الرئيسية التسجيل البحث جديد مشاركات اليوم الرسائل الخاصة أتصل بنا
LAst-2 LAst-3 LAst-1
LAst-5
LAst-4
LAst-7 LAst-8 LAst-6

 
 عدد الضغطات  : 27647
 
 عدد الضغطات  : 38676

« آخـــر الـــمـــشـــاركــــات »
         :: شيلات الشاعر عبدالرحمن العقيلي باصوات افضل المنشدين (آخر رد :عبدالرحمن العقيلي)       :: مرثية الشاعر عبدالرحمن العقيلي في والده الشيخ متروك بن صالح العقيلي رحمه الله https: (آخر رد :عبدالرحمن العقيلي)       :: مرثية الشيخ تراحيب بن صالح العقيلي رحمه الله1440هــ (آخر رد :عبدالرحمن العقيلي)       :: حفل الشاب سعود عبد الكريم العقيلي عنيزه (آخر رد :عبدالرحمن العقيلي)       :: حفل الشاب نور بن زبن العقيلي (آخر رد :عبدالرحمن العقيلي)       :: حفل الشاب عبدالله مرداس العقيلي (آخر رد :عبدالرحمن العقيلي)       :: مرثية الراحل الاستاذ عواض بن نور العقيلي رحمه الله (آخر رد :عبدالرحمن العقيلي)       :: عودة بعد غيبة ليست بالقصيرة واعتذار (آخر رد :عبدالرحمن العقيلي)       :: موقف الشيخ هدايه الشاطري شيخ شمل الشطر مع العتيبي والحابوط (آخر رد :الخضيراء)       :: الشيخ هدايه بن عطيه شيخ شمل الشطر مع العتيبي (آخر رد :الخضيراء)      



ديوان الشاعر/عبدالعزيز الشاطري يضم هذا الديوان إنتاجات الشاعر /عبدالعزيز الشاطري الأدبيه

إضافة رد
انشر الموضوع
 
أدوات الموضوع
غير متواجد حالياً
 رقم المشاركة : ( 1 )

شاعر مبدع
رقم العضوية : 10806
تاريخ التسجيل : 07 03 2011
الدولة : ذكر
العمر :
الجنس :
مكان الإقامة :
عدد المشاركات : 74 [+]
آخر تواجد : 30 - 12 - 14 [+]
عدد النقاط : 10
قوة الترشيح : عبدالعزيز االشاطري is on a distinguished road
الأوسمـة
بيانات الإتصال
آخر المواضيع

التوقيت
افتراضي " عزام بن عبدالعزيز الشاطري "

كُتب : [ 17 - 07 - 12 - 06:57 AM ]

أخواني وأخواتي في هذا الصرح الشامخ

إليكم قصائدي في ابني عزام أصلحه الله وهداه طريق الجنة

هذه الأولى قلتها بعد مارزقني الله بخمس من البنات ( الله يحفظهن ويصلحهن )
كما هي فطرة الانسان يريد ابناء ذكورا واناثا


يا حرف وينك ما لقيتك فالحروف=اليا كتبتك شفت غيرك ينقري
سطّرت صفحات العمر ظلمى واشوف=وش فايدتها دام مانت بْدفتري
ملّ الصبر وانا انتظر رغم الظروف=واللي يبى جزل المعاني يصبري
ودي تناديني وانا اجيلك شغوف=لو القصايد تمتلي شوك وشري
لا جيت لي خليت شعري لك هنوف=مضمونها عقل وعلاها الجوهري
ويرقص جزيله لك بلا دق الدفوف=لا زان منطوقك وجوّك شاعري
نلعب سوا نبني على صفّ الرفوف=عذب القصايد تبتدي بْحرفٍ طري
ولاشْتدّ ساقك واقتوى وصرت مْعروف=وصيتك ظهر والنّعم بالحرف الجري
اتْصير سيفي لا قْدحت بيض السيوف=وحبر قْلمي على الفخر مبري بري
وكفي بكفك لا بْخلت بعض الكفوف=يا غيمةٍ بك اسْتظلّ وتمطري
وتنهض قصيدي لا ضعف فوق الكتوف=لا شاب قاف الشعر ماله مقدري
واظلم زمانه من خسوف اليا كسوف=بين المخاطر حالته ماتنطري
وانهدّ حيله ما بعد ربّه خلوف=الا انْت شدّ الحيل مالك معذري
وردّ الديون اللي كست بيض الكشوف=واشفق بحاله كان ودّك تجبري
اليا انكسرت وصرت تطمع للوقوف=واللي قضى دين القضا مايخسري
هذي حروفي حرفها حرٍّ خطوف=حرٍّ على صيد السمين مسيطري
حرفٍ عليه من الجزاله لي وصوف=عزام بن عبد العزيز الشاطري
واخْتامها واللي خلقنا بْلا لحوف=ماني لغيره رافعٍ له ناظري
يالله ما بين الرجا وما بين خوف=عبدك دعاك ورافع ايدينه عري
يدعوك في وقت السحر وانته تشوف=ربّ استجب له وارزقه حرفٍ جري
وْصلاة ربي عدّ من حج ويطوف=على النبي شفيعنا فالمحشري



وهذه القصيدة الثانية بعدما رزقني الله باثنتين اخريين ( الله يصلحهن ويحفظهن )



الوقت يا عزام بانت غوايبه=نوّخ بلا اسْتئذان مني ركايبه
كشّر عليّه بالمناشير كمّلت=طوقٍ على عمري ولاني بهايبه
عزّيت نفسي فيك وارثيك وانتظر=يوم الفرح بك لا تحقّق مناي به
بعد النجوم السبع والدار نوّرت=المنجية باذْن الولي من لهايبه
يابوك ما شفتك وانابوك مرتجي=من ربي المعبود معطي وهايبه
للي توجّه بالدعا له ويطلبه=ماردّ نفسٍ تدعُ باخلاص خايبه
عيني تمنّى بعد هالعمر شوفتك=واذني تبى اسمك تسمعه في نداي به
عزام سخرت الهلالي وانا اقدره=ماهمّني لكنّ بك حل غايبه
عسفت من خيل القصايد أصايله=واسرج حصان الفكر وانصى غرايبه
وارفع مقام الشعر وارقى نوايفه=ماورّده ميراد بانت شوايبه
ولاسْمع هزيله وانكر اللي تقوّله=وامشي مع اللي للجزالة طلايبه
لا قلت شعري كل الاوادم انصتت=يسحر مسامعها على فنّ جايبه
لا صوت جنّنها ولا لحن من غنّى=شعرن معانيه الفرايد سحايبه
اليا تراكم بالسما ... ليل تدحمه=مدّت له الصحرا كفوفٍ عطايبه
تستفزع ولبّى لها البرق يلحقه=رعّاد سوطه فالثقيله ضرايبه
طاحت تباكى والصحاري تصدّعت=تنثر مع العشب الورود فهبايبه
ثم اضحكت والروض تشدو نسايمه=قامت تلاعبها وسالت لعايبه
وغنّت لها طْيور الفرح يوم عيّدت=وقامت تراقص كل أذنٍ سبايبه
جبته مثل ، واللي جهل ما دريت به=صغته وانا يا بوك للشعر نايبه
والشعر حكمة والحكيم يتدبّره=ما يقبل الا كلمةٍ جات صايبه
واللي فقدها يفقد الطيب معظمه=ماتردعه نفسه ليا شاف عايبه
يابوك وان ماجيت راضي ومحتسب=أمر انكتب فاللوح والنفس طايبه
صابر ومؤمن بالقدر واعمل السبب=يوم الدعا رد القدر في كتايبه
يالله ترزقني بعزام واصلحه=وانفع به امه ثمّ انا ثمْ قرايبه
واحلى ختام الشعر صلوا على النبي=اعداد ما قبّل ولد راس شايبه


وهذه الأخيرة بعد مارزقنيه ربي ( الله يحفظه ويصلحه )


لك الحمد ياربي عدد خلق الاجنّه=وْعدد مامشى طفل وعدد ماصحا أونام
وْعدد برد وامطارالشتا وشدة الكنّه=وْعدد مانبت نبت وعدد طيره الحوام
بعد ما لحق عمري سنوات يطونّه=ثلاثة عقود وفوقها لي ثمان اعوام
وْبعد ما لفى شيب العوارض وعافنّه=على النور في وجهي تزيد العمر باوهام
وْبعد ماسكن داري جواهرلهن حنّه=وْعيوني تناظر تنتظر من لهن قدام
لك الحمد ياربي لك الشكر والمنّه=على مارزقتني بعد هالعمر عزام
فرحت وحظنته والدموع يتغشنّه=وْغشاني فرح مامر مثله طوال العام
تغني طيوره والسعد لي يزفنّه=وكنّي حكمت اغلى ديار الذهب والخام
هلا بك عدد ماسْمك ليا جنّ يطرنّه=خواتك وأمك فالحقيقه وفالأحلام
وْعدد ماتخيلتك ولاحْدن درى عنّه=وْعدد ما ينادوني مدى العمر ابو عزام
والا ياوليدي قدمك النار والجنّه=وانا اوصيك لا ميّزت تبعد عن الآثام
إلهي طلبتك تحْفظه لي على السنّه=وتهديه فعل الخير والبر فالاسلام
وتبعد شرار الخلق من ناسه وجنّه=ولايصحب الامن على المرجله سوام
وتبعد غرابيل الزمن لا يحدنّه=وتجعلْه فبْحور السعد دايما عوام
وخلّه ليا جرّيت انا فالزمن ونّه=سنيد وعضيد وفالمهمات ليّ حْزام
وْحروف القصيدة لو لي اللحن جرّنّه=تهل الدموع وقالت العذر من عزام
انا اعْذرك يا حرفي وعزام انا اظنّه=بعد هالقوافي يعْذرك لا عرفك وقام
وعلى الهادي المختار صلوا على السنّه=عدد ما فرح والد بمولود بعد اعوام


وسلاااااامتكم ودعواتكم



تحيتي للجميع

الله يبارك لنا شعباننا اللي مضى=والله يتمم لنا رْمضان أجر وثواب
يالله مانطلب الا من جنابك رضا=والمغفرة والعفو لا حلّ وقت الحساب

ديواني

http://www.alsh3r.com/poeter.2550.html
رد مع اقتباس
غير متواجد حالياً
 رقم المشاركة : ( 2 )
عضو ماسي
رقم العضوية : 9143
تاريخ التسجيل : 26 07 2010
الدولة : أنثى
العمر :
الجنس :
مكان الإقامة : ~{ بين الــ ξ ـــظمآء . .
عدد المشاركات : 4,680 [+]
آخر تواجد : 28 - 08 - 12 [+]
عدد النقاط : 18
قوة الترشيح : إُْحآسيسّ مدفونهّ is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: " عزام بن عبدالعزيز الشاطري "

كُتب : [ 17 - 07 - 12 - 07:54 AM ]

صح لسآنك آلشآعر ..
و الله يحميهمَ و يخليهم لك آخويَ ..









رد مع اقتباس
غير متواجد حالياً
 رقم المشاركة : ( 3 )

.
رقم العضوية : 4207
تاريخ التسجيل : 04 10 2008
الدولة : ذكر
العمر :
الجنس :
مكان الإقامة :
عدد المشاركات : 2,252 [+]
آخر تواجد : 09 - 08 - 19 [+]
عدد النقاط : 10
قوة الترشيح : ابن الشاعر is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: " عزام بن عبدالعزيز الشاطري "

كُتب : [ 17 - 07 - 12 - 11:27 PM ]

صح لسانك ياخوي عبدلعزيز على هالثلاث درر
والله يخليهم لك ويصلحهم ويطرح فيهم البركه لدينهم ولوالديهم سواء ذكور او اناث
والخير فيما اختاره الله
.



رد مع اقتباس
غير متواجد حالياً
 رقم المشاركة : ( 4 )

.
مشرف على الأقسام الأدبيه
رقم العضوية : 4372
تاريخ التسجيل : 20 10 2008
الدولة : ذكر
العمر :
الجنس :
مكان الإقامة : الرياض
عدد المشاركات : 3,147 [+]
آخر تواجد : 14 - 07 - 16 [+]
عدد النقاط : 10
قوة الترشيح : العبدالله is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: " عزام بن عبدالعزيز الشاطري "

كُتب : [ 30 - 08 - 12 - 11:12 PM ]

والله يخليهم لك ويصلحهم وصح لسانك

رد مع اقتباس
غير متواجد حالياً
 رقم المشاركة : ( 5 )
<img src=
رقم العضوية : 54
تاريخ التسجيل : 15 05 2007
الدولة : ذكر
العمر :
الجنس :
مكان الإقامة :
عدد المشاركات : 32,017 [+]
آخر تواجد : 20 - 03 - 24 [+]
عدد النقاط : 29
قوة الترشيح : أبن مصاول is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: " عزام بن عبدالعزيز الشاطري "

كُتب : [ 31 - 08 - 12 - 11:52 AM ]

الشاعر الكبير المبدع عبدالعزيز الشاطري بداية أعتذر لأنني لم أرى هذه الدرر إلا متأخراً وذلك تقصير مني بلا شك وأستميحك العذر.

ثانياً قصائد جزلة من شاعر جزل يوضح فيها شغفه بأبنه الوحيد وحرصه كأي رأجل بأن يكون له سندٌ من صلبه وهذه هي حال الدنيا...

والإناث حبيبات وحنونات ولكن عند أصطكاك الأمور لن تجد بجانبك إلا الرجل ...ومع ذلك هناك من الإناث من يعادلن كثيراً من الرجال وأكبر مثال "غاده المطيري"

صح لسانك وأعتلى شأنك وأصلح لك أبنائك وحفظهم لك ورزقك برهم

علمتني الحياة : انني إذا أردت أن احلق مع الصقور ,فلا أضيع وقتي مع الدجاج.
قمة الغباء .. أن تحاول أن تكون عميق .. في زمن أصبحت كل أشياؤه سطحيه.
سُئل هتلر : " من هم أحقر الناس الذين قابلتهم في حياتك؟" فأجاب: " أولئك الذين ساعدوني على احتلال بلدانهم"
رد مع اقتباس
غير متواجد حالياً
 رقم المشاركة : ( 6 )
عضو
رقم العضوية : 8495
تاريخ التسجيل : 03 06 2010
الدولة : ذكر
العمر :
الجنس :
مكان الإقامة :
عدد المشاركات : 72 [+]
آخر تواجد : 08 - 10 - 23 [+]
عدد النقاط : 10
قوة الترشيح : حـمـودي is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: " عزام بن عبدالعزيز الشاطري "

كُتب : [ 31 - 08 - 12 - 03:30 PM ]

الله يخليهم لك ويحفظهم الله

صح لسانك اخوي عبدالعزيز الشاطري

تحياتي وتقديري

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:59 PM.


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم

إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها