على بني عمي نمسي والدعاوي لاحقه .!! ( منصور الدرين ) .!!

صح لسانك أخوي منصور الدرين
وصح لسانك أخوي فهيدان

صح لسانك أخوي منصور الدرين
وصح لسانك أخوي فهيدان

.؛؛الله الله
محاوره خطيره فاتني وقتهآ والشرهه ع بو راكــآن ماعزمنآ ولا وجه لنـآ دعوه ههههه؛؛.

المشاركة الأصلية كتبت بواسطة أبو راكان

المحاورة بعد التنسيق
المحاورة بتاريخ 12/8/1431هـ

منصور الدرين
على بني عمي نمسي والدعـاوي لاحقـه=سلام ياحضرة ذوي ميزان ذربيـن اليمـان
منصور أبن شلاح لو زهّب عليكـم بندقـه=مايرمي ألا راس مخطي ياكريم ومستعان.!!

فهيدان
وعيال عمك مـن غـلاك اتفزلـك متسابقـه=يامرحبا باصحاب اخو نوره على علم وضمان
وانا ليـا مليـت نـوب اهوزكـم بالمطرقـه=كله عشان العشر ماترجع على راسي ثمـان

منصور الدرين
مانـي بمستغـرب علاكـم والحقـوق محقّقـه=دام البقا .. واللي يقابل للسمان .. أهل السمان.!!
أنتم منوّل فـي الخيـام وبعدهـا فـى الصندقـه=وين التطوّر بس ؟... والعالم تطوّر من زمان .!!

فهيدان
ان احمد الله يوم اشيل الخوف عنكم واسرقـه=يا اصحابنا الي جاتكم حلوه من اطراف اللسان
وشلون تنسى ثرب وبريريق عديـت ابرقـه=ولاتبانـا نتصـل ونشهـد العـود اسرحـان

منصور الدرين
الليل يافهيدان في الميـدان شمسـك مشرقـه=والله ماتطلع من هنيا ليـن يـذّن لـلآذان .!!
ياحي ذيـك الديـرة اللـي بالرجـال منسقـة=لو ماتعاندني ظروفي .. كان زرتك برمضان .!!

فهيدان
لاتتركون فهيد يالضبطان وسط المحرقه=الليله الليله نباها من مكان اليـا مكـان
ياكثر حبي للرياض وللقصيم ومفرقـه=والكره كله للديار الي ماهي ديرة حنان

منصور الدرين
اللي تكنّـه فالضميـر .. الليـل لازم تطلقـه=أبشر بعزك ياطليق الوجه .. ياولد الحصان .!
أما تطير الطايرة .. حتـى صحيبـك تلحقـه=وإلا رجع صاحبك لدياره مع فلان وفـلان .!

فهيدان
لاوالله الاقـام حضـي والهجـوس محلـقـه=الله يبارك في رجال مجدهـا شاهـد عيـان
عسى تباشيـر السعـد دايـم عليـك معلقـه=ويالله عسى عيني تشوف اسمي مصدر فالبيان


منصور الدرين
قبل المفطّح لايقرّب .. فيـه فرسـن ومرقـه=وكلن يدسّم شاربه ..بعد المفطّح بالدهـان .!!
لو كل حظ إليـا بذلنـا للجهـود .. نصدقـه=ما كان نضمن داخل الدولة ولا الدنيا الأمان .!!

لاهنت يابو راكان على التنسيق الطيب

وإن شاء الله إنها نالت على الرضا

المشاركة الأصلية كتبت بواسطة برق

صح لسانك الدرين بيض للة وجهك

صح بدنك يابرق ووجهك أبيض

تواجدك يسعدني

كل الإحترام

المشاركة الأصلية كتبت بواسطة سمي جده

صح لسانكم جميعا محاوووره ممتازه واعجبتني وبيض الله وجهك يالدرين وبيض الله وجهك يافهيدان

حياك الله ياسمي جده

الإمتياز هو تواجد الأقلام المميزة في هكذا متصفح

أشكرك جزيل الشكر

المشاركة الأصلية كتبت بواسطة أبن مصاول

صحت السنتكم ومحاورة رائعة وحضور جميل من كلا الشاعرين ...وبالنسبة لهامور مطيري فسوف نسعى بالصلح بينه وبين الرجل إن شاء الله

صح بدنك أستاذنا : أبو مصاول

تواجدك مشرف

المشاركة الأصلية كتبت بواسطة عبدالمجيد الظويفري

الله اكبر على هالقاف الطيب

صح لسسسانك يابن شلآآح جززل وخالقك

ولسااانك ياهامور مطيري والعارف مايعرف ونعرفك جيدا في منتدى مطير الرسمي

لاهنتوا على هالقاف الجزل وننتظر قادمكم بكل شغف

تحياتي

يامرحبا يالظويفري

صح بدنك يالغالي ولاهنت على الكلمات الجميلة

شرفت بتواجدك

المشاركة الأصلية كتبت بواسطة ابن مشدد

الله الله صح لسنتكم شعرائنا على هذه المحاوره الرائعه

ويسعدنا انظمامكم لنخبة الشعراء

صح بدنك يابن مشدد

ولاهنت على التواجد المشرف

المشاركة الأصلية كتبت بواسطة ملكة القوافي

صح لسانك أخوي منصور الدرين
وصح لسانك أخوي فهيدان

صح بدنك شاعرتنا ملكة القوافي

نورتي