يجامل الياجيته ولاقفيت فيني قال=والياجيت له بين الرجاجيل صغرته

سقا الله مكان كلما ضاق طول البال=تزيد الهموم وضيقتي لاتذكرته
مكان لعل الله من رايح الهمال=يعله يالين تضيق بالسيل خاصرته
الياقبل من المنشا قنوفه تقول جبال=وهبت هبوب بمطلع الشمس واعثرته
وركد ماتقول الاموقف على الاطلال=وبقايا رسومه غر الامزان خابرته
وصبت عليه الين ماكل وادي سال=وتحول بها خد الموشم وغيرته
وزبدها طفح والسيل من جالها للجال=ومن ماعلى جتك الشغايا محدرته
مابين الهضاب النابيه كنها سلسال=بجيد الهنوف اللي بترتيب ناثرته
وبعد تم له من عقب سيل ثلاث ليال=ورويت وافقها دفا شفت باذرته
وقامت تزيد وكل يوم لها في حال=وصفا جوها عقب العواصيف كدرته
زماليقها لانسنس النود معها مال=وريح النفل فاحت بجوه وعطرته
بروض خلي ماجاه شاوي ولاوبال=ولامرته غير السحايب وباشرته
ماغير ام سالم تزعج الصوت والموال=تقل ماخذه صوت ابو نوره وحنجرته
تغني طرب وانا من الضيق والغربال=اسج القدم مع كل فج تخيرته
بجاله حكرت من اشقر البن لي فنجال=ومما يعدل خاوي الراس طهرته
بعيد عن اصحاب المصالح وناس المال=ورفقة صغير كثرت المال كبرته
يجامل الياجيته ولاقفيت فيني قال=والياجيت له بين الرجاجيل صغرته
وقمت ابدع بيوت نوادر من الامثال=ونسيت الهموم وكل طيب تذكرته
وتفاولت في باقي اليالي بطيب الفال=وانا كل همي عفو ربي ومغفرته

زياد بن حجاب بن نحيت

صح لسان الشاعر لاهنت أخوى ابو ركان على النقل الموفق

تقبل ودي قبل ردي

صح لسان زياد بن حجاب بن نحيت
والف شكر لك أخوي أبو راكان نقل مميز

شـكــ وبارك الله فيك ـــرا لك ... لك مني أجمل تحية .

صح لسان شاعرها ولا هنت اخوي

والله يعطيك العافيه

صح لسان شاعرنا زياد بن نحيت..
وسلمت الايادي الي نقلتها..
الف شكر..

صح لسان زياد بن نحيت

ولاهنت يابوراكان على النقل

صح لسانه
مشكور اخوي ابو راكان على الانتقاء الرائع للقصيده

بيض الله وجهك

أبيات رائعه..
سلمت على هذا الاختيار..!