|
||||||
|
||||||
|
||||||
|
 |
 |
 « آخـــر الـــمـــشـــاركــــات » |
|
|||||||
| الأدب العام القصص و الروايات وكل ما يخص الأدب دون الأشعار. |
 |
| انشر الموضوع |
|
|
أدوات الموضوع |
 غير متواجد حالياً
|
رقم المشاركة : ( 1 ) | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
شطحــــــات ....أمنيــــــــــه
كُتب : [ 05 - 02 - 10
- 08:09 PM ]
البارح يالربع بعد مانزلت موضوع أبو عزيز في المنتدى وهربت جاني رفيقي أبو عبير وكالعادة عنده مشروع تجاري ويبغاني أكون شريك معه ووافقت لأني عارف ماراح يصير شي من كلام أبو عبير لأن هذا كلامه لي من خمس سنين يوم جاني أول مره كنت أحسبه صادق ورفضت وقلت ياولد أنا ماأصلح للتجاره لأن أكره حاجه عندي عد الفلوس ومن بعد ماعرفت إن الرجال ماعنده سالفه وإن مشاريعه كلها كلام في كلام ماعاد أرفض وآخرها مشروعه اللي البارح المهم تعشى الرجال عندي واتفقنا على كل شي واستأجرنا المحل وأثثناه وإستقدمنا العمال وركبنا اللوحات يعني ماعاد بقى غير الافتتاح الرسمي مشى الرجال من عندي وهو يقول خلاص اتفقنا قلت مايحتاج وأنا متأكد مليون في الميه إن كلامه مغير هروج ليل يمحاه النهار المهم يالربع يوم طلع وأرجع وأجلس في مجلسي وأنا أحط راسي على المركى (حركات أبو بطنين هههههه ) وأغط هاك الغطه اللي مافيه أحسن منها وفجأه وليا صوت ونان الدفاع المدني يصيح عند باب البيت اللي أنا ساكن فيه ومن الروعه قمت مفزوع ظنيت إن الحريقه عندي لدرجة إني صرت أشم رائحة النار ودخلت داخل الشقه وبعد ماتأكدت الحمد لله إن الوضع طيب طلعت من باب الشقه وليا جاري طالع من شقته بعد قلت السالفه ويش قال والله مدري المهم نزلنا صارت الحريقه في بيت واحد من جيرانا وراح جاري لهم وأنا وقفت على الباب لأني صراحه لست من هواة مشاهدة هذه الأمور لكني سألت واحد جاي من عندهم وقال إن أهل البيت سالمين وكالعاده تجمعوا شباب الفزعات يتفرجون في الوضع وصدقوني يالربع إنه في خلال دقائق صارت حارتنا كأنها معارض النسيم من كثر السيارات اللي دخلت فيها صراحه إني محتار من الناس هذي اللي إذا شافوا سيارات الدفاع طالعه في مهمه دعسوا ورآها ( والله لوإني مكان مدير الدفاع كان إذا جاء بعد صلاة الفجر طلعت كل السيارات الموجودة عندي وشغلت الونانات على العالي وخليتها تمشي على شكل قافله وأخذت لي فرتين في شوارع الديره لين يتجمعون الشباب اللي سهرانين الليل وجالسين ينتظرون البوفيات تفتح علشان يفطرون ثم أطلعبهم مع الطريق السريع وأمغطهم ميه كيلو وبعدها أطلع عشره كيلو صحراء ثم بعدها أوقف وليا جو شباب الفزعات يدورون الحريقه قلتلهم أبد ياشباب مافيه شي ماغير تونا مركبين ونانات جديده وطالعين نجربها ) المهم رجعت لمجلسي وحطيت راسي على مركاي ودي آخذ لي غطه مثل اللي قبل شوي لكن حضّر علي أبو عزيز وربعه اللي أحس إنهم ألبسوني كأنهم جنون أعوذ بالله وعلى قولتهم مايفل الحديد غير الحديد وقلت ما يفكني من شطحت أبو عزيز غير شطحه ثانيه وبالفعل يالربع شطحت هاك الشطحه اللي أحس إن مال أمها داعي وتخيلت إنها شبت حريقه في مقر الدفاع المدني الوحيد في ديرتنا واشتعلت النار في سياراتهم ومبناهم مع سلامة الأرواح وتجمعوا المواطنين حوله وصاروا يضحكون ويصورون بالجوالات ويشغلون أي أغنيه فيها كلمة نار( وش تنتظر يامحرق القلب بالنااااار,,,,,,جرب نار الغيره,,,, ومعهم واحد مصري مشغل اغنيه نار ياحبيبي نار) ,,,,, تخيلت إنه وصل في هذه اللحظه تاجر الأغنام المشهور أبو صويلح (مافيه ثلاجة موظف في ديرتنا إلا ويوجد فيها خروف من شبك أبو صويلح لأنه يدينهم لين يستلمون الراتب ) جاي يدور اللي ماسددوه من موظفين الدفاع وعلى راسهم مديرهم ويقوم أبو صويلح وينادي المدير (اللي كان يتفرج هو وأفراده في النار من غير حول لهم ولاقوه ) قال تعال أبغاك في كلمة راس ,,, المهم جاه وقال ويش عندك يابو صويلح قاله منول جاي أشوف اللي ماسددوني منكم والحين يوم شفت وضعكم أبغاك ترسل معي من عسكرك اثنين ياخذون الوايتين اللي موقفات عند الشبك وملينات مويه وطفوا حريقتكم قاله مدير الدفاع مشكور يابو صويلح وما تقصر إن شاء الله بنتصرف في الوضع (المدير يقول في نفسه ياشيخ نحترق حنا ومبنانا ولايشوفون الناس وايتاتك اللي كنها لوحات إعلانيه موقفه تطفي نارنا )أبو صويلح يالربع قالب ألويت إلى لوحات إعلانيه على قولة مدير الدفاع وكاتب عليها( أتصل نصل ,,,, مع أبو صويلح ذبيحتك من الشبك إلى الثلاجه ,,,, شبك أبو صويلح هو خيّارك الأول ,,,, موظف وصرفت راتبك في أول يومين من الشهر وثلاجتك خاليه من اللحم لاتتضايق فالحل عند أبو صويلح موجود وكاتب ملاحظه هامه عروضنا لاتشمل الاخوه الغير موظفين اللي ننصحهم إنهم يمشون أمورهم بالجبن والزيتون لين الله يفرجها ومالهم ومال الخطوط المعلقه) ....المهم يالربع تخيلت إنه وصل في هالحظه جيب الشرطه وكان عليه الرقيب أبو شنب وقام يضحك عليهم يقول وش صابكم ياعيال العم المشكله مهي اليوم المشكله وين تداومون بكره مالكم غير تحطون لكم خيام في البراحه هذي اللي قدامكم وتداومون فيها ومشى من عندهم وهو ميت من الضحك أنا ياإخوان في هذه اللحظه شطحت شطحه أخرى وتخيلت انه في نفس اللحظه اللي الدفاع يحترق فيها إن فيه دوريتين للمرور كل وحده منهم جايه مسرعه(جايها بلاغ) وقطعت الاشاره وتصادمن في الشارع العام حق ديرتنا (مع سلامة الأرواح) اللي ماهو بعيد عن موقع الدفاع ..المهم نزلوا العسكر وكل واحد منهم يقول للثاني أنت ماتشوف الشرهه مهي عليك الشرهه على اللي عطاك الرخصه وتجمعوا عندهم المواطنين يضحكون ويصورون ويقولون لهم يالربع أنتم إخوان وكل واحد يصلح موتره (واحد من الشباب اللي عند الدفاع المدني يدق على خويه ويقوله وينك ياشيخ فاتك نص عمرك تعال بسرعه شوف الدفاع يحترق قاله خويه عندنا وعندكم خير أنا قاعد الحين أتفرج في المرور متصادمين هههههههههههه) وطبعاً الشباب مشغلين كل اغنيه فيها كلمه صدم مثل( مصدوم في حبك مصدوم,,,, صدمتني يازين ,,,)وغيرها ...ووصل في هالحظه صاحبنا أبو شنب حق الشرطه ونزل عندهم وقالهم وهو ميت من الضحك ويش رأيكم تتصلون على البلديه تجي تقرر الحادث وفجأة وهو يسمع الجهاز ينادي (يابو شنب العمليات تنادي) راح بسرعه للجهاز وقال (أرسل ياعمليات أبو شنب يتحدث) قالوا له الآن إنسحب من الموقع اللي أنت فيه تعال بسرعه للمقر وإنسحب من موقعه ويوم وصل للمبنى حق الشرطه حصل كل الدوريات اللي في الميدان منسحبه وسألوا الخفير ويش فيه قال مدري لكن المدير جالس في غرفة الاجتماعات فوق ويقول إذا وصلوا الشباب خلهم يجون عندي بسرعه المهم يوم جوا عند المدير قاله ابوشنب اليوم طال عمر بغى يتقطع بطني من الضحك على عيال عمنا واحد محترق والثانين متصادمين الله لا يبلانا قاله المدير يا ابو شنب (من يضحك من الثرمان يضحك بلا سن) قال السالفة ويش طال عمرك قال المدير السالفه يا ابوشنب البارح طابين حراميه في مبنانا وسارقين الفلوس الي في الصندوق وكل الكمبيوترات الي في المكاتب وهو يقوم ابو شنب ويقول ان ابو نوف ابوها وضابط خفر والناس المستلمين وين كانوا قاله المدير وين ابيكونون يعني كالعاده جالسين في المشب الي في الحوش وجايبن لهم خروف من عند ابو صويلح وبعد ما تعشوا الي نام والي راح لبيته والي يتفرج في التلفزيون والي يلعب بيلوت والي داخل على منتديات الموازين والخفير قاعد يلعب في جواله يعني مافي الحمض احد والحراميه دخلوا المبنى من الخلف وعملوا عملتهم وامشوا لكن اسمعوني انتم شففتوا الي حصل للدفاع والمرور الناس خلتهم مضحكه فنتبهوا لا احد يدري عن سالفتنا هذه احد من المواطنين ثم تدري الجرايد وخاصه الصحيفه الي بالي بالكم الي علومها سبق البرق تم عاد دورونا هاك الحين قاله ابوشنب انا ابو نوف ابوها تبغنا نأكلها ونسكت قال المدير خلك على شحم ويش تبغانا نسوي يا شاطر حتى الحراميه لويجون هالحين ويسلمون أنفسهم تدري أني أبفكهم قال ابو شنب ليه قاله تبغانا نقول للمسؤولين الي اكبر منا باركوا لنا حققنا إنجاز امني و مسكنا الحرميه الي سرقونا لكن هالحين لازم نسوي قطيه على الجميع علشان نرجع الفلوس المسروقه ونشتري كمبيوترات جديده ,,, فجأه فتح الباب عليهم شخص واليا هو صاحبنا ابو صويلح تاجر الاغنام وقال للمدير الشرطه انا كنت مار عليكم ابشوف الربع الي ما سددوا الي عليهم من فلوس وعلمني الخفير أنكم مجتمعين هنيا وجيت وسمعت سالفتكم كلها ويوم دريت انك تبتسوون قطيه دخلت علشان اقولك احسبوني معكم في القطيه لكن شوف القطيه من كم تلحق واخصمها من قيمة الذبايح الي عندك قاله مدير الشرطه مشكور يا ابوصويلح وحنا ما حنا في حاجة احد قال ابو صويلح لاإله إلا الله انت بعد تتستحي مثل رفيقك مدير الدفاع يا اخوي حنا إذا صارعندنا مشكله جيناكم ولا استحينا منكم وهالحين يوم المشاكل صارت عليكم تبغانا نخليكم وتراني ابقول للربع الي وراي كلهم علشان يجون ويشاركون معكم في خسارتك وهو يطلع ابوصويلح من عندهم............ قال مدير الشرطه الظاهريالربع ان اليوم مالنا حظ في الستر لا حنا ولا بني عمنا قال ابوشنب تدري ويش الي قاهرني هالحين طال عمرك اكيد هالحين تلقى دلوعة امها الجوازات قاعده تضحك علينا وتشمت فينا لكن انت ويش رائك ما دام السالفه خربانه خربانه تخليني اليوم اطفي حرتنا وغيرة السنين هذه كلها منها واروح هالحين وولع لك فيها نار ثم خل دلوعة امها تقعد تصيح وتبكي لا فيه دفاع يطفيها ولا احد يمها قاله مدير الشرطه تدري ان الي صابنا ماغير ذنبها يوم جاءت تبي تدخل معنا وطردناها في مسلسل ابوعزيز. ورجعنا لابو عزيز مره ثانيه الظاهر ان الآدمي هذا ما عاد منه فكه وقوم افكرفيه فجاءه اشتغل ونان الدفاع تحت البيت مره ثانيه بعد ما طفوا الحريقه وكأن صوت هالونان يا الربع يقول لي المرة الأولى صحتك من حلو المنام والمرة الثانية تصحيك من شطحات الأوهام,,,,,,,,,, اعتذر من اخواني الأعضاء إذا كان فيه احد مهم من منسوبي هذه القطعات الي هي تاج على الراس والله يقويهم ويجزاهم عنا خير،،،،،،،،،، والسالفة مجرد مداعبه الحقيقه الوحيده في الموضوع انه صار في حارتنا حريقه حتى ابوعبير لاجاني ولا تعشا عندي احد ههههههه اتمنى ان تحوز على رضاكم
|
|
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
