ذاك ابن مدلج عوض عنتر زمانه

ياوجودي وجد من حده زمانه=لضعيف اللي لزومه مايسده
يحسبنه لاعنا يمه تكانه=ولا طلب من حر ماله مايرده
بينهم صحبة معاريف وميانه=وصحبة اهل المصلحه عكس الموده
صرت انا مثله وشاني مثل شانه=اتوجد لين صبري باح سده
من زمانن فيه كلن له ديانه= والشجيع اللي محنك لاتعده
جاك وقت اهل المهايط والجبانه=بالسوالف ينطح الضلع ويهده
حطله في ماضي الهجره مكانه=وفي كتاب الكذب يمدح فعل جده
ودك ان اللي مثل هذا لسانه=تقطعه اليا هرج من عند حده
مادرا انه مع ابن مدلج امانه= يوم شجعان المعارك مستعده
ذاك ابن مدلج عوض عنتر زمانه=لو تغير فالحقايق منت قده
ابك هذا شيخ حماي الضعانه=وانت في ذاك الزمان تلوذ سده
وجدك اللي تمدحه في وسط ضانه= مايعرف اهل المغازي والاشده
مير طعني لاتعيد الاسطوانه=سد حلقك قدم يلقا من يسده
وان هرجنا بالصواب وبالامانه= فالامن كبر لك فراش ومخده
وبن مدلج مات وعياله مكانه=بعد ابوهم مات سدو في مسده
ويحفظ الله خادم البيت وخوانه= احكموها من الخليج لبحر جده

ياوجودي وجد من حده زمانه=لضعيف اللي لزومه مايسده
يحسبنه لاعنا يمه تكانه=ولا طلب من حر ماله مايرده
بينهم صحبة معاريف وميانه=وصحبة اهل المصلحه عكس الموده
صرت انا مثله وشاني مثل شانه=اتوجد لين صبري باح سده
من زمانن فيه كلن له ديانه= والشجيع اللي محنك لاتعده
جاك وقت اهل المهايط والجبانه=بالسوالف ينطح الضلع ويهده
حطله في ماضي الهجره مكانه=وفي كتاب الكذب يمدح فعل جده
ودك ان اللي مثل هذا لسانه=تقطعه اليا هرج من عند حده
مادرا انه مع ابن مدلج امانه= يوم شجعان المعارك مستعده
ذاك ابن مدلج عوض عنتر زمانه=لو تغير فالحقايق منت قده
ابك هذا شيخ حماي الضعانه=وانت في ذاك الزمان تلوذ سده
وجدك اللي تمدحه في وسط ضانه= مايعرف اهل المغازي والاشده
مير طعني لاتعيد الاسطوانه=سد حلقك قدم يلقا من يسده
وان هرجنا بالصواب وبالامانه= فالامن كبر لك فراش ومخده
وبن مدلج مات وعياله مكانه=بعد ابوهم مات سدو في مسده
ويحفظ الله خادم البيت وخوانه= احكموها من الخليج لبحر جده

صح لسانك يابوحسين واعتلى شانك. ويستاهلون المدح من ذكرت .القصيدة جائت رائعة وجزله.كما عودتنا دائما

صح لسانك ابو حسين ويستاهلون المدح ويعطيك الف عافيه

صح لسانك ابو حسين على القصيده الجزله وابن مدلج يستاهل المدح شيخا ولد شيخ
كماء قال الشاعر فلاح العراك المطيري :
شيخته ماهي نبيته على جده == وكل عودن في مكانه ضهر عوده

ابو راكان
امير الروح
عزالخوي
تسلمون على هالكلام الطيب ولكم مني جزيل الشكروالاحترام

صح لسانك يابو حسين وبيض الله وجهك .. وابن مدلج يستاهل المدح

صح لسانك ونعم المادح والممدوح

ابيات جميله جداً

والمعنى في بطن الشاعر

صح لسانك يا أبو حسين وقصيدة جزلة ومن المؤكد بأن المقصود قد جنى على نفسه عندما أصبح ينطبق عليه قولك

جاك وقت اهل المهايـط والجبانـه=بالسوالف ينطـح الضلـع ويهـده

ورحم الله عوض وأطال الله في عمر أبنائه

دائماً الجزل لا يقول إلا شعراً جزل كما عودنا دائماً فصح لسانك يا أبوحسين واعتلى شانك...

أبن مصاول

صح لسانك يابو حسين وابن مدلج يوم الرجال تطلعهم فهولهم فهو اشهر من نار على علم
أما اليوم في الامن والامان كلٍ حط له بشت ويقول انا طير شلوى!!! وما نقول الا الله يديم الامن وحكم ال سعود الي خلو الجميع سواسيه0

صح لسانك يا ابو حسين وبيض الله وجهك على القصيده


وابن مدلج يستاهل المدح واولاده


الله لا يهينك يا/ البـــحـــر

تقبل مروري المتواضع