القلوب المغاليل- لهليل الميزاني

السب مايبري القلوب المغاليل= ويلي دعيت دعاك حسب المضره
إن كان ماطيبك بجيلن بعد جيل = الأدمي معروف خيره وشره
فرق البشر واضح كما الجدي وسهيل= وسهيل نجمن فارقن بالمجره
عز الله إني ماأقبل السب والميل= ومن برني بالطيب والله لبره
مرة سنه مابين هم وبهاذيل = والوقت دار وذقت حلوه ومره
مير انتباهي لليال المقابيل= واللي يحوش الطيب لله دره
مالي ومال الناس والقال والقيل= ماضاع لي يانمر مثقال ذره
كلش تبين دون اشاعه وتحليل= معروف برد القيض من قو حره
ارسلت خير وصار عكس المراسيل = ذمي وانا مالي على الذم جره
طبيعتن فيّه مااحب العراقيل= ولالي دخل في ثوبك اللي تزره

صح لسانك يابو تركي ومشكوريالقناص عى النقل الجميل

صح السانك يبؤتركي والله يعطيك العا فيه