الـــمـــيانــــه

بسم الله الرحمن الرحيم

الميانه

بعض البشر ودك على روحك يمون=وبعض البشرلاجله تعاف الميانه
مونو علي وقولو اللي تقولون=لكن لاتوصل درجة الاهانه
يقولها من جرب اللي يمونون=وكلن يعده واحدٍ من خوانه
يحمل هموم الناس لاجوه يشكون=من جاه يبكي قام يبكي وزانه
عايش ومتعود على سم وتمون=وكلن عليه اطلق شوارد لسانه
يسمع ويخفي مايبى الناس يدرون=قصده رضا الناس يكسب رهانه
يقابل الزلات بالصمت والصون=حتى يقال فلان واسع بطانه
لين الليالي بيحت كل مكنون=وخافي ضميره عامل الصبر خانه
والحال وللا وصار من دون في دون=ولاعاد له فالمجتمع أي خانه
سكر وضغط وهم واعراض قيلون=والعقل حتى العقل خل اتزانه
في حق نفسه صار ظالم ومديون=مذنب وثابتةٍ عليه الادانة
شخصٍ بلا هيبه ترا ماله حصون=وترا الوقار لمن يوقر حصانه
احذر تذكرني ترا الصدر مشحون=واسمع وصاتي واعتبرها امانه
تكفا اعتبر مني وانا اعطيك قانون=مضمون انا مسؤل مصدر ضمانه
ابعد عن عيون البشر لين ينسون=وتعود لازادت ضلوعك متانه
ترجع كذا لاشفت واحد بدا يمون=حده على شياٍ يلخبط كيانه
اما طلع شخصٍ تجي حوله ضنون=والا على ماقيل شخصٍ تكانه
ان جاك بكره قال ياناس تكفون=نفسك تراها قبل نفسه امانه
قله قبل يبدي لك ايات مضمون=نفسي مهي لهموم غيري حظانه
اسقه مهانه قبل يسقيك بالهون= لاتستحي وتحط نفسك مكانه
خله وخل اللي سواته يحسون=ترا الوفا والصدق وللا زمانه
وترا اللئيم اذا وصلت له يد العون=يشوفها في حق نفسه خيانه
والله لو ان اهل الوفا بس يوحون=وعن كل خاسي يقصرون الاعانه
ماهو بس المجتمع ينظف الكون=والمجتمع يرقى ويعلو شانه
اقولها واهل الوفا مايهونون=العارف الوافي لسانه حصانه

بعض البشر ودك على روحك يمو ن =وبعض البشرلاجله تعـاف الميانـه
مونو علي وقولـو اللـي تقولـون =لكـن لاتوصـل درجـة الاهـانـه

الله..الله..ما شاء الله يا شاعر المعلقات ...كم تعطشنا للشعر الجزل وها انت تضيف هذه الرائعه من روائع الشاعر المبدع عبدالرحمن العقيلي..توقفت كثيراً عند قولك:

يسمع ويخفي مايبى الناس يـدرون=قصده رضا الناس ابكسـب رهانـه
يقابل الـزلات بالصمـت والصـون=حتى يقـال فـلان واسـع بطانـه

يا كثر ما سمعنا واخفينا يا أبو حمد ويا ما قابلنا الزلات بالصمت وصون العلاقة ومداراتها وكنا دئام نردد (ما يستشك يا حسين كود الرديين×××ولا ترا الطيب وسيعن بطانه)

تقبل مروري وشكري لك على هذه الرائعه

صح لسانك أخوي عبدالرحمن العقيلي

صح لسانك
قصيدة ابياتها من ذهب.جزل دائمآ يابو حمد.لله درك ياشاعر المعلقات

المشاركة الأصلية كتبت بواسطة عبدالرحمن العقيلي

بعض البشر ودك على روحك يمون=وبعض البشرلاجله تعاف الميانه
مونو علي وقولو اللي تقولون=لكن لاتوصل درجة الاهانه
يقولها من جرب اللي يمونون=وكلن يعده واحدٍ من خوانه
يحمل هموم الناس لاجوه يشكون=من جاه يبكي قام يبكي وزانه
عايش ومتعود على سم وتمون=وكلن عليه اطلق شوارد لسانه
يسمع ويخفي مايبى الناس يدرون=قصده رضا الناس يكسب رهانه
يقابل الزلات بالصمت والصون=حتى يقال فلان واسع بطانه
لين الليالي بيحت كل مكنون=وخافي ضميره عامل الصبر خانه
والحال وللا وصار من دون في دون=ولاعاد له فالمجتمع أي خانه
سكر وضغط وهم واعراض قيلون=والعقل حتى العقل خل اتزانه
في حق نفسه صار ظالم ومديون=مذنب وثابتةٍ عليه الادانة
شخصٍ بلا هيبه ترا ماله حصون=وترا الوقار لمن يوقر حصانه
احذر تذكرني ترا الصدر مشحون=واسمع وصاتي واعتبرها امانه
تكفا اعتبر مني وانا اعطيك قانون=مضمون انا مسؤل مصدر ضمانه
ابعد عن عيون البشر لين ينسون=وتعود لازادت ضلوعك متانه
ترجع كذا لاشفت واحد بدا يمون=حده على شياٍ يلخبط كيانه
اما طلع شخصٍ تجي حوله ضنون=والا على ماقيل شخصٍ تكانه
ان جاك بكره قال ياناس تكفون=نفسك تراها قبل نفسه امانه
قله قبل يبدي لك ايات مضمون=نفسي مهي لهموم غيري حظانه
اسقه مهانه قبل يسقيك بالهون= لاتستحي وتحط نفسك مكانه
خله وخل اللي سواته يحسون=ترا الوفا والصدق وللا زمانه
وترا اللئيم اذا وصلت له يد العون=يشوفها في حق نفسه خيانه
والله لو ان اهل الوفا بس يوحون=وعن كل خاسي يقصرون الاعانه
ماهو بس المجتمع ينظف الكون=والمجتمع يرقى ويعلو شانه
اقولها واهل الوفا مايهونون=العارف الوافي لسانه حصانه

اللـــــه اللــــــه ,, صح لســـــــــــانك

أبيات معبرة وفي غاية الروعة .



ألف شكر لك أخوي عبد الرحمن العقيلي .

روووووعه اخوي عبدالرحمن العقيلي

صح لسانك ولاهنت يالغااالي

ياماشاءالله والله اني اعجز اتكلم عن هذه الشامخه من اول بيت الى اخر بيت قصيده
لم اسمع مثلها في وقتنا الحالي من ناحية لفضها وجزالة البيوت وموضوعها وصياغتها فوالله
انك يابوحمد صغت ذهب
وانت شاعر المعلقات بكل جداره وكل قصيدك معلقات ولاكن هذه معلقة المعلقات الله لايهينك
ابدعت ابدعت ابدعت
تقبل تحياتي واعجابي

عبدالرحمن لعقيلي انت لست شاعر عادي بل دكتور الشعر صح لسانك واعتلى شانك ابيات عانقة السحاب بجمالها

لاجديد سوا الابداع في نصك

صح لسااااانك