قصيدة أحمد نصار فالشيخ ماجد الدويش

غير متواجد حالياً

مناسبة القصيده امر قضاه لي الشيخ ماجد بن عجمي الدويش اطال الله في عمره وامده
واتت هاذه القصيده وهي اقل شي اقدمه اتجاه هاذا الرجل صاحب الافعال الطيبه

يالله يالمعبـود ياعالـي الـشـان
يالواحـد اللـي كلنـا نرتجيـلـه

ياواحدٍ جملـت تصويـر الانسـان
وفرقتهـم ولكـل واحـد فصيـلـه

وبنيت سبع من السماء دون عمدان
ياربنـا اللـي روسنـا تنحنيـلـه

وهبتنـي بالشعـر طلاقـة لسـان
وجنبتني عـن كـل هزلـه وميلـه

ومادمت انا بالشعر لي خيل وعنان
باشد سرجي فوق ظهـر الاصيلـه

وبكتب قصيدي فيك ياطير حـوران
ياالشيـخ ماجـد يازبـون الثقيلـه

ترى القصيده تفتخر فـي كحيـلان
لـو انهـا فالشيـخ ماجـد قليلـه

ابفتخربـه وامدحـه ويـن ماكـان
يشوش راسي كـل ماذكـر جميلـه

راع الكرم والطيب لاهـان لاهـان
ابن عجمـي ياقـل منهـو مثيلـه

يعـد لاعـدو طويليـن الايـمـان
ويمناه يـم الطيـب دايـم طويلـه

واللي حداه الوقـت يلقـاه مزبـان
وحقه علي ان كان ماشفـى غليلـه

وانا ماقول الهرج من دون برهـان
من قبل اقول الهرج عنـدي دليلـه

ومدامها وصلت تفاخـر بشيخـان
بقدح زنـادي فـوق راس الفتيلـه

لنا الفخر لاقيـل ذا شيـخ مطـران
فالوقـت لازاد الحمـل يرتكيـلـه

شيخٍ ونسل شيوخ من روس دوشان
رجالهـم يسـوى لحالـه قبيـلـه

شيوخنا الدوشان من ماض الازمان
شجره على المطران دايـم ضليلـه

تاريخهم ماتجهلـه كـل الاوطـان
ماتجهلـه ياكـود نـاسٍ ذليـلـه

وصلو على ذكر النبي كـل ماحـان
عداد وبلٍ مـن صـدوق المخيلـه