عـــلى دروب الـــشـــتــــات مــــفـــترقــــات طرقـــــــ

القهوة في بعض الاشعار،،



وهذا محمد بن مديبغ التميمي
راع المستجدة رحمه الله

يادلتي لايجزعك واهج النار
............... ماجبتك إلا باغي تحْتضينه
أبي ليا جونا مشاكيل وخيار
............... اقلّطك والرزق ربي ضمينه
ياعنك ماغظلم حجاجي عن الجار
............. ولايوم ماعنا تقازى الظّغينه

وهذي لحمد بن ناحي المطيري .. يقول

يازين شبة نارها العصر ياخليف
...............لا مالت الفيه وزان البراد
كسرت فنجال على غاية الكيف
.............لاعج ريحه مثل ريح الزباد
جونا مسايير يبون العجاريف
.....لى أوحو دنين النجر مثل المنادي
جابوا سوالف طيبين المحاريف
.............اللي عليهم يقهرون الطراد

وهذه قصيدة .... زيد الخشيم [يرحمه الله] ... ايضاً بالقهوة... وغير القهوة

لاضاق صدري قمت اسوي من الكيـــف...... فنجال بن مايغــــبب ســريبــــــه
بكرٍ على بكرٍ عـــذي عن العيــــــــف........ يطرى على ان نام خطو الزريبه
وانٍ مصـبـه كــن لــــــونه الى شـيـف....... سـلـك الحـرير الى تمهل صبيبه
صــــبــــه الممرور براسـه زعـانـيـف ....... اللي إلى شبت يصالي لهيبـــــــه
ويثنـــى عن الرّبع المقفين بالســــيـف ..... لاحـــــل في تال التفافيق ديبـــــه
وفيــنــا محـازمنــا اسـوات الكرانيــف ....... ومعــنا خطاة املظب لاح شيبـــه
لعـيـــون غـيـدٍ شرّ كت تـنـثـر الليــف ........اللي شـــكا وارد قـناهـا عـسيـبـه
بشرقــي قـفـار كنهــا مزنة الصـيـف ........ شـرقٍ عن البطحا بجازع شعيبه
اللي نمـاهـا لــلـــمـســايير والضـــيف ........ يوم ان ولــد النذل حارب قريبـه
صرنا لعدلات المناظر كــلاليـــــــــــف ........ ننجش لهم ملح الشـفا كل عيـبــه

وهذه أبيات من قصيدة لاتحضرني كاملة
للشاعر ( الصعيليك ) يمتدح ( ابن لحيدان )
الكريم المشهور بما يستنفد من القهوة يقول :

حرام مايرخص بصنعاء بضاعه
............وابن لحيدان على جاهد القاع
مانفدت يمناه من البن ساعه
.........يطبخ شهر للزوم صكاك الاصباع
ليا من عيلات الاجاويد ضاعه
......... يفدع لو ان المجيدي على صاع


وهذه القصيده الرائعه .. لمبارك بن عبيكه بن رمال
*******************************************

قم يالمقهوي دن نجر ومحماس
............واحمس لنا من حب صنعا نماها
احمس وزين حمسة البن بقياس
..............دقــه ولقمهـا وعـجل سواهـا
وصبه لممرور على الخيل مدباس
..............تقفي عنه صم الرمك لانصاها
من فوق ماتاخذ على الخيل مرواس
,............لاجدعت خبثات الانفس حذاها
واثنه لمن حوله على الزبر جلاس
..............اهل السموت اللي بعيد مداها
ابن عبيكه هرجته مابها باس
..........تطرب لها كرام اللحى من حلاها
طول الجدار وقصرة الرجل نوماس
............لا صار ما للرجــل داع دعاهــا
تصير بعيون الرفاقه معك باس
.............لاصار ماتدعى تره من عناها
يصير قالات ويصير لولاس
.............ونوبن من الادنين ياتي بلاها
قلبك يصير ويضرب القلب عوماس
...........والنفس تقدح عقب زايد غلاها
خلك على بابك تقل لون حراس
.............لاجو عليهن محترين عشاها
لاجن مع الخل الشمالي لها اضراس
...........والكل تشكي رجلها من حفاها
نرحب بهم من قبل تجديع الالباس
..........ونقلط لهم تمر الحلا من نماها
ونذبح لهم كبش مربى بالاطعاس
...........ونقلطه من قبل يقرب مساها
هذي سلوم جدودنا قبل من راس
..........واللي بعدنا كــان ربي هداهـا

وجودي وجود اللي حداه الذراء والشبك
شعّتهـا البـروق وذكرتهـا مرابعهـا

تكسر عبايرهـا وتـرزم رزيـم ودبـك
عطت عمرها لامقـدم الشبـك جابعهـا

ولا تسمع الا عوقها يوم قال ابك ابـك
ولا صبّحـت لا راعـى الـذود بايعهـا

على اللي سكاكينه تحبك المفاصل حبـك
وقامـت مـدورة الفقـار اتقاطعـهـا

وجودي عليك ووجد حالي وياما اصعبك
ظروف حدتني عنـك مانـي بطايعهـا

ايا واحـدن لـوك بعيـدٍ علـيّ مقربـك
سكنت العيـون وكـن قلبـي منازعهـا

ولامني ذكرتك يالغلا والزمن قـال إبـك
تداريك عينـي يـوم تـذرف مدامعهـا

تخاف الدموع و سيل الاشواق لا تشربك
وتفقد عيوني صورتك وانـت طابعهـا

انا البارحه لانـي بخاسـر ولا كاسبـك
وتلعب بي الفرقاء على روس اصابعهـا

تذكرت بيت اوحيتـه العـام ويناسبـك
واظنـه يناسـب حالتـي ياملوعـهـا

بدون التزام بمذهـب القافيـه والسبـك
وكـل احترامـي للقصيـد ومراجعهـا
عسى من حداني عن وليفي وانا باغيه
تحده ذنوبه مـا يجـي بـارد الجنـه
على البيـت هـذا والضميـر ان بـدا ينّبك
فلي رغبتن مدري متى كنـت تشبعهـا

ايا السالب اللي من عرفتك وانا موجبك
ولا وين نفسي عن مواصلـك تمتنعهـا

ياليت الليالي في مكانـي شهـر تقلبـك
واصير بمكانك وانـت ليتـك تجرعهـا

مرارة فراقـك يمكـن تحـس بمعذبـك
ونفسك عقب طول المفـارق تراجعهـا

كتبتك بعمري بس اخاف الجفاء يشطبك
ولا من شطبك الوقت رح عـاد رقعهـا

زمن يا مفرق شمل الاحباب انا بشاربك
قلوب الولايـف ليتـك اللـي تجمعهـا

كفانا قساوة خطوتك يـا زمـن طالبـك
وسومك على وجيه البشر من مدامعهـا

حداني على طرق التوجد حبيسـة شبـك
سنا البرق ذكرهـا الولايـف وضيعهـا

سنه والصفر لا روحت وارده تطربك
ولكـن طويـل الوقـت عـيّا يطبعهـا

وانا مثلها رغم الجفا ما قدرت اشطبـك
عيوني على فرقـاك تـذرف مدامعهـا

أعجبتني الأبيات
لــــ / حمد السعيد

فكرة حلوة اخوي حابس المجال وغير مسبوقة ..


الله يعطيك العافية

ولك جزيل الشكر .

صح لسان الشاعر حمد السعيد(والقصيدة قوية لم اتوقع ان تكون لحمد)
الشكر على الذائقة والاختيار يانزف ،،

كـــــــلمة مــــــراقيع00









بانت لي طخاتن وزلت على طول=مدري جلاها قيظ والا تعلت

مستلتن من بين عثعث ودحمول=بغيت اجاريها ولكن تولت

وعديت في نابي ولانيب مخذول=بين اللواليح اعتلي واتحلت

واسلي حالي وانظم القاف بالقول=والكبد مما في حشاها تصلت

ما للفتى علمن على غيب مجهول=المقبلات لرب الاحيا تطلت

وشديت في كفي مطاريق واقفول=واثر الحبل من شد باسه تفلت

ايامنا راحت مراقيع واسمول=غابت سنينن في مدى الوقت ولت

اليوم يمسي مع فنا الوقت مركول=دقايق ابن ادم بالازمان قلت

وعلم العقيده له اصولن ومدلول=والنفس من دونه عن الساس ضلت



والبعض في حب المطاريش مجبول=لمن روحه في سما الدور ملت

يدهل خرايم ما وطا بارضها زول=عينه مع دروب الصحاري تسلت

كلمة ملاويح
--------------------------------------------------------------------------------



على مراقيب الزحـول الزحازيـح
هلت على فرقى الولايف دموعـي
دمع الغلا ماهـو بدمـع التماسيـح

اصخيت به وانا صبور جزوعـي
ذبحتنـي وانـا بعيـد المشاويـح

وبينت ماكنيت غصـب وطوعـي
الروس ترقى والروابـع مشافيـح

وانا طبوع الحـر كنهـا طبوعـي
يكفي عذاب وضيق خاطر وتجريح

زود على ذا الحال عادك قطوعـي
قلبي وحش ورموش عينك ملاويح



خطر على قلبي يمـزع ظلوعـي
ويشمت اصحاب العصي والمسابيح

اللي تجي من كل شكـل ونوعـي
البارحه مرت وانـا آون وآصيـح


تسمع تنهاتي علـى راس كوعـي
نبض جذب نبض القلوب المجاريح


شوقي سيوفـه والمحبـه دروعـي
خذيت انا وياه ضربـات ترجيـح


قاومت والهقوات تخطـي سنوعـي
آطيح ثـم آقـوم وآقـوم وآطيـح


ولاقدرت انسـى خيـال يروعـي
حتى لو أنصى قاني الفطـر الفيـح

ابغى اتونس في مجالـس ربوعـي
شفتك تسابقني علـى هبـة الريـح

تشرب فناجيلـي وتنثـر قدوعـي
واقلب(ن)ايخيل النجـوم المدابيـح


والضغط عنده في نزول وطلوعـي
ارسل وصاتي فوق خطافة الريـح


شقرى مع شيـخ يفـج الجموعـي
من سلسلة خيل العطاوي شليويـح


ولها مـع يـام حوالـي سبوعـي
هوت مرابط خيـل يـام بترويـح


وفاقت على قب المهار الفزوعـي
هذي تليق بمحتوى الخـط وتزيـح


هم يهـوش بحـد سيـف بتوعـي
مضمونها لاماك يحتـاج تصحيـح


والخوف من فرقى بليـا رجوعـي
اما تعال وخالـط الشيـح بالشيـح


في ليلة تخلـف ظنـون القنوعـي
والا اشتر الاكفان واطف المصابيح



وغسل بقابا جثتـي مـن دموعـي
واخذ الوصاه ورد خطافت الريـح


(موتت عزيز ولا حيات الخظوعي)

الشاعر:فلاح مخـلص اليــامي ...

الشهــــد أو نقول قطرات الشهد،،







منك الحلا لو صغته بذوق يا ذوق
انطق انا اسمـك واتطعـم مذاقـه
.. .. .. ..
حتى حروفك تقطر الشهد يا شـوق
تجرح صيام اللي نده لـك شفاقـه
.. .. .. ..
كيكه غنيه بالحلا وانـت منطـوق
يابخت من قـرّب لخـدك وذاقـه
.. .. .. ..
شفني وانا مغرم من الناس مسروق
قلبي معـك متوثّـقٍ 5a8 فـي وثاقـه
.. .. .. ..
موثّقٍ حاله يبيـك انـت معشـوق
دخيـل ربـك ارحمـه واشتياقـه
.. .. .. ..
تـوّاق لعيونـك ولازال ويـتـوق
ارَكِّـده لكـن علـي ايتصـاقـه
.. .. .. ..
ارفق عليه وسكنه داخـل المـوق
في موق عينـك جنتـه وانعتاقـه
.. .. .. ..
حتى بخطاك يقلدك كـل غرنـوق
تاوي لأرضـك واتمشـى برفاقـه
.. .. .. ..
وش هي هيا وش مبسمه أيت بروق
النور مـن خـدّك تعـدّى وفاقـه
.. .. .. ..
مالوم قلبٍ يعشق الشمس بشـروق
ولالوم قلبي لاخرج عـن نطاقـه




منقوله ولم يكتب اسم شاعرها،،

عـــــــبارة ((أقصاه)))
ليتك تشوف اللي بقلبي وتقراه!!!
وتعرف مكانك داخل القلب بوضوح

وتشوف غلاك كيف قلبي تبناه
وتعرف مدى تأثير حبك على الروح

غلاك ملك قلبي من اقصاه لادناه
وقسم قسم لو تاخذ الروح مسموح///

صح السان الشاعر



ويعطيك الف عافيه

كـــــــلمة /// ذعاذيع

يقول شاعرها،،،،،



كنـــــت اخايل برقها راحت جنوب(ن) مستهله

صوب دار أحباب عيني ياعسى البارق وطاها

بعدها شوف اللوليف اللي غرامه مانمله

كل ما هبت ذعاذيع الهوى يطري هواها


انشدك بالله ترحم قلبي اللي فيه عله

لوعتي باللوم فكري صكته بقعا وجاها






والى كلمه وعباره جديدة نعطيها حقها في البحث،،،، وشكرا لم شرفنا هنا///

مشيتك يالسراب اللي حسبتك تروي الضميان
لقيتك واهجٍ زاد الالم فـي وسـط وجدانـي

بعد طول الطريق وبعد رحلة خافقٍ شفقـان
صدمني واقع ايامي وحلمـت بواقـعٍ ثانـي

اسافرفي بحر حزني وروحي ملت الحرمـان
مواني الحزن في نفسي شواطيها تحرانـي

ايازهرة ربيع العمر وينك عن ثرى البستـان
اياضحكة شفاتي عـودي مليـت اشجانـي

مشاوير العمر كذبه وقصه مالهـا عنـوان
سفينه تضرب بجال البحر من غيـر ربانـي

طريقي صعب والامي في جوفي كنها بركان
ترانيم الفرح ضاعت وليلـي بالعنـا جانـي

حزينه ياحروفي بكتبك وان ماتـت الالحـان
في نبضك اعرفي من دمعتي اني انا الجاني

ابي اترجم اوجاعي مواويل علـى القيفـان
تجسدني قصيدة حزن تحطم سـور كتمانـي

اياذيك الحروف اللي هويتك من زمانٍ كـان
محاني الصدر فجيها عشان الكـل يقرانـي




لم يكتب اسم شاعرها////