انا ليا شفت الطيور أعرف ويش انواعها الشاعر الكبير سوار الذهب والشاعر فالح الغنامي

المحاوره يمكن لها خمس سنين وتغني عن التعليق

سوار الذهب

:

سهيل في قطر اليمن والجدي في قطر الشمال = واللي يعلم بالنجوم العاليه مطلاعها
ابا اتصل وابااتكل يالله عليك الاتكال = زال السفينه في بحرها مايطيح شراعها

الغنامي

سهيل يطلع في زمن والجدي مع طول الليال = واللي سمع له سالفه بين العباد اذاعها
اليا ذكرت الله ماينساك والله ذا الجلال = واللي شرا بعض العلوم الطيبه ماباعها

سوار الذهب

المعتبر علم الفلك ياحال والا مستحال = لاتشتكي هم الضروس الا على قلاعها
ابليس مع طول الدهر ماياكل الا بالشمال = سنة رسول الله فضايلها على تباعها

الغنامي

بعض السوالف يالمطاري مايجي فيها جدال = لاتشتكي هوشة حريب الا على فراعها
ياجعل مال ابليس فالدنيا بنات ولا عيال = يثر على ضعاف العقول اللي تشين اطباعها

سوار الذهب

اتجيبها روس الحبال تردها روس الحبال = والطبع شئ من التطبع ذرعها بذراعها
الكامل الله مانت كامل قول لله الكمال = وأنا ليا شفت الطيور أعرف ويش انواعها

الغنامي

أحدن ورد شاطي بحر واحدن وردجمٍ زلال = والله يبارك فالرجال الله طوال اعمارها
العاقل اللي يقنعه حكم القدر في كل حال = واليا عرفت طيور شلوى تتعرف ميقاعها

سوار الذهب

مافيه صدق بلا صدوق ولا بروق بلا خيال = وش كان والدنيا سماها اللي يسيّل قاعها
أهون عليك مع الزمان الحمل والا الاحتمال = أقتصها لاتخرب الزرعه على زراعها

الغنامي

أن كان عينك ماتشوف نجيب له كحل الدلال = شمس الضحى تشرق وخلق الله تشوف اشعاعها
ماأحدن يدورمن ورى الفقري جنيه ولا ريال = ترى الطبيب يداوي المرضى بطب أوجاعها

سوار الذهب

أن شفت فيك وفيك أجيك أخل عينك بالخلال = بعد الثلاثيه رباعيه عليك أرباعها
السم من ناب الحنش والدم من مسك الغزال = أمرقعه ومصقّعه ونردها برقاعها

الغنامي

أن ماعقل رجالكم والا كتلته بالحبال = وأودعه فأم الكباير وأربطه فكراعها
مالله ومر عبده يشيل الحمله اللي ماتشال = يالله تستر بنت عليا لايطيح قناعها

حماد العبيوي الله لا يهينك وانت اكبر مكسب لنا ودايما تتحفنا بالمحاورات النادره والمميزه

وانت كذلك مميز بكل الاحوال ولا تحرمنا من المحاورات الذهبيه

بيض الله وجهك يحماد

دائما مميز في نقلك للمحاورات

يعطيك الف عافيه

لاهنت اخوي حماد وتسلم

بيض الله وجهك

الله يعطيك العافيه