
اناشاعرسعودي وفتخر ربعي ازحول امطير=من اهل المعجزات اليا عتزانا نارد الجمه
وصلاته الله عدد ماهل ومطرفي ضحى وعصير=على صفوت قريش محمد اللي كرم الامه
صح لسانك اخوي جساس وقد أثار فيك هذا الموقف العصيب الروح الأسلامية العربية الأبية فترجمتها بحروفك لتكون صرخة قوية تعبر عن حالة المسلمين والعرب وما وصلوا له من ضعف وقلة حيلة حتى لم يعد سلاحهم إلا الشجب والتنديد..
واعتقد بان شاعر الرقة الشاعر حامد رشاد قد الهب عندك شعوراً كان متأججاً فترجمته في قصيدة رائعه..