أبغى أشتري جوال جديد .! شوركم علي

المشاركة الأصلية كتبت بواسطة بنت الغلباء

اذا كنت تحب السوالف وعندك اخويا كثير وتحب تتواصل معهم انصحك ببلاك بيري بولد لانه يدعم 3g صراحه مريح

في الكتابه وتقدر تتصفح النت وتدخل ماسنجر هوتميل وماسنجر bb حتى بريدك الالكتروني تقدر تتصفح على طول لكن بيبي بولد سعره مرتفع شوي في حدود 1800

اما اذا كنت من النوع الثاني اي نوع من نوكيا راح يمشي معك ..

يعطيك العافيه

بنت الغلباء


المشكلة أنا ما ودي أتجاوز حاجز الألف ريال


الله يعافيك وحياك الله ..

المشاركة الأصلية كتبت بواسطة شلاحية مطنوخة

المعنّى قصتك مع الجوالات تصلح مسلسل رمضاني من طولها


الله يوفقك بالجهاز الحلو ..

بالنسبة للخيارات اللي ذكرتها فأنا من وجهة نظري أقولك لا تتعدى الـ E72
أنت كاتبه N72 لكن هو E72
هذا أفضل الخيارات اللي انت وضعتها بناء على تجربتي الشخصية فأنا أستعمله من ست شهور تقريباً وإستعماله مريح جداً وسلس
لا يعلق ولا لخبطه و لا هم يحزنون ..
يتوافق مع الجيل الثالث + شحنه ممتاز مرات والله اجلس اربع ايام ما شحنته ..
ايضاً فيه شي عاجبني ( كشاف ) << يعني ممكن تستخدمه إتريك لو لزم الأمر

الكاميرا حقته تصل دقتها إلى 5 ميجا بيكسل < يعني شي طيب وعالي جداً بالنسبة لجهاز جوال ..
برضو لوحة الأرقام حقته تشبه الكي بورد يعني عملية شوي لو حبيت تدخل منه للنت أو للمسن أو غيره ..
وإن جينا بالنهاية للشكل الخارجي فأنا أقولك حتى شكله الخارجي رائع وكشخه شوي
كنت أتمنى ألاقي اللون الرصاصي منه لكن للأسف يقولون غير موجود بالسوق فـ إضطريت آخذ لون أسود مع اني أحس انه لون رجالي بحت بس يله ماهي مشكله
هو بالنهاية مجرد جهاز ...


وبالنسبه للسعر أعتقد ان سعره مناسب جداً وقريب من ميزانيتك ..
انا يوم اشتريه كان بـ 1150 تقريباً قبل رمضان .. أكيد الحين نزل لـ 900 ..
تفضل هذي صورته ..








بالنسبه لـ N 95
ما أعرفه لكن يعتبر قديم مقارنه مع اي 72 ومع البلاك بيري ..

أما البلاك بيري فمع إحترامي له ولمستخدميه لكني عندي قناعه أنه جهاز تافه ..
قد يكون الخلل في تفكيري أنا نحو هالجهاز ..

يا مال العافية والله يا بنت شالح .. رد كافي ووافي


الصراحة بديت اقتنع في E72 .!

والبلاك بيري يبدو أني راح أستبعده


تسلم يديك

المشاركة الأصلية كتبت بواسطة أبن مصاول

أخي المعنى موضوعك هذا فطسني من الضحك لذلك يستاهل ***** نجوم لأن مثل هذه الكتابات التي تعتبر فنتازيه وكوميديه وتدل على سعة أفق الكاتب هي ما نشجعها ..

وبالنسبة للجوالات وانا أخوك لا تسأل احد هنا بتاتاً لأنه سوف يمدح لك ما بيده ولكن أنصحك بالتالي وانا أعلم أنك بالرياض.

1-أذهب لمحلات الجوالات وسو مسح على محلات الجوالات ومعك ورقة أو اكتب المواصفات في جوالك ومن بعدها أختر.
2-تصفح النت وأبحث عن المواقع المتخصصه وسوف يفيدونك.

3-بالنسبة للبلاك بيري إذا لم تكن صاحب تشات فلا تشتريه لأسباب عده وانا وبعد أستخدامي له لم أجد ميزة فيه إلا التشات ولذلك بعته بدون أن اتحسف ,الجوال تصفح النت فيه غير مريح بل أنا أرشح الآي فون وبقوة لمن يحبون تصفح النت وأستعراض الصور , كميرة البلاك بيري المدمجة معه سيئة جداً وصورها لا تتمتع بأي ميزة للجوده.

4-انا أستخدم جوال N95 منذ أول أسبوع نزل السوق وأشتريته بسعر غالي وقتها وبعد حوالي سنتين شريت مرة أخرى جوال N95 المطور لأنه عملي جداً وسوف تعلم ذلك عند مسحك لمحلات الجوالات.

5-أبحث عن صاحب جوالات من الربع وأسأله.

6-إذا كنت في الأحساء سوف أدلك على رجل مطيري صاحب سلسلة محلات في الأحساء سوف يوفر لك الجوال بفارق السعر وأصلي 100%.


المهم انك عندما تشتري جهاز نوكيا أن تتأكد من التالي :

أ-أن يكون فنلندي المنشأ.
ب-الفنلندي ياتي معه شاحن سيارة أصلي +شاحن بيت أصلي وجميع ملحقاته في نفس الكرتون والكرتون مختوم وعليه بلاستيك شد الوكاله.

هلا وغلا ابن مصاااااول حياك الله

والله يعافيك على 5 نجووووم .. بطبيعتي أحب أكتب الموضوع بطابع كوميدي والحمد لله ..

بالنسبة للبلاك بيري خلاص شلته من راسي

أما الأحساء ويني و وينه حدي القصيم

وبالنسبة للفنلندي يقولووون ما عاد يوجد وهذا بلى أبوك يا عقاب .!

ابن مصاول يعطيك العافية على النصائح القيمة

وردك وافي وانت وافي ..

المشاركة الأصلية كتبت بواسطة الذكريات

اختي شلاحية فيه n72غير E72هاذا هو




1-جوال نوكيا N72:







]

اختي العزيزة الذكريات أشكر لك أهتمامك وحرصك

لكن أنا أخطيت في البداية .. كنت أقصد E27 وليس N72


شكرا لمرورك ..

ماشاء الله عليك أخوي المعنى .. أتوقع لو تكتب قصص من خيالك راح يكون لك مستقبل بإذن الله وبتصير كاتب كبير .

بالنسبة للجوالات ماعندي خلفية واسعة لكن راح أقولك تجربتي المتواضعة ..

أول جهاز اشتريته من طلعت الجوالات رقمه ستة الآف ومية وعشرين ممتاز جدا وشكله رسمي منه أبيض وأسود وفيه المميزات اللي أنت ذكرتها .. وسعره تقريبا خمس مية وبعد الخصم أربع ميه وعشرين ههههههه أعتقد مناسب وراح توفر من الميزانية . ( أول ماتدخل السوق اسأل عنه .. أتوقع بيعجبك ) حسيت إنك من قومي " واثقة " ههههههه
وإذا ماعجبك عطني إياه ههههههههه

بعد مابعته والله تحسفت عليه وبقوة ..شريت إي سته وستين ما أنصحك فيه صراحة ..


وعسى الله يكتب لك اللي فيه الخير والخيرة .

المشاركة الأصلية كتبت بواسطة عنود الصيد

والله قصة يالمعنى قصة الله يعينك وذكرتني باول جوال شريته ليلتها مانمت من الفرحه وكان النورس ويالله

بعدهاااا اشكال وانواع

صراحتن الجولات كثيرة اخوي انت روح المحلات وشوف اللي يناسبك وسعره مناسب بعد لك

انا حاليا بلاك بيري صراحه حلووو بس اذا كنت من النوع اللي ماتبي مسنجر او خدمه البيبي اشتر نوكيااا وسعره 1950
اخذته وشاكرة لك القصه الممتعه

الله يالنوورس يا قدمه ,!

عنوود الصيد وين 1950 !! ههههههههه

ما ودي أحط 2000 ريال تقريبا في جوال

العفووووو يا عنوود


ومشكورة ألف شكر على ردك .,.,.,.

المشاركة الأصلية كتبت بواسطة نادر فيــ زمانه

اخووي المعنى انا بنصحك ببعض النصائح اللي تفيدك
1-إذا جيت تبي تشتري خذ ضمان يوم من المحل إذا كان مستعمل
2-لا احد يلعب عليك ويقول هذا فرنلدي إذا كاان جديد لانه ماعاد فيه فرنلدي
3- قوول لصاحب المحل ابي افحصه عند الصيانه بس لايكوون الصيانه اللي نفس المجمع لانهم يتفقوون مع الصيانه
4-تفقد اغراضه لاتكوون غير الاصليه مثل الوجه والارقام
تاكد من ذاكرة الجووال انها الاصليه
5-تشتري جووالي هههههههههههههههههه دعابه
هــــذي ع حسب معرفتي بالجوالات

أهلا وسهلا ومرحب يا نادر في زماااانه


صدقت الفنلندي يقال أنه انقرض من على الوجووود !!



يعطيك ألف عافية على النصائح وفعلا نبهتني على حاجات مهمة ..

ماشاء الله عليك أخوي المعنى .. أتوقع لو تكتب قصص من خيالك راح يكون لك مستقبل بإذن الله وبتصير كاتب كبير .

شكرا يا نزززف .. وعسى الله يوفقنا لما فيه الخير والفائدة لنا

المشاركة الأصلية كتبت بواسطة نزف المشاعر

بالنسبة للجوالات ماعندي خلفية واسعة لكن راح أقولك تجربتي المتواضعة ..

أول جهاز اشتريته من طلعت الجوالات رقمه ستة الآف ومية وعشرين ممتاز جدا وشكله رسمي منه أبيض وأسود وفيه المميزات اللي أنت ذكرتها .. وسعره تقريبا خمس مية وبعد الخصم أربع ميه وعشرين ههههههه أعتقد مناسب وراح توفر من الميزانية . ( أول ماتدخل السوق اسأل عنه .. أتوقع بيعجبك ) حسيت إنك من قومي " واثقة " ههههههه
وإذا ماعجبك عطني إياه ههههههههه

بعد مابعته والله تحسفت عليه وبقوة ..شريت إي سته وستين ما أنصحك فيه صراحة ..


.

6120 أظنه هو الفيصيلة ؟؟!

يعطيك العافية على نقل التجربة ..

وما قصرتي يا نزف

وعسى الله يكتب لك اللي فيه الخير والخيرة

آمــــيــــن ... وياك يا بنت العم

لا لا مو الفيصلية .. يختلف عنه .
الفيصلية من عهد جدي الله يرحمه وهذا جديد .

شوف صورته بقوقل الصور إذا ودك .


الله يعطيك العافية

اذا بتشتري لايفوتك الاي فون من واقع تجربة