واليا دفنا العدود يقل ورادها - سوار الذهب وفهد العازمي

ذكر سوار الذهب للشاعر الاصلي والمستعار ويقصد به حبيب العازمي هو الاصل والاحتياطي أو القابع في ظله فهد العازمي وطبعاً لامقارنة بين الشاعرين حبيب وفهد



نترككم مع هذه المحاورة الجميلة التي حصلت في صيفيةهذا العام أعتقد شهر 6 الماضي




فهد العازمي

سلام رديتن من نورها يستنار = في ليلتن يطرب الخافق لميعادها
الدرب ماينجهل في ليل والا نهار= والناس تدري عن اللي صارفبلادها

سوارالذهب

يامرحبا فيك يالاصلي ويالمستعار = من هاجس ماينقّصها ليا زادها
تدري متى بلشت الضبعه براس الحمار = فالليله اللي ماعاد يعد عدادها

فهد العازمي

ياقل زبد الحقيقه في العلوم الكبار = بعض السوالف تموت بوقت ميلادها
ترى جنيه الذهب ماهوب مثل السوار= والناس تعرف معادنها من اجدادها

سوار الذهب

انته ليا صرت شاعر غير تبغى غيار = وام الكباير لها يومين فحدادها
ماكل روقي يطفي نار ويشب نار = كم صيدتن ماتبيض وجه من صادها

فهد العازمي

الحاجه اللي تخصك قولها باختصار = مال الحديده مهندس غير حدادها
ماضاعوا اهل اليمين ان ضاعوا اهل الشمال = ومطير جاها عتيبين قصر مادها

سوار الذهب

ياوحدن مامعك خبره تريد اختبار = واليا دفنا العدود يقل ورادها
ترمي وتزهب لكنك ماتحفظ العيار= الله يحفظ عيال الناس فبلادها

فهد العازمي

اقول مال النشامى كيف غار البهار = لكن خل لدلال اتدور بقنادها
الله يجيب السحاب اللي يغسل الغبار = من مزنة لاح بارقها برعادها

سوار الذهب

واقول مازال في وجهك شوية حمار = كم واحدن ذاقها مره ولا عادها

ياسلام على هذه البيوت من سوار الذهب .


اشكرك ياحماد على اتحافنا بها .



ولي عودة ان شاء الله لوقفة على بعض ماورد فيها .

محاورة في قمة الروعه والجماليه يعطيك العافيه أخوي حماد على النقل

مشكورين على المرور والتعليق يابو رباح
والشاعر عايض الحريص

تسلم ياحماد ،،ابداااع ا.

شكرا على النقل الرائع اخوي حماد العبيوي وهذه المحاوره كانت في حفل ..مقرن ابن فايح ابن رفاع الميزاني

بتاريخ 26/7 في هذه الصيفيه وكان من ضمن الشعرا ...مستور العصيمي ... وتركي الميزاني...وزيد العضيله