أخوي أبن مدلج مرحباً بك وبردك الجميل المتعقل وسوف أدلي بدلوي في هذه المحاولة في مجاراتك يأبو مقرن :
أبشر يا ابن مدلج وأبشر يا ميزان(1)=ومن قال تكفا بشره يالعروفي
اليا بغينا الطيب من ماض الأزمان =نرقى سنود ولا نعرف النكوفي
وميزان من ينساه في كل ميدان=شيخ المعالي في الليالي العجوفي
صبينا سموه ربعي كحيلان=يا جعل يفداه الغبي اللقوفي
وربعي هل الطولات ياطير حوران=كم شيخ قوم عوفوه اللحوفي
والربع دايم حقهم وسط الأعيان=حتيش لو نسمع كلام حفوفي
في ذكرهم ريحة بختري وحوذان=ومن صفهم توخذ جميع الصفوفي
ولا همنا قولة صبي وورعان=والورع ماله غير ضرب الكفوفي
لا صار ما يفهم ولاهو بعرفان=نكويه بالموسم على أعلى الردوفي
حتى يغير هرج ورع وصبيان=ويصير دايم للخيابه يعوفي
(ماقل دل وزبدة الهرج نيشان)2=لا صار للأبيات لازم وقوفي
1-ميزان اقصد كل من ينتمي لهذا الأسم العريق.
2-هذا الشطر مقتبس من قصيدة لراكان ابن حثلين وهي معروفة للجميع.
أخوك ابن مصاول