..... اصارع الافكاار ....؟؟؟

.

احبتي الكرام

أسعد الله اوقاتكم

وكل عام وانتم بخير

يسعدني ان اقدم هذا الابيات المتواضعه
اتمنى ان تعانق اذواقكم الراقيه0

.

واقلبي اللي بـه ثمانيـن هوجــــــاس =هوجاس يقفي بـه وثانـي يجيبــــه
اصـارع الافكـار والبـال منحـــــاس =واخيل نجم ٍ مدبـح ٍ فـي مغيبـــــــه
امـر بالمجلـس ولكـن بـه النـــــــاس =والراس فكره حادر ٍ بـه شعيبــــــه
اروح واخذ مع هوا البـال مـرواس =خايف على فكـري هـواه يغديبـــه
وأبكي على اللي مانقطع دونه الياس =الله يصيبـه كيـف قلبـي يصيبــه
ريم ٍ لمحته لحظة ٍناقض الراس =والنود يلعـب فـي جدايـل غريبـــه
الخد يادقـة ذهـب فـض ولمــــاس =ورد ٍ سقاه السيل بدنى الجذيبـــه
يجذبك نور الشمس بالوجه عكـاس =لو غاب يوم تقـول طـول مغيبـه
قربه شفا فيه الكفا طيـب السـاس =وحسبي على اللي مالي الراس شيبه
من دونها حطـوا نواطيـر حـراس =واللي حدوني جعلهـم فـي مصيبـه
انساه بس يطريه مقطوع الانفـاس =ثـم اتذكـر مـن جمعهـا نصيبــــــه
والقلب من عقبه تقل فيه وسـواس =وسواس وبـال النظـا مـع ذهيبـــــه
لاشك انا بسج لديار عســـــــاس =وسـوق رجلـي باالديـار الرهيبـه
يم الديار اللي بهـا كـل الاونـاس =واللي تبيه النفـس ماهـي صعيبـه
يسقيك يادارن حوت كـل الاجنـاس =بيـن الغصـون اللينـه والرطيبـه
والله ياكاشـف خفـا كـل بــلاس =تجمع مابيـن اثنيـن واشـم طيبـه!!

.

.

تحياتي ... احمد العوفي

صح لسانك اخوي احمد العوفي على القصيدة
ولكن لدي ملاحظة وربما يكون خطأ املائي في هذا الشطر
امر بالمجلـس ولكـن بـه نـاس.
وصح لسانك مره اخرى ياولد حرب

صح لسانك اخوي العوفي قصيده جزله كزالة كاتبها

تحياتي لك

المشاركة الأصلية كتبت بواسطة أبو راكان

صح لسانك اخوي احمد العوفي على القصيدة
ولكن لدي ملاحظة وربما يكون خطأ املائي في هذا الشطر
امر بالمجلـس ولكـن بـه نـاس.
وصح لسانك مره اخرى ياولد حرب

اخوي ابو راكان



صح بدنكــ



وكل الشكر لمرورك العطر


وملاحظتك القيمه يبدو انه خطأ املائي والله لايهينك عدل البيت 0


امر بالمجس ولاكن به ناس




تقديري لك

صح لسانك شاعرنا وبنتظار جديدك

قصيدة قمة في الأبيات والمعاني صح لسانك اخوي احمد واعتلى شانك فقد أبحرنا معك في قصيدتك هذه الى شطآن أعذب القصيد .

قولك :

قربه شفا فيه الكفا طيـب السـاس=وحسبي على اللي مالي الراس شيبه

الأبو هو دايم المشكله ويفرق الأحباب ...الله يعينك عليه


تقبل مرور وأستمتاعي بالقصيدة الرائعه

صح لسانك وبانتظـآر
جديدك اخوي

صح لسانك وبيض الله وجهك والله يعطيك العافيه يابو فيصل
وانا عارف انك مشغول في منتداكم لكن لوسمحت امطر علينا بقصيدك الرائع هذا طلب مني انا وبيقة الاعضاء لاتبخل ترا انا اعرف منت بخيل
وننتظر جديدك

صح لسانك وماشاء الله كلمات روعه

وبانتظار الجديد

صح لسانك اخوي احمد العوفي على القصيدة