(يارسول العشق)

يـارسـول الـعشـق والا يـامـكاتـيب الـقصيده=وصلـوها وارسلوها عــن مـحبه بـالنـيـابـه
عـلمـوه أنـي جــريـح ومـابـقى شـيّ(ن) يـزيـده=وان بـغى يـرسل جـوابه لايـعجّل في جوابه
خـوفـتي زلـت لـسانه تـرسـل اللـي مـانـريده=ويــتوجّع خـافــق اللـي غـلـطته سبة غيـابـه
والله أنـي مـاقــصدتـه لكــن الـدنـيـا عــنيـده=جـمّعـت شـمل البعيـد وفـرّقت شمل القرابـه
وانـت تـدري يـاصحيـبي كـله أيـام(ن) عـديده=ويـش تـرجي مـن عذابي ماكفى قلبي عذابه
ليش تجرح من عطاك القلب بسهوم(ن) سديده=وارخص الدنيا لعينك بعد مرخصلك شبابه
هـب يـاهـذا الـزمـن مـادامـت أفضالي زهيده=ويش فضله ياجماعه صاحبي حضرةجنابه
صحبـته يـوم الـرخا مـاهـي فـالايـام الـشديده=أن بـغيـته مـزنة(ن) صمّى تـحـلاّ بـالـصلابه
لاضمـير(ن) مـستـريـح ولا عـروق(ن) مسـتفيـده=وان تـركته مـزنة(ن) هلت من المنشا سحابه
تـبري الـقلب الـجريـح وتصبـح أيـامي سعيده=بـسأل اللـي جـرّب الدنيا ومن باب الدعابه
الـعطا لاجـل الـمحـبه يـنـقـصـه والا يـزيـده؟=والفهيم اللي فهم يرسل على الصفحه جوابـه

.

عـلمـوه أنـي جــريـح ومـابـقى شـيّ(ن) يـزيـده=وان بـغى يـرسل جـوابه لايـعجّل في جوابه
خـوفـتي زلـت لـسانه تـرسـل اللـي مـانـريده=ويــتوجّع خـافــق اللـي غـلـطته سبة غيـابـه

صح لسانك وقلبك يافيصل
قصيده لايكتبها الا شاعر متمكن
راقت لي جداً وبانتظار المزيد

.

العطا لاجـل المحبـه ينقصـه والا يزيـده؟=والفهيم اللي فهم يرسل على الصفحه جوابـه

فيصل صح لسانك وقصيده أكثر من رائعه أتضح لي من خلالها تمكن شاعرها

من إختيار المفردات المناسبه ليجعل القارئ يستمتع في قرائتها ويعيش واقعها

يعطيك العافيه أخوي فيصل على هذه الشامخه

والعطاء إن مازاد المال مانقصه ههههههه

تقبل إعجابي وتقديري معاً

صح السانك اخوي فيصل وبيض الله وجهك على هالقصيده الجزله
تحياتي

صح لسانك فيصل والله يعطيك العافيه على هل قصيده الرائعه الغنيه بالمفردات والجمل الجميله
والشاعر الجزل مايجيب الاجزل ومن احسن الى احسن

أبيات بقمة الروعه والجمال لا تطلع
ألا من شاعر متمكن وأنت تملك كل
الإبداع والتميز صح لسانك وعلا شأنك

فيصل صح لسانك

وتقبل مرور وودي

صح السانك قصيده رائعه

الله .. الله
صح لسانك حتى ترضى يا فيصل ..
شاعر وأرويتنا شعر بهذه العذبة ..