ماهي سوالف ذم والا غشـامه

غير متواجد حالياً

بسم الله الرحمن الرحيم
اخواني الافاضل اضع بين ايديكم احد قصايدي التى اتمنى ان ترتقي الى ذائقتكم

عين الفتى نيشان ولسانه زناد=ويكفيك من بعض الرجال احترامه
والرجل عاقل يبخس الملح والزاد=ولاخير في رجلا ً تخونه عظامه
وانا زرعت الطيب في كل مرصاد=وفي ساعة الشده لقيته زعامه
وعرفت كيف امشي مع الناس نقاد=وميزت فحل الحلال وحرامه
وشفت العباد اصناف وجموع وافراد=واحد ً اشداد اشداد واحدا ً مسامه
وحدا ً يعيد قبل ميعاد الاعياد=واحدا ً نهار العيد عيده تمامه
واحدا ً يقول اني على النار رواد=واحدا ً على ماقال نازل مقامه
ورفعت نفسي فوق حامد وحماد=وعن هرجة (ن) يمي تجيب الملامه
وخليت مجلس تافه الهرج وش عاد=مامن وراه الا الردئ والظلامه
واخذت لي مع تهته البيد مداد=وردت لي عد(ن) كثير ازدحامه
اثره عد(ن) منه يشفن الاكباد=عد الرجال اهل الوفاء والشهامه
واخذت دلوي مع هل الطيب وراد=وشربت من عد (ن) لها كم قامه
وخاويت لي قوم ً لهم فعل وامجاد=اهل الشجاعه والكرم والقرامه
وحصلت لي قيمه ودله وبراد=وهرج (ن)نزيه وضحكة ً وابتسامه
سوالف (ن) يطرب لها كل نشاد=ماهي سوالف ذم والا غشامه
نصايحن بالدين والطيب وارشاد=وحشمه وتقدير وقار وكرامه
تحفظ فروض الله وبالليل سجاد=والقيل هو والقال دايم صيامه
تمت وصل الله على محمد الهاد=محمد رسول الله زعيم الامامه