حبيت اشارك فاجتماع الموازين = الي جمعنا فيه وافي الخصايل
ابن مصاول من رجالٍ مسمين = اهل الكرم والطيب واهل الفعايل
ربعي بني عمي على العسر واللين=افخر بهم واشوش والراس طايل
حناذوي ميزان والناس دارين = محصلين الطيب بين القبايل
من عهدنا الاول ليا عهد هالحين= وقت اللوازم من حساب الاوايل
حناهل التقوى وحناهل الدين = ورجالنا ماهو عن الحق مايل
وشيوخنا ماهم عليكم خفيين= عيال مدلج متعبت كل عايل
روس الرجال الطيبين السلاطين= اهل الشداد متعّــبين الاصايل
واليوم جينا عند ربعٍ كريمين = والطيب مايبغا وصوف ودلايل
وحنا لدعوة ربعنا مستعدين = حنا نكمّــل بعض والشك زايل
ونيابةً عنهم هلا بالكريمين = الي لفونا من جميع القبايل
والله يديم افراحنا قولو آمين = والله يجملنا مع اهل الجمايل
« آخـــر الـــمـــشـــاركــــات »
غير متواجد حالياً
مشاركتي في اجتماع منتديات الموازين
