شوق

*** شوق ***

كريم يا برق مزونه سرتبه = بشهر اربعه في ليلة اربع وعشرين
وقفت اخيله والهبوب انتحتبه = يبرق من حديجه ليا إسواج ويمين
عسى الخيال اللي هواه احدرتبه = يسقي مرابي صاحبي كامل الزين
مدهال من قلبي معاها غدتبه = الجادل اللي حبها فالشرايين
جت واسحرتني والفواد اسكنتبه = استوطنت في قلبي اسنين وسنين
ثم رحلت والدرب ما علمتبه = راحت ولا قالت سفرها على وين
وغيابها طول وحالي عثتبه = أتلى العهد في شوفها عام عشرين
اسنين مرت والفرح ما لفتبه = واللي حصلي من جفاها يكفين
قولوا لشوق من اذبحت تلتفتبه = قولوا لشوق تلد مره لي العين
من شان تذكر من وفاء واغدرتبه = وأصبح بعدها من حساب المجانين
أما تروف بحال من عزرتبه = وإلا يموت ومن حساب الشهيدين
وأن مت والعمر الليال ارحلتبه = روحوا لشوق وسلموها الدواوين
وقولوا ترى أوصانا نسلمك كتبه = تقرينها يا شوق من شان تدرين

شاعر الغربه
شبل عصيم المطيري

صح لسانك يابن عصيم
ابيات اكثر من رائعه
واختيار القافيه موفق
.

صح لسانك يا شاعر الغربه وقبل قليل كنت أقرأ لك قصيدة في الصمان واليوم صاحبك بين حديجه وسواج ..الله عليك ويقول الشاعر العربي :

نقل فؤادك حيث شئت من الهوى,,,ما الحب إلا للحبيب الأولِ

صح لسانك واعتلى شأنك

صح بدنك يابو ضيف الله

صح بدنك يابن الشاعر

صــح ااالسااانكـ

صح لساانك اخوي شبل عصيم

صح لسانك اخوي شبل عصيم
قصيده جزله من راس جزل
تحياتي لك

صح لسانك على القصيده

شكرا ابو فارس وشكرا للعبدالله وشكرا ل خاطري حساس والف شكر اختي عنود الصيد