إهداء لابن مصاول

السلام عليكم

صباحكم أحلى صباح يا منتدى الموازين

افتقدكم الفترة الماضية بسبب غيابي عن هذا المنتدى الجميل

ولكن ما نسيتكم و لا يمكن أنساكم , ولعل الأيام القادمة كفيلة بأن أحظى بتواجدي معكم

هذه القصيدة إهداء لابن مصاول استاذي و صديقي و ابن عمي لما أحببت فيه من اخلاص و روح طيبة و لا يهون كل أعضاء هذا الصرح الطيب


هدمنا المشب القديم وقمنا ببناء الجديد و اصبحت في كل يوم أمرّه عجلا و متشوقا بعد أن أعلن الشتاء هجومه

يا بوي عجّل وألحق ريال بريال = البرد روّح ما حسبنا حسابه
نبي نشب النار ونروّق البال = و نسوي الفنجال ما أطيب شرابه
عزّي لمن يسعى ورا كثرة المال = وشتاه روّح ما يطقون بابه
نبي الوجار اللي به الضو شعّال = تقر به عيني وعيني تهابه
وما نندب إلا طيب االراي والفال = يوم الرجال اليوم ما هي تشابه
اللي يجيب الطيّبة كل ما قال = حياه ربي مرحبا يا هلابه
مثل ولد سفّاح وعيال هلاّل = و خوالي اللي بالمواقف ذيابه
يستاهلون الكيف فنجال فنجال = يا حيها فالوقت عزوة و لابـه
و ان زارنا رجلن به هبال وخبال = نقدم الواجب لحضرة جنابه
علّه ليا منه عرف صار رجال = ولا عساه يروح ما يندرابه
وجدي على ما اجر عشرين موال = حيد الوجار اللي توهج شهابه
وجدي على تمرة و دلة على جال = وجدي على قومن تعرف الذرابه
هذا هوى بالي معاميل ودلال = وصوت المطر همّال يا مرحبابه
يا بوي طال الصبر و الصبر قتال = والهاجس المهتاض لا وعذابه
نبي ليا هبت هبوبن من شمال = البرد حنا حاسبينن حسابه

نايف العضيلة

http://almouazeen.com/showthread.php?p=478866#post478866

بيض الله وجهك وقصيده جزله



تحياتي

-
لاهنت ع القصيده الجزله...

شاكر لك أخووي على هذه القصيده ويستتاهل ابن مصااول

صح لسانك اخوي المعنى قصيده جميله جدا اشكرك

مشاااءالله عليك اخوي المعنى يعني بعد هالغيب تجي ولا تهدي الا لي ابن مصااااول

انااا احتج ................؟؟ههههههههههههه
زعلانه لازم ترد فيني قصيده هههههههههههههههه


صح لسااانك اخوي المعنى ويستااهل ابن مصاااول الاهداااء والله يعطيك العافية ومشكووور

يعني من طول الغيباات جااب الغنائم

وعليكم السلام ورحمة الله وبركاته
صح لسانك أخوي المعنى ويستاهل وأبن مصاول يستاهل الإهداء

السلام عليكم ورحمة الله وبركاته وبعد /

قصيدة جميلة من رجل مبارك تدل على نبله وكرمه ووفائه لصديقه الذي يستحق الثناء .

ودمتم سالمين .

قصييدة جداً رائعةة يستآهل أخونا ابن مصآآول (:

صح لسانك على القصيده