|
||||||
|
||||||
|
||||||
|
 |
 |
 « آخـــر الـــمـــشـــاركــــات » |
|
|||||||
| الأشعار المنقولة لشعراء الموازين يختص هذا القسم بالأشعار المنقولة لشعراء الموازين الغير أعضاء في المنتديات سواء الشعراء القدماء او الحديثين. |
 |
| انشر الموضوع |
|
|
أدوات الموضوع |
 غير متواجد حالياً
|
رقم المشاركة : ( 1 ) | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
شاعر المدالجه يمدح عبدالله التركي
كُتب : [ 27 - 12 - 07
- 10:00 AM ]
 (عبدالله التركـي) من اللي يعدون المقصود عبدالله عبد العزيز التركي من أهالي عنيزه . .كتبها رحمة الله عليه في 15/2/1405هـ
ليا ضاق صدرك سج للي يسلون=أهل الكرم واهل الشرف والشكاله تلقا رجالٍ يوم تقبل يهلون=عاداتهم كسب الثنا والجماله على التقاليد القديمه يحامون=ويحاربون أهل الردى والرذاله أفعال أهاليهم عليها يسيرون=هل الشيم واهل القيم والجزاله ما طاوعوا في سلمهم من يقولون:=(ترى التقاليد القديمه جهاله) قالوا نسير ونترك البخل والهون=ينزل على اللي ما أنتفع من حلاله نفعل وكثر المال ما سر قارون=تاجر ولا فكه من الموت ماله حنا على عاداتنا لا تقولون=ذا حالنا والنذل يمشي لحاله نطرب اليا جونا النشاما يخصون=ونفخر ونكسب شكرهم والنفاله ليا أدبروا ذولا هذولاك ياتون=في مجلسٍ دايم تعاقب دلاله في بيت قرمٍ عنده العلم مضمون=أمثال أبن تركي ليا جا مجاله (عبدالله التركـي) من اللي يعدون=ان جا مجالٍ للكرم والرجاله من ربعتن في حزت الضيق يرسون=دايم كما ترسي رواسي جباله ماني من اللي يمدحون ويريدون=لكن أعرف الدار وأذكر رجاله أفخر براع الطيب من حيث مايكون=لو من جنوب الدار ولا شماله واللاش لو يملك ثمانين مليون=لا نافعٍ نفسه ولا من عنا له دايم حياة اللاش من دون في دون=ولا خير فاللي ما يضلك ضلاله لكن يا غافل ترى العمر مرهون=لا بد من يومٍ قريبٍ زلاله يومٍ عنه بعض الأوادم يغفلون=ولاهين لين أنه تجيهم أرحاله والمرجله ماهي على ما يريدون=ولا عمرهم قالوا تجي بالسهاله تصعب على اللي لو بغوها يعجزون=وكم واحدٍ عنها تقاصر حباله قاصر نظر واللي بجنبه يشوفون=وان قيل شف معنا تزايد جفاله محروم من جانب ومن حال مفتون=لين أقصرت مراجله عن عياله قلته وأنا عندي على السلم قانون=واشرب ازلال الماء وخلي حثاله ولاني من اللي بالمثايل يمارون=وان قيل له شاعر طمع بالكماله تلقاه مع ناسٍ يجون ويروحون=لكن طبعه ما يعرف العداله يمشي جهه والناس مع درب يمشون=ومخالفٍ سنة نبي الرساله وصلوا على المختار ياللي تصلون=عداد من حج الحرم من اقباله رحم الله الشاعر....واذكر ان عبدالله التركي قد أعطاه ناقة من اطيب نياقه بعد سماعه للقصيدة ولكن المرحوم رفض وقال له: انا لم امتدحك لآخذ عوضاً في شعري فانا غني ولله الحمد. عائلة التركي من العوائل الأصيلة في عنيزه وقد ناسبتهم مطير وناسبوا بعض القبائل ... قد تزوج التركي بأربع نساء وجعل لكل واحدة منهن بيتاً في مزرعة اتخذها كحارة له جنوب عنيزة على طريق (الضلعه) ولهم من الأبناء والبنات ما يقارب الــ50 .. ابن مصاول
|
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
