الرئيسية التسجيل البحث جديد مشاركات اليوم الرسائل الخاصة أتصل بنا
LAst-2 LAst-3 LAst-1
LAst-5
LAst-4
LAst-7 LAst-8 LAst-6

 
 عدد الضغطات  : 27647
 
 عدد الضغطات  : 38676

« آخـــر الـــمـــشـــاركــــات »
         :: شيلات الشاعر عبدالرحمن العقيلي باصوات افضل المنشدين (آخر رد :عبدالرحمن العقيلي)       :: مرثية الشاعر عبدالرحمن العقيلي في والده الشيخ متروك بن صالح العقيلي رحمه الله https: (آخر رد :عبدالرحمن العقيلي)       :: مرثية الشيخ تراحيب بن صالح العقيلي رحمه الله1440هــ (آخر رد :عبدالرحمن العقيلي)       :: حفل الشاب سعود عبد الكريم العقيلي عنيزه (آخر رد :عبدالرحمن العقيلي)       :: حفل الشاب نور بن زبن العقيلي (آخر رد :عبدالرحمن العقيلي)       :: حفل الشاب عبدالله مرداس العقيلي (آخر رد :عبدالرحمن العقيلي)       :: مرثية الراحل الاستاذ عواض بن نور العقيلي رحمه الله (آخر رد :عبدالرحمن العقيلي)       :: عودة بعد غيبة ليست بالقصيرة واعتذار (آخر رد :عبدالرحمن العقيلي)       :: موقف الشيخ هدايه الشاطري شيخ شمل الشطر مع العتيبي والحابوط (آخر رد :الخضيراء)       :: الشيخ هدايه بن عطيه شيخ شمل الشطر مع العتيبي (آخر رد :الخضيراء)      



منتدى الصوت والصورة لكل الأشعار يهتم هذا القسم بكل الأشعار الصوتية والمصورة سواء من الموازين ,مطير وجميع الشعراء الآخرون وليس للمحاورات المصورة!

إضافة رد
انشر الموضوع
 
أدوات الموضوع
غير متواجد حالياً
 رقم المشاركة : ( 1 )
عضو
رقم العضوية : 275
تاريخ التسجيل : 29 07 2007
الدولة :
العمر :
الجنس :
مكان الإقامة :
عدد المشاركات : 88 [+]
آخر تواجد : 23 - 04 - 10 [+]
عدد النقاط : 10
قوة الترشيح : الزغيباء is on a distinguished road
الأوسمـة
بيانات الإتصال
آخر المواضيع

التوقيت
افتراضي تغطية كاملة لجميع قصائد شاعر الوطن: تركي بن عطالله الميزاني

كُتب : [ 18 - 10 - 07 - 10:42 PM ]

بسم الله الرحمن الرحيم
*
*
والسلام عليكم ورحمة الله وبركاته
*
*
يسرني ان اقدم لكم اعضاء وزوار منتديات قبيلة الموازين من مطير تغطيه لجميع قصائد الشاعر الكبير شاعر الوطن: تركي بن عطالله الميزاني
علما بان اغلب هذه القصائد نشرت هنا في منتديات الموازين وبعضها نشر في مواقع ومنتديات اخرى وقد تم جمع هذه القصائد في موضووع واحد لتعم الفائده للجميع ولكي يسهل الحصول عليها...
واحب ان انوه ان هذا الموضووع متجدد وسوف يتم اضافة اي قصيده جديده للشاعر...

الموضوع منقول

واهيب باخواني الاعضاء الكرام ان من لديه قصيده لم تنشر في الموضووع ان يضعها هنا...لكي تعم الفائده للجميع...
*
*
نبدا:

قصيده سطرت معالمها في برنامج شاعر المليون قصيده تحكي سيرة الملك عبد العزيز بن عبد الرحمن طيب الله ثراه هذه القصيده غنيه عن التعريف...


((سيرة بطل))

يا فالق الصبح يا مولج نهارك بليل=يا جامع الناس في يوم البعث والنشور
عليك كل إتكالي وأنت نعم الوكيل=يا عالم بالمصير وما تكن الصدور
يا الله يا الله تهديني سواء السبيل=وتعصم لساني عن الزلة وعن كل زور
الشعر موقف وحده مثل حد الصقيل=لو كان كتلة من احساس البشر والشعور
يا ما رقا بي ورقيته براس الطويل=وياما سبح بي بحور وغصت به في بحور
وانا ليا حان ميقاتي قبست الفتيل=واوقدت من نار فكري للمسافات نور
واليوم لاهنت ياشعري ما يخدم بخيل=ما دام سلحتك الافكار ما أنت معذور
قدمك من العز ما يروي ظما كل جيل=سوالفه تزرع الامجاد في كل بور
وقدمك لميع الهنادي والقنا والصقيل=وقدمك من المجد ما ترويه كل العصور
مسافة العز ما تنقاس كيلو وميل=بركانها ما خمد وامجادها ما تبور
يا موكب الشعر وقف واستمع لي قليل=حتى أني اعطيك للتاريخ رخصة عبور
سيرة بطل ما تغيبها حكاية رحيل=تبقى بوجه الزمن كالنحت فوق الصخور
ما كانت أرض الجزيرة قبل ذاك الاصيل=إلا تفكك عقيدة وانحدار ودبور
نهارها كم قتيل وليلها كم قتيل=جنايز مالها فوق البسيطة قبور
قويهم سلطته تسلب حقوق الذليل=وشيطانهم ساد والظلم انتشر والفجور
وكلّ لخصمه من اصناف العداوة يكيل=وصدروهم من جهلهم بالمعاصي تفور
ما للأمن شجرة فيها مقر ومقيل=ولا بينهم للمودة في الجزيرة جسور
هذا قبل هيت تخطيها عيون الدليل=وهذا قبل سطوة القرم العزوم الصبور
النادر اللي على العارض يهيم ويخيل=من يوم عمره عشر شوره غلب كل شور
من قو باسه صنع ممكن من المستحيل=ومن طيب راسه يحل معقدات الامور
زهابه الصدق والاخلاص حمل الصميل=وسلاحه الدين والتقوى سلاح الغيور
جمع شتات القبايل لين صاروا فصيل=واخوان عقب التناحر والجفا والشرور
وحكم بشرع الكتاب اللي ما غيره بديل=وعم الفرح فالبلاد وساد كل السرور
لا مال ميزان غيره ما يحيد ويميل=في حضرته ينكسر راس الجهل والغرور
شخصيته ما لها في كل جيله مثيل=تجف الاقلام وبمدحه تضيق السطور
والله ليبطن ماجابن ناقضات الجديل=مثله ولا اقول في كل النشامى قصور
ويا الله يامستجيب للدعاء يا جليل=من عبدك اللي لك مطيع وذليل وشكور
ترسل على قبر ابو تركي صدوق المخيل=وسم يساقيه من غر السحاب البكور
وتهل فوقه بسيل ما يلاديه سيل=وترحم عظامه وتغفر زلته يا غفور
وتجمع به المصطفى في جنتك والخليل=وتحفظ عياله مواكير الحرار الصقور
وانك تجمل وتهديني سواء السبيل =وتعصم لساني عن الزلة وعن كل زور

(( استماع))


(( تحميل))
حفـــــــــــــظ



رائعه اخرى من روائع شاعرنا الكبير... غنيه عن التعريف ايضا..


(( قصيدة الفرايد))
فاح عطر القصيد وغردن الفرايد=من ضمير على بدع المثايل رهاوي
واشلعن من غصون الشعر ندر القصايد=شردن مايروظهن قريب الهقاوي
واستوت طبخت المعنى بجمر الوقايد=لين ذيب القصيد من الوله جاك عاوي
حالفن اني لاعلقها قلايد قلايد=لين ماعاد تطلع من ذهن كل راوي
وكان مارضيت راع الموهبه والمحايد=والله اني لاصير عن القصايد نحاوي
اعشق الشعر واخذ من سنيني فوايد=واتزود وانا اللي ماقطعت الرجاوي

(( استماع))



حمل القصيده

*
*


تكملة قصيدة الفرايد ((شيله))

جعل يوما جمعنا في الامارات عايد=دولتن ماحكمها غير حر النداوي
لين صار الامن والعز والخير سايد=ومن يجيها فقير يروح منها غناوي
اعشق ترابها واحبها حب زايد=ودي اروح عنها مير ماني بقاوي
املكتني وانا قلبي من الحب جايد=وحبها مايداويه الطبيب المداوي
ودعت قايدن غالي وفرحت بقايد=عنده اكبر مصيبه مثل شرب القهاوي
وله عضيد عليها للامجاد رايد=من هو اللي براعي المجد والطيب غاوي
سعد منهو تعزوى به نهار الشدايد=يوم فعل الشجاعي يبين وقت العزاوي
وانا من دولتن فيها وساع البنايد=دوله ال سعود مزبنين الجلاوي

(( استماع))



حمل القصيده

*
*

يتواصل الابداع ايضا من شاعرنا الكبير في قصيده مشهوره بعنوان...

(( الخلطه السريه))
يا عذابي منك يا موتي ويا حرماني=زابنك باالله تخفف عني اللي فيه
من عذابك وشهو اللي باقي ما جاني=في عيوني من عذابك صايرن ماريه
وانت تدري كل ما تحتاجني تلقاني=يشهد الله عنك ما تقدر تشح ايديه
بس تكفى لا تعذبني ولا تنساني=ضمني يا نور عيني في حشاك شويه
كل ما شفتك تدخلني بعالم ثاني=عين تنظر لك بشر والثانيه حوريه
فيك شيطان الهوى يا منيتي وصاني=بالغلا والولف والتقدير والحنيه
والقصيد إليا بغيته فيك ما يعصاني=يتباشر في وصوف عيونك السحريه
وا وجودي في شوفك يا بعد خلاني=والله اني لحذف الغتره على الطاقيه
كيف انا المجني عليه وكيف صرت الجاني=نعنبو حظك ظبت الخلطه السريه
لين من طيشك ومن حبك نسيت اخواني=صرت اجي واروح لا هذي ولا هذيه
والهوى هو حاكم شعوري وهو سلطاني=ولا حصل لي منه لا رحمه ولا ماويه
اشهد انه راح فيها تركي الميزاني=والله اعلم وش تكون الخلطه السريه

(( استماع))

حمل القصيده

*
*

قصيده غزلية ....

(( يابنت ))

يا بنت انا قلبي من البعد محروق=لا تحسبين اني قطعت العلاقه
محبتك في القلب وابراجها فوق=تشيل صوت اسمك وحلم الصداقه
محبتن ما شالها كل مخلوق=بطاقة يا حيها من بطاقة
يسوقني طاريك لمشاهدك سوق=واشفق على لمست ايدينك شفاقه
والصبر زين وكل مطرود ملحوق=شرهة قدم رجل على عظم ساقه
زرعت لك زرع له اثمار وعروق=وقدمت لك من زهرة العمر باقه
وإن كان عندك شك لا ناشك العوق=في قلبي اللي يزيد اشتياقه
الشوق مشتاق لك اكثر من الشوق=شوق بدوي ضاعت اغلى نياقه

(( استماع))


حمل القصيده

*
*

قصيده اخرى لاتقل عن سابقاتها رووعة وجمالالا...

((ماني مجازيك))
ماني مجازيك في صدك وهجرانك = وداعتك الله وتلقـى واحـدٍ ثانـي
أتعبت الأعيان والأقدام من شانك= وانته ولاشئ سويته علـى شانـي
فزيت لك يوم قلت اسمك وعنوانك=لوكان ماتنتمي لسمـي وعنوانـي
ماجيت ادورك و لا أطق بيبانك = والا أترجـاك مثـل أفـلان وافلانـي
أنت الذي جيت لي وأعلنت بلسانك = انك على شوفتي جايع وعطشاني
صدقت هرجك ومنطوقك من السانك = وأقبلت لك مندفع من كل وجداني
ما كنت أفكر يجي في يوم نسيانك = وأنساك وانته معاهدني ماتنسانـي
الابعد ما قريت الكذب فاعيانك=حاولت اوادعك وانسـى كـل ماكانـي
خلاص ماني بمتعنـي علشانـك=ودعتـك الله وتلقـى واحـد ثانـي

((استماع))


حمل القصيده

*
*

راائعه اخرى من ورائع الميزاني...

(( يانايف))


البارحـه يـوم كـلٍ نـام يانايـف=أخـوك ماهـوب لانايـم ولاواعـي
يحوف قلبه من همومه ميـة حايـف=من غير همٍ قديـمٍ بيـن الأضلاعـي
همٍ يزعزع جبال طويـق والطايـف=مخفيه لي مدةٍ مـع باقـي أوجاعـي
لاشك ماني من غدر الزمـن خايـف=أعرف دخولي بعد ماأعرف مطلاعي
لكن الأيام منهـا خاطـري عايـف=لو إنهـا تجربـة عمـر وتمتاعـي
يلوفني عن مقاصد خاطـري لايـف=وأمشي مع الدرب وعيوني لمرجاعي
لاعاد تنشد عيوني ويش أنـا شايـف=مافي عيوني يسولف لك عن أوضاعي

((استماع))


حمل القصيده

*
*


قصيده رائعه جدا.. ولحن ولا اروع..

((مداين خاطري))

على الله يامداين خاطري يا عاصمة دنياي=على الله يالحروف التايهه في نظرة التايه
على الله يالطريق اللي معاريفك تعب رجلاي= على الله يا مسافر في طريق ماله نهايه
الاياليل لاتسري ولاتشره على مسراي=دخيلك لاتقدم شرهتك من دون مسرايه
على شان الحبيب اللي يسابق نظرتي وخطاي=على نفس الطريق اللي من اجله تعبت اخطايه
ترجيتك تساعدني وانا ماندم على رجواي=إذا شفتك توادع ضيقتي وتعانق ارضايه
وانا اخترتك رفيق الدرب في صمت السنين الجاي=ولا اخترتك يالين اصبحتلي ياعز خويايه
وانا ماعشت وقتي يازماني بين راي وراي=انا عشته على عز ورضيت بحكم مولايه
ولا اطرد من سراب الوقت مايجلب علي مناي=اعيش الواقع الحاضر لعين ايامي الجايه

((استماع))

حمل القصيده

*
*

قصيده اخري...

(( ياعود لاتنشد عن الحال ياسعود))

ياسعود لاتنشد عن الحـال ياسعـود=الحـال ولـى فالزمـان المـولـي
والجسم الاقشر قام ينحل كما العـود=والهم خاوينـي معـي ثـل ظلـي
لو قلت لك موجـود مانـي بماجـود=اظحك واجامل واحدن مافطـن لي
متبعدن عن كـل شـاذب ونمـرود= ومنزحـن بيـن الخلايـق محـلـي
ياسعود يوم الهرج لـه قـن وحـدود= وداني اكتبلـك عـن الـي حصلـي
والي حصلـي لـه مصاديـر وورود=اقفـت صـدوره والـورود اقبلنـي
من عقب ماسافر على زورق النـود= عود وجا من سفرتـه راجعـن لـي
واول جوابه لـي مقابيـس وزنـود=ونارن تشل اطراف الاظـلاع شلـي
وان قلت مالك من ورى القلب مقصود=وان كان لك مقصـود عبـر وقلـي
تال الزمان يبيـن البيـض والسـود=لاتحسبنـي راجعـن لـك تسـلـي
وان قلت وش رجعك لافدت بالفـود=قال انشد الـي جابنـي مـن محلـي
ماجابه الا مـن يقـود الهـوا قـود=قـود البعيـر اليـا امتنـع لايفلـي
الصاحب الي دونـه الحـزم ممـدود=بقصى جبالـن حيدهـا عارضنلـي
ارسل مراسيله يبـى العلـم موكـود=ياليت مرسولـه جلـس ماوصلي
عقب السنيـن مشيبـة كـل مولـود= اليـوم مـن فرقـاه دمعـي يهلـي
ياسعود قلبـي راح ماعنـه منشـود=كب الظلـوع وراح مـرواح خلـي

(( استماع))


حمل القصيده
[[/URL]

رد مع اقتباس
غير متواجد حالياً
 رقم المشاركة : ( 2 )
عضو
رقم العضوية : 275
تاريخ التسجيل : 29 07 2007
الدولة :
العمر :
الجنس :
مكان الإقامة :
عدد المشاركات : 88 [+]
آخر تواجد : 23 - 04 - 10 [+]
عدد النقاط : 10
قوة الترشيح : الزغيباء is on a distinguished road
الأوسمـة
بيانات الإتصال
آخر المواضيع

التوقيت
افتراضي رد : تغطية كاملة لجميع قصائد شاعر الوطن: تركي بن عطالله الميزاني

كُتب : [ 18 - 10 - 07 - 10:42 PM ]

((تكمله))



*
*

من اروع ماقيل في برنامج شاعر المليون...


(( قصيدة الدمع))

ياصاحبي ولي خلق نعمة السمع=انك هنا بين المعاليق ثابت
ماجيت لك صدفه ولا جيت لي رمع=وان غبت عني فرحتي معك غابت
غيري عبث بالحب بسياسة القمع=لاكن لا ودت ولا يوم جابت
إلا محبك من عشق يحسن الجمع=ماشاب حبه لو قوافيه شابت
والدمع هذا اللي تشوفه ماهو دمع=اشعلت عيني لجل اشوفك وذابت
واللي نزل منها على خدي الشمع=ارقد مادام الشوق فالقلب نابت

(( استماع))

حمل القصيده




*
*


لعشاق الشيلات....

(( ياطير))

يا طير وضبتك بتدريب=ابي اصوع بك هدادي
لاطارن الربد المهاريب=اللي ذاريات من العوادي
القف بهن عساك ماتخيب=واقصد لقايدهن عنادي
خمه براسه خمة الذيب=وعليك ما ظنه بادي

(( استماع))


حمل الشيله





*
*

مجاراه لقصيدة قطري بن الفجاءه..

أقول لها وقد طارت شعاعاً=من الأبطال ويحك لا تراعي
لأنك لو سألت بقاء يوم=على الأجل الذي لك لم تطاعي
فصبراً في مجال الموت صبراً=فما نيل الخلود بمستطاع
ولا ثوب البقاء بثوب عز=فيطوى عن أخي الخنع اليراع
سبيل الموت غاية كل حي=وداعيه لأهل الأرض داعي
ومن لا يغتبط يسأم ويهرم=وتسلمه المنون إلى انقطاع
وما للمرء خير في حياة=إذا ما عد من سقط المتاع

وهنا قصيدة شاعرنا..
ألا يا نفس ما للخوف داعي=ترا اخر لحظة الدنيا وداعي
يقول المازني من عرض قوله=ذليل النفس ما فض النزاعي
هروب الرجل وغيابه فشيله=نهار يتضح فيه الشجاعي
يصير المدح للي ما تخفى=ليا منه دعى للحرب داعي
نسج الرجل واسهم المنايا=تعاقب في الثنيه والرباعي
لو إنا ما نبي للموت شوفه=ليا جانا يضيق الاتساعي
لكن للموقف الغصاب حزه=ما نلبس دون موقفنا القناعي
هلا بالموت في لحظة قدومه=ولو ناطى على روس الافاعي
وإذا مات الرجل بالطيب خلد=وذكره بين كل الناس شاعي
مصير الموت قادم لا محاله=ونهاية كل مخلوق الوداعي

((استماع))


جمل القصيده





*
*

ابيات الحكمه في برنامج شاعر المليون...

الحياة افراح واحزان ودورس وعبر=التجارب صفحة ايامنا وكتابها
مهما زاد الشخص بالمال والعز وكبر=واهدته شهوات نفسه جديد ثيابها
وابرقت له زيف الايام واغرته وعبر=المصير ارضه يلحف عليه ترابها
والمصايب حملها سم ودواه الصبر=ورحمة الله دون خلقه ما سكر بابها
وعن حياة الادمي شيمته تبعد شبر=وان فقد من شيمته شي نفسه عابها
وان قبر فالعيب لو ما توفى وان قبر=والحياة اللي بها نقص ما نرضى بها

((استماع))



حمل القصيده




*
*


قصيدة ياحرفي...

ياحرفي اللي ضاع مابين الدفاتر والرفوف=اللي رسمته من تنهَّاتي ومن حبر قلمي
ضحيت لجله في حروف وقمت لجله في حروف=وصبرت لو النار من فوقي ومن تحت قدمي
ياصاحبي اللي على شانك تحديت الضروف=اسمع كلامي زين وافهم وش اقوله من فمي
ماهو بأنا اللي تتركه بين الخناجر والسيوف=وتمص دمه بين خلق الله يامصاص الدمي
انا بدويٍ ماسكن في الوقت مسكان الضعوف=اتبع هوا بالي واسير عند ذودي وغنمي
طوفتها لك لجل خاطر عين ولا ماتطوف=ولا انت مهما زاد وزنك وزني يطرحك نسمي
صمتي يدل اني وفي ومسويٍ فيك امعروف=وصبري يدل اني من زحول الصناديد انتمي
ياقوم ياللي تذبحون الحيل قدرٍ للضيوف=وش رايكم في اللي يعشيني من اوصال لحمي
وقفت له يوم اجلسوا واجلستله ناسٍ وقوف=غير الذخيره والفشق في محزمه من محزمي

((استماع))


حمل من هنا








*
*

يا مالك الملـك يالواحـد شديـد العقـاب=يا غافر الذنب يا مرسل رسولـك نذيـر
يا خالق الخلق يا محصى الخطا والصواب=تعالت اسماك مالك في صفاتـك خشيـر
يا محي الارض بأمرك من حمول السحاب=يا عالمن فالحياة ومـا يـؤول المصيـر
يا جامع الناس في يوم الحشر والحسـاب=مافيـه فـرقٍ هـذا تاجـر وهـذا فقيـر
كل الخلايـق سـوا الا بحمـل الكتـاب=لا شخصت ابصارهم يوم النهار العسيـر
احدٍ فتح له كتابه صـوب جنتـك بـاب=واحدٍ هوابـه اكتابـه للسخـط والسعيـر
يا رب رحمتـك لا هلـو علـي التـراب=واصبحت مالي عن الوحشه مفر ومطيـر
واقفوا ولدموعهم فوق الخـدود انسكـاب=واسمع قريع احذيتهـم فالـوداع الاخيـر
ودخلت في عالم البرزخ وطـال الغيـاب=وفارقت كل القرايـب والاهـل والعشيـر
وجونـي ملائكتـك العمـل والـعـذاب=استسلمت نفسـي لمنكـر وجانـي نكيـر
في موقفٍ للسؤال يزيـد ثقـل الجـواب=الا برحمتـك اللـي فالخفـايـا خبـيـر
يا رب حملـت نفسـي بالشقـا والعتـاب=ومديت حبل الخطا لبليس واصبحت اسير
وطاوعتها في متاهات الوهـد والسـراب=لين اشبكتها الخطايا شكب والنفـس طيـر
ازل واقـول انـا تـوي بسـن الشبـاب=واليا نصحني محب اقول تـوي صغيـر
ما كنت احسب لوقتي والليالـي احسـاب=ولا كنت افكر وش اللي في زماني يصير
الا بعد ما نصفت العمر والـراس شـاب=وفقدت من ربعي الادنيـن جمـعٍ غفيـر
عرفت ان الحيـاة مصارعـه واكتئـاب=واني مودع ولالـي غيـر ربـي نصيـر
ومن لا تزهب من التقوى لنفسـه زهـاب=لا مات وش حجته يـوم النهـار الكبيـر
فالموقف الي مافيه امجادلـه وانسحـاب=منهوله لهاك النهار يشيـب راس الغريـر
لكن اليا اذنب نبي آدم واعترف ثم تـاب=الله يغفـر الذنـوب وينصـر المستجيـر

((استماع))




حمل
[/URL]



حمل هنا أيضاً
حرره أبن مصاول

رد مع اقتباس
غير متواجد حالياً
 رقم المشاركة : ( 3 )
عضو
رقم العضوية : 275
تاريخ التسجيل : 29 07 2007
الدولة :
العمر :
الجنس :
مكان الإقامة :
عدد المشاركات : 88 [+]
آخر تواجد : 23 - 04 - 10 [+]
عدد النقاط : 10
قوة الترشيح : الزغيباء is on a distinguished road
الأوسمـة
بيانات الإتصال
آخر المواضيع

التوقيت
افتراضي رد : تغطية كاملة لجميع قصائد شاعر الوطن: تركي بن عطالله الميزاني

كُتب : [ 18 - 10 - 07 - 10:43 PM ]

*
*
*



((يتبع))

قصيدة تركي في مهرجان المغتره..

(( قصيدة الرنج رووفر))

*
*
*


الله على اللي لامشى يطوي الماد=طوي الرشا لاستدرجته المحاله
اليا انتهض ماله عن الدرب صداد=ولا للطريق اللي نويته بداله
واليا وقف كنه على عهد الاجداد=عوداً يوصي بالمراجل عياله
وصوته ليا منه عطا الحزم وانقاد=صوت بدوياً سارحً في حلاله
من عقب ماقهووه دله وبراد=هيجن على الحره ونكس عقاله
ولونه كما برقاً مخاويه رعاد=يبرق ورعاده يزلزل خياله
اليا تسند زاد واليا انحدر زاد=من طيب ماطوره وزين اشتعاله
والدار لو دونه مسافات وابعاد=عليه عندي مثل شرب البياله
وبين المواتر لاحصل زوم وعناد=والله لايفهقهن ويسري لحاله
حتيش لو قدمه ردارات وارصاد=من عانده ماطاب حظه وفاله
ياجاهلين الرنج ماعنه مقعاد=مركب هل الطالات واهل الشكاله
ماهو مهم بكاش ولابالاقصاد=بس المهم انه جديد الوكاله
ياصاحبي والله يالين الولي راد=ماياقف الا عند راعي الجماله
فيصل حفيد اهل الاشده والامجاد=حكامنا اللي حكمهم بالعداله
عاشوا على الدنيا سلاطين واسياد=سلالتً متسلسه من سلاله
ويوم انها خيل ومناويخ وطراد=بسيوفهم هدوا سيوف الجهاله
عدوهم فالحرب ماعنه نشاد=ورفيقهم يمشي على ماطراله
الله جعلهم للوطن عز واوتاد=وموتن على اصحاب الفتن والضلاله
واليوم يوم الامن فبلادنا ساد=هم بيتنا اللي نستضل بضلاله
ياسيدي شوفك ليا حان ميعاد=يزيدنا هيبه وقيمه وطاله
فقلوبنا لك بيت معمور وبلاد=يافزعة المضهود ياراس ماله
لك فوق عد الطيب مصدر وميراد=يومن ولد اللاش تقصر حباله
تنشر لك البيضاء على روس الاشهاد=وتحمل على صدرك وسام الاصاله
فرحت عسير ولبست ثياب الاعياد=وغنا الجنوب وغطرفت لك جباله
وفرحوا بك اهل الدار شيبان واولاد=وابها وشرقي الخميس وشماله
وختامها مبروك يانسل الاسياد=والحمل مايشتاله الا جماله


(( استماع))



حفظ القصيده

رد مع اقتباس
غير متواجد حالياً
 رقم المشاركة : ( 4 )
عضو
رقم العضوية : 275
تاريخ التسجيل : 29 07 2007
الدولة :
العمر :
الجنس :
مكان الإقامة :
عدد المشاركات : 88 [+]
آخر تواجد : 23 - 04 - 10 [+]
عدد النقاط : 10
قوة الترشيح : الزغيباء is on a distinguished road
الأوسمـة
بيانات الإتصال
آخر المواضيع

التوقيت
افتراضي رد : تغطية كاملة لجميع قصائد شاعر الوطن: تركي بن عطالله الميزاني

كُتب : [ 18 - 10 - 07 - 10:44 PM ]

*
*
*



(( انا بدوي ياناشد عن مكاني))

*
*
*


انا بدوي ياناشدن عن مكاني = وارعى نياقن كلبوهن مغاتير
متباعدن عن مظلمات المباني=ولالي طعام الاحليب المصاغير
اتبع وناسة خاطري في زماني=ولاني بمن يحسب حساب المخاسير
يرتاح بالي عندها لو ثواني=وانسى همومك ياليال المدابير
هذي طراة العمر والعمر فاني=مايفعل الانسان كله مقادير

((استماع))

حفظ القصيده

رد مع اقتباس
غير متواجد حالياً
 رقم المشاركة : ( 5 )
عضو
رقم العضوية : 275
تاريخ التسجيل : 29 07 2007
الدولة :
العمر :
الجنس :
مكان الإقامة :
عدد المشاركات : 88 [+]
آخر تواجد : 23 - 04 - 10 [+]
عدد النقاط : 10
قوة الترشيح : الزغيباء is on a distinguished road
الأوسمـة
بيانات الإتصال
آخر المواضيع

التوقيت
افتراضي رد : تغطية كاملة لجميع قصائد شاعر الوطن: تركي بن عطالله الميزاني

كُتب : [ 18 - 10 - 07 - 10:45 PM ]


*
*
*

قصيدة مهداه الى الامير سلمان بن عبد العزيز..


*
*
*


يامرحبا ياسيدي سلمان مـن بعـد الغيـاب=ترحيبةٍ يسبق رعدها فـي الخيـال بروقهـا
الأرض مشتاقة على شوفك كما شوق السحاب=إلابعد وأكثـر ولا نقـدر نوصٌـف شوقهـا
وانته لحالك غيث ياغيث الظوامي والركـاب=وانته تبارك فيك كل ارض ٍ تمشـي فوقهـا
يامفني الأموال يامعتق من السيـف الرقـاب=يالصارم الضرغام يامعطي الرجال حقوقهـا
من طيب راسك فاتح ٍ للخير وأهل الخير باب=تروف في شعبك وترفـى حالهـا وفتوقهـا
مالك شبيه الله يديمك غير مصقول النصـاب=وتشيب وصوفك جزال المفـردة وطروقهـا
اساساً أنته تنوصف فيك النمـوره والذيـاب=تأخذ من وصوفك مزاياها وحسـن فروقهـا
من هيبتك تزرع بذور الخوف فاللي مايهـاب=ومن سطوتك عين الحسد والظلم تعمي موقها
عالي شموخك والبستك المرجلة لبس الثياب=غلاك يجري في دمي أهل الوطـن وعرقهـا
ياكافل الأيتام ياعيـن الحقيقـة والصـواب=من دونك الأرواح نرخصها ونرخص سوقها
الله لايحرمك من فضلـه ويعطيـك الثـواب=في ساعـة ٍ فيهـا الأوادم ماتبـل حلوقهـا
يالنادر اللي ماكرك روس العوالي والهضاب=ياللي ماخاليبك عـذاب ٍ للطيـور وعوقهـا
عودتك لنا بالسلامة عيـد يادمـث الجنـاب=وشوفتك مثل الشمس لا طلت وبان شروقهـا
تباشري يانجد في سلمـان حـلاٌل الصعـاب=وزفي مشاعر شعبه اللي من غلاه تسوقهـا
الأرض مشتاقة على شوفه مثل شوق السحاب=إلا بعد وأكثـر ولا نقـدر نوصٌـف شوقهـا

رد مع اقتباس
غير متواجد حالياً
 رقم المشاركة : ( 6 )
عضو
رقم العضوية : 275
تاريخ التسجيل : 29 07 2007
الدولة :
العمر :
الجنس :
مكان الإقامة :
عدد المشاركات : 88 [+]
آخر تواجد : 23 - 04 - 10 [+]
عدد النقاط : 10
قوة الترشيح : الزغيباء is on a distinguished road
الأوسمـة
بيانات الإتصال
آخر المواضيع

التوقيت
افتراضي رد : تغطية كاملة لجميع قصائد شاعر الوطن: تركي بن عطالله الميزاني

كُتب : [ 18 - 10 - 07 - 10:45 PM ]

يتبـــع

(((اصــــبر)))

ياللي تقول اصبر علي مابقى صبر=صبرت صبراً ماصبره المهـــادي
اخفي مواجع خاطري واجبره جبر=واقول عادي يالمشـــــاريه عادي
تجملت دنياي واسقتني الصـــبر=وبياضها غطى عليه الســـوادي
صارت سنينٍ سود وايامها غــبر=عفت المنام وعفت شربي وزادي
والارض عندي كنها شبر في شبر=لو كان ماقصرت شبري ومـــادي
حتى القلم في داخله مابقى حــــبر=مــــن ضيقتي ومعانقه للأيــــادي
ياللي تشوف الشيب شيبي ماهو كبر=بدى علــي من المـــلاويع بــــادي
ياللي تقول الضيق في داخل القبر=الضيق لا حستك بضع الحوادي
ياجرح انا طالبك هاك الدوا..وابر=يكفيني اللي شايله في فؤادي

رد مع اقتباس
غير متواجد حالياً
 رقم المشاركة : ( 7 )
رقم العضوية : 674
تاريخ التسجيل : 02 10 2007
الدولة :
العمر :
الجنس :
مكان الإقامة : الــــســـعـــوديــــة
عدد المشاركات : 1,580 [+]
آخر تواجد : 21 - 05 - 10 [+]
عدد النقاط : 11
قوة الترشيح : عبدالوهاب المهلكي is on a distinguished road
الأوسمـة
بيانات الإتصال
آخر المواضيع

التوقيت
افتراضي رد : تغطية كاملة لجميع قصائد شاعر الوطن: تركي بن عطالله الميزاني

كُتب : [ 31 - 10 - 07 - 07:02 PM ]

[blink]مشكور
يستهل ابو رهـــــــــــــــف [/blink]

رد مع اقتباس
غير متواجد حالياً
 رقم المشاركة : ( 8 )
<img src=
رقم العضوية : 54
تاريخ التسجيل : 15 05 2007
الدولة : ذكر
العمر :
الجنس :
مكان الإقامة :
عدد المشاركات : 32,017 [+]
آخر تواجد : 20 - 03 - 24 [+]
عدد النقاط : 29
قوة الترشيح : أبن مصاول is on a distinguished road
الأوسمـة
بيانات الإتصال
آخر المواضيع

التوقيت
افتراضي رد : تغطية كاملة لجميع قصائد شاعر الوطن: تركي بن عطالله الميزاني

كُتب : [ 07 - 11 - 07 - 11:03 PM ]

قصيـــدة شــــاعر الوطــن في شاهــر بن جــزاء الشثيلي
لي صاحب قدره على الراس والعين=اللي عسا المولـى يطـول حياتـه
حرن كريم ومن رجالـن كريميـن=قليـل فالعالـم يـسـوي سـواتـه
بالطيب والنوماس والمذهب الزيـن=والعرف والتقديـر هـذي صفاتـه
شاهر ليا عدو زحـول السلاطيـن=اسـم يسجـل فالـوفـا ذكريـاتـه
في مجلسه تلقا هل العلـم والديـن=اهـل الشريعـه والنقـا والسماتـه
ياناشدن عني مـروح علـى ويـن??=الـدرب واضـح مانضيـع جهاتـه
منصاي من شوفه يساوي الملايـين=شيخن حفظ دينـه وصلـى صلاتـه
ابن جزا شاهـر زبـون المخليـن=لا طيب من قبلـه ولا طيـب فاتـه
اقبل سلامن مرسله تركـي الفيـن=ببيات من شعـره ومـن مفرداتـه




قصيدة السلسال

علي الهون ياجرح المفارق وضيق البال= علي الهون ياهم سطابي وقدرته
اعزك لوانك جرح ومجـــــــاهدك قتال = ورضيت جسمي لاجل سقمك صبرته
لاجل من ملك قبي من الجال لين الجال = وفجيت له باب عن الناس سكرتــــه
وحطيت له عن شمس قيظ الغرام اظلال = وشيدت له بيت بقبلبي وعمــــــرتـــــه
عشقته ودللتـــــــــــه وجريت لــه موال = وتخيرت قربه لبتني ما تخيـــــرتـــه
رعي ريف قلبي لين صار الحشا مدهال = وعن مدهله جنبت غيره وذيرتـــــه
سقيته من عدود الغـــــــلا والغرام زلال = بعد ماجذب من دم قلبي وصدرتــــه
اداري عليه من الزعل وازعل العــــدال = وخطاه ان كبر في عين يري تصاغرته
ترافقت انا وياه من يوم كنا اطفـــال = تكون غلاه بوسط قلبي وكبــــــــرته
قبل مايغطي ليله المنتثر بالشــــــال = سرقت الكرى من نوع عينيه وسهــرته
نقش كل حرف من حروفي علي السلسال = تباهي بها واغاظ ناس مجــــاكرته
وكتب القصايدفي عيونه علي اليا مال = وليا مرني صوت النواخذ تذكــــرته
تكاثر علي الله يجازيه كيف الحـــال = وانا يوم اسوق العمر له ما تكاثرته
وبعد كل ها لتقدير والحب والاجــلال = تغير وهقواته عليـــــه مغيــــــرته
لبسته ثياب الغطرسه لين جا يختـــال = وكبر في عيونه يوم الاوهام غررته
واذاالسالفه ضحك ومهازل ولعب اطفال = خبطت الغصن لين ابرق الريش طيرته
خلصنا وقفلنا الصناديق با لاقفــال = ومن جور حكمه كامل القلب حــــــررته

علمتني الحياة : انني إذا أردت أن احلق مع الصقور ,فلا أضيع وقتي مع الدجاج.
قمة الغباء .. أن تحاول أن تكون عميق .. في زمن أصبحت كل أشياؤه سطحيه.
سُئل هتلر : " من هم أحقر الناس الذين قابلتهم في حياتك؟" فأجاب: " أولئك الذين ساعدوني على احتلال بلدانهم"
رد مع اقتباس
غير متواجد حالياً
 رقم المشاركة : ( 9 )
رقم العضوية : 674
تاريخ التسجيل : 02 10 2007
الدولة :
العمر :
الجنس :
مكان الإقامة : الــــســـعـــوديــــة
عدد المشاركات : 1,580 [+]
آخر تواجد : 21 - 05 - 10 [+]
عدد النقاط : 11
قوة الترشيح : عبدالوهاب المهلكي is on a distinguished road
الأوسمـة
بيانات الإتصال
آخر المواضيع

التوقيت
افتراضي رد : تغطية كاملة لجميع قصائد شاعر الوطن: تركي بن عطالله الميزاني

كُتب : [ 08 - 11 - 07 - 01:42 PM ]

تسلم يمينك يابن مصاول

ويستهل ابو رهف شاعر الوطن

رد مع اقتباس
غير متواجد حالياً
 رقم المشاركة : ( 10 )
نشيط
رقم العضوية : 4866
تاريخ التسجيل : 01 12 2008
الدولة :
العمر :
الجنس :
مكان الإقامة :
عدد المشاركات : 145 [+]
آخر تواجد : 28 - 09 - 12 [+]
عدد النقاط : 10
قوة الترشيح : بندر الميزاني is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: تغطية كاملة لجميع قصائد شاعر الوطن: تركي بن عطالله الميزاني

كُتب : [ 01 - 01 - 09 - 04:09 PM ]

شـكــ وبارك الله فيك ـــرا لك ... لك مني أجمل تحية .

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
لقاء حصري لشاعر الوطن تركي عطالله على قناة الساحه أبن مصاول اخبار شعراء الموازين 8 05 - 02 - 09 10:03 PM
تركي عطالله الميزاني والعرضه السعوديه أبن مصاول منتدى الصوت والصورة لكل الأشعار 6 08 - 09 - 08 05:20 PM
محاوره بين شاعر الوطن تركي الميزاني والشاعر الكبير حبيب العازمي (حفلة المغتره) الزغيباء المحاوره العامه 16 25 - 08 - 08 09:54 AM
غــداً السبت شاعر الوطن الشاعر الكبير/تركي الميزاني في أمسيه بدولة الكويت.. عبدالوهاب المهلكي اخبار شعراء الموازين 4 23 - 02 - 08 10:14 PM
أحيا شاعر الوطن : تركي الميزاني و الشاعر : محمد بن طمحي دلـــوعــــة الـــمهـــد المحاوره العامه 8 30 - 09 - 07 10:28 PM


الساعة الآن 12:03 AM.


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم

إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها