العادات اللي صارت في بعض العوائل عباده

بسم الله الرحمن الرحيم

السلام عليكم ورحمة الله وبركاته

اليوم بحكي لكم قصه صارت في احد القبايل المعروفه كان هناك فتاة تروح مع والدها للبر

شهر من كل سنه من تهل ضحيه وهم ماشين مايجون الا بشهر واحد وكان ابوها له صديق مقاصره يشدون وينزلون مع بعض وكان عند صديق ابوها ولد وكان عمر البنت عشر سنين والولد اكبر منها بخمس
وكانت البنت تروح لحلال ابوها على الموتر (السياره)والولد مثل ذالك وبطريق العوده من الحلال كانت تخاوى معه كانت القلوب بريئه وصافيه وتعلق قلب البنت بالبر والحلال وربطت ذولا مع صورة الولد والولد مثل تعلق بالبر والحلال وبالبنت مرت السنين ومازالو البنت والولد يشوفون بعض قدام اهاليهم واذا راحو لحلال ابوانهم يتقابلون حتى بعد ما تبرقعت (تغطت)البنت محد منعها من الحديث مع الولد او الذهاب معه للحلال ولمى صار عمر البنت عشرين وكانو مثل العاده طالعين بالبر ركبت موترها(سيارتها)وراحت للحلال كانت حاطه ببالها انها بتشوفه بس وينه ما لقته استحت تسال عنه باليوم الاول وثاني يوم لمحت لاخته قالت لها انه توضف ومايقدر يجي ماعنده اجازه وقتها البنت اشردت وضاق صدرها عرفت ان البر ماله لون من غيره حست ان اللي حولها اكشفوها طلعت من بيت الشعر وراحت تردد
اغنية خالد

خبروه اني على وصله حييت
وان تفارقنا ترا موتي دنا

وقبل لايرجعون للديره باسبوع جاء الولد وقبل لايروح لاهله توجه للحلال حق ابوها
وشافها ببرقعها وعرف من عيونها انها كانت تبكي نزل من موتره وراحت تركب موترها سالها علامك قالت انا مره ورجال مايجوز نجلس كذا لمى شغلت الموتر سمعته يقول ماجابني مناك الا الشوق
وراحت للخيام ومانامت من كثر ماهي مستانسه ويوم اصبحت ماراحت للحلال خافت من كلامه البارح
واليوم اللي عقبه راحت ولقته قدامها وسالها بالله ان كانت تحبه تقول ايه وتترك الباقي عليه قالت
من عشر سنين هويتك وعديت الايام لشوفك
حبها وحبته حب برئ مافيه من العيب شيء ولمى كلن رجع لديرته جاب الولد اهله يخطبون
وكان الرفض بالمرصاد لاسباب مالها دخل بالدين لسبب ان اولاد عمها احق ولسبب التحجير من عيال عمها ولسبب ان اللي حبته من قبيله غير قبيلتها!!!!!
ابعدوها عنه بدون رايها ومازالت تعد الايام للقاء ومابقى غير 9 ايام على شهر 12 ومابه خبر ان اهلها بيقاصرون اهله
عندي سؤال بعد هالقصه الحقيقيه وش اللي غلط فيه الشاب؟؟ لانه جاء البيت من بابه؟؟
وش اللي غلطت به البنت علاقتها به كانت مكشوفه ولا مالها قلب تحب وتنحب؟؟
هل هذا هو الحب العذري؟؟

ابي ارائكم في ان البنت لازم تاخذ عيال عمها وانه ماتتزوج من خارج قبيلتها؟
ولو عندك بنت بتزوجها غير عيال عمها؟
مارأيك بالتحجير؟؟

اول شي اختي روحي سبيع اشكرلك على هذه القصه الجميله

والقصه تكلمت عن ماضي قديم وكانت الحياه فيها على الفطره

اما الحين اختي الوضع تغير والامور صارت غير وسبحان الله كل الناس تتغير


الا المعدن الطيب مايتغير ابد ..

اذا جيت للتحجير انا صراحه اعارض على هالشي وصراحه معاد فيه الحين الا قليل ونادر تلقى في بعض القبايل كذا

لان الحين الناس تعلمت وفهمت ان له ضرر على البنت قبل الولد ويكثر المشاكل الى صارت بسبب التحجير

واذا قلنا ان البنت ماتتزوج الا من عيال عمها هذي صراحه مقوله غير مناسبه لان الرجال مايعيبه شي

اهم شي فيه الدين والاخلاق اذا اكتملت هذي من الصفات الزينه والحميده ويستاهل انك تزوجه ومو شرط

انه ولد عمها .. وبعدين الحين اكثر الامراض الوراثيه صراحه تكون في عيال العم والاقارب صراحه

واذا جيت يعني لو عندك بنت بتزوجها غير عيال عمها صراحه هذا شي طبيعي اذا جاء انسان محترم

دين واخلاق ورجال وش المانع انك ماتزوجه اول شي ستر للبنت وثاني شي وفقت بين اثنين بالحلال


وفي ختام كلامي اشكرك اختي روحي سبيع على طرحك المميز

يعطيك العافيه روحي سبيع صراحه

قصه عجبتني مرهـ ..
ولكن التحجير امر قديم ومايحجر لبنت الا المحجر

الحين الدنيا تفتحت وصارت غير مع ان فيه شيبان اعرفهم

مصرين على آرائهم لكن لو كان بيدي ماراح ازوجها شخص ماعرفه

لا لازم يكون لي علاقه به واعرفه زين واعرف وش وراه وقدامه وموشرط يكون من
قبيلتي اهم شي يكون رجل وعاقل وعليه الكلام


ويعطيك العافيه روحي سبيع

اشكر لك مرورك اخوي بس القصه حدثت من سنه تقريبا والحب بدأ من 10 سنين

لا تربطون الحب بالزمن شتان بين الاثنين اربطو القل بالحب لان القلب النظيف هو اساس الحب البرئ

مشكوووووووووووور على التعليق الرائع

مشكووووور اخوي جبر على المروووور والتعليق الرائع

بس للاسف التحجير والرشاشات مازالت لوقتنا الحاضر

مع تقدم العلم واللي يحجرون يكونون من حاملين الباكالوريوس والبعض معاهم ماجستير

أختنا الغاليه روحي سبيع

يسعدنا أنضمامك لهذا الكيان وهذا الصرح

وسرني كثيراً بداياتك معنا بهذه القصه الشيقه وببساطة سردها الذي تغلب عليه

العفويه . . لما لهذه القصه من تلاحم بين والد هذا الشاب ووالد هذه الفتاه . .

وسرعة مرور الأيام وكيف تحولت طفولة وبراءة ابطالها الى عشق وحب وهيام .

رغم ندرة مثل هذه القصص في مجتمعنا . . لكونه مجتمع محافظ . .

فلا ننكر وجود ذلك بيننا . . وكثيراً ما سمعنا بهذه القصص . .

رغم تكتم كثيراً من ابطالها . . الذين وقعوا بشباك الحب ومنهم من لا يزالوا

يقبعون خلف هذا القضبان . ويقضون سنوات الحكم المؤبد عليهم دون قانون

ومنهم من حالفه الحظ وأطلق سراحه وتيسر له الظفر بمحبه دون مساعدة من

حوله . .

وجواباً لتساءُلك أختي الكريمه لهذه النقاط . !!



وش اللي غلط فيه الشاب؟؟ لانه جاء البيت من بابه؟؟

لا لم يكون فيه ولا مجرد أتهام لهذا الشاب . . بل كان تصرفه قمة الأخلاق وقمة الأدب . . النابع عن صفاء نيته لما كان بينهم وصادق مشاعره تجاه من أحبها . .

وش اللي غلطت به البنت علاقتها به كانت مكشوفه ولا مالها قلب تحب وتنحب؟؟

لم ترتكب اي خطأ بعلاقتها ولم تكون تحت دائرة أتهام من حولها كون براءة طفولتها وصدق مشاعرها تجاه من أحبة . . وتقيدها بحيائها وقت علمها بعاقبة استسلامها بعد بلوغها رغم شغفها لمشاهدة من احبت . .


هل هذا هو الحب العذري؟؟
هذا هو الحب الذي طرق بابها وسيطر على كيانها ولم ينسيها دينها وقيمها وتقاليدها . . نعم هو حب صادق اذا صحت الروايه ..

ابي ارائكم في ان البنت لازم تاخذ عيال عمها وانه ماتتزوج من خارج قبيلتها؟
لم يشترط بالشرع ذلك . فكيف يكون لزاماً عليها . .


ولو عندك بنت بتزوجها غير عيال عمها؟
مارأيك بالتحجير؟؟

فلو واجهت مثل هذه التقاليد الحجريه والعادات العنصريه لم القي لها بال .
لأن زواج بنتي أو أختي . . أمر أنا المتصرف الأول به فلا يهمني من رأى غير ما أرى أنه مناسب لها وبقبولها لأنها هي صاحبة الشأن بذلك . .


وتقبلي مرور ووجهة نظر



أخوك : أبو سلطان

يعطيك الف عافية

قصة جميلة جدا ..


التحجير عادة قديمة اندثرت وإن وجد الآن محجرون فهم قلة ..

مشكلتنا الآن ليست التحجير .. وانما رفض زواج البنت من غير القبيلة .. رسولنا الكريم قال ( إذا اتاكم من ترضون دينه وخلقه ) ولم يقل إذا اتاكم من نفس القبيلة !!


ولو زوج ابا إبنته من خارج القبيلة نجد أن اكثر الأقارب لايحضرون حفل الرزاج ويمتنعون عن زيارتهم والحديث معهم .. وهذا مارأيناه لا أدري لماذا ؟




بالنسبة للقصة أختي روحي سبيع فالشاب والفتاة لم يرتكبوا خطاء لكن العادات والتقاليد في المجتمع هي التي فرضت هذا ( عيب البنت تحب , والبنت مالها إلا ولد عمها .... ) اعتبره ظلم بحق الشاب والفتاة ..


أعرف واحد محجر بنت عمه وكانت البنت الكبيرة وخواتها اللي اصغر منها تزوجوا واثناء هذه الفترة يتقدم لها خطاب ويرفض والدها .. وبعد 13 سنة من التحجير تزوج الشاب من فتاة أخرى !!!!!!

ماذنب هذه الفتاة وماذنب أبيها ؟!!!!












اشكرك اختي على طرحك القيم ..

شـكــ وبارك الله فيك ـــرا لك ... لك مني أجمل تحية .

أعتقد بان الأخوان والأخوات قالوا ما فيه الكفاية ووفوا وكفوا ولي عودة للموضوع قريباً بإذن الله..مع الشكر للأخت روحي سبيع على موضوعها الحساس والذي يلامس الواقع كثيراً