الرئيسية التسجيل البحث جديد مشاركات اليوم الرسائل الخاصة أتصل بنا
LAst-2 LAst-3 LAst-1
LAst-5
LAst-4
LAst-7 LAst-8 LAst-6

 
 عدد الضغطات  : 27647
 
 عدد الضغطات  : 38676

« آخـــر الـــمـــشـــاركــــات »
         :: شيلات الشاعر عبدالرحمن العقيلي باصوات افضل المنشدين (آخر رد :عبدالرحمن العقيلي)       :: مرثية الشاعر عبدالرحمن العقيلي في والده الشيخ متروك بن صالح العقيلي رحمه الله https: (آخر رد :عبدالرحمن العقيلي)       :: مرثية الشيخ تراحيب بن صالح العقيلي رحمه الله1440هــ (آخر رد :عبدالرحمن العقيلي)       :: حفل الشاب سعود عبد الكريم العقيلي عنيزه (آخر رد :عبدالرحمن العقيلي)       :: حفل الشاب نور بن زبن العقيلي (آخر رد :عبدالرحمن العقيلي)       :: حفل الشاب عبدالله مرداس العقيلي (آخر رد :عبدالرحمن العقيلي)       :: مرثية الراحل الاستاذ عواض بن نور العقيلي رحمه الله (آخر رد :عبدالرحمن العقيلي)       :: عودة بعد غيبة ليست بالقصيرة واعتذار (آخر رد :عبدالرحمن العقيلي)       :: موقف الشيخ هدايه الشاطري شيخ شمل الشطر مع العتيبي والحابوط (آخر رد :الخضيراء)       :: الشيخ هدايه بن عطيه شيخ شمل الشطر مع العتيبي (آخر رد :الخضيراء)      



منتدى الطرائف والمرح ضحك وصرقعة وفرفشة الاعضاء والترفيه عن النفس, والالعاب والتحديات بين الاعضاء.والمسابقات.

إضافة رد
انشر الموضوع
 
أدوات الموضوع
غير متواجد حالياً
 رقم المشاركة : ( 1 )
مراقب سابق
رقم العضوية : 929
تاريخ التسجيل : 12 11 2007
الدولة :
العمر :
الجنس :
مكان الإقامة :
عدد المشاركات : 717 [+]
آخر تواجد : 01 - 09 - 12 [+]
عدد النقاط : 21
قوة الترشيح : المعنّـى is on a distinguished road
الأوسمـة
بيانات الإتصال
آخر المواضيع

التوقيت
افتراضي حـرامـي السيارات .! ذكريات المعنّى

كُتب : [ 26 - 03 - 11 - 12:26 AM ]

حرامي السيارات !!



من ذكريات المراهقة التي لا زالت عالقة في الأذهان .. سرقاتي المتكررة لددسن جدي اللي لعنّا كوثرها انا و عيال خالي


طبعا أنا كنت أجودي ودابة مسلمة >>>>> إيه هين !

ولد حليو على نيته ساكن بالرياض ما يعرف هالامور


بس عندي عيال خال مجنن ! هم الرؤوس المدبرة

كان عند جدي ددسن غمارتين بيضاء موديل 92

أحمد في عمري كان هو رأس الحربة قصدي رأس الخطط

وحاتم أصغر مني بسنتين هو الذراع الأيمن لأحمد .! وانا أكمل العصابه إذا جيت لهم في القصيم .!!

طبعا مواقف سرقة الددسن كثيرة وكلها محرجة


لكن الأكثر إثارة هي ما سأرويها الان لكم :


كالعادة في الديرة نجتمع و فاضين أما ع البلايستيشن ولا ع التلفزيون

المهم هاك اليوووم طقت براسي ما أتغدى مع الربع وجعت بعدها


قالوا ما لك إلا تسرق الددسن علشان نروح للبقالة ! طبعا هم الثنائي أحمد وحاتم !

طيب وش السواة ؟ قال العقل المدبر أحمد


خذ هذا المفتاح .. يوم ناظرت إلا وهو مفتاح الددسن !! مفتاح نسخة

أبك انت منين جبته !

طبعا هو ما يعلم بسر المهنة ولا يعلم بأي حاجة يسويها

لدرجة أن المفتاح إلى هذا اليوم ما أدري من وين جابه


المهم انا ما طمعت أبغى البقاااالة وجوعان


الددسن في المظلة والمظلة في المزرعة والمزرعة تبعد عن البيت 200 متر تقريبا


وأنا أقررررط في ثوبي وعلى المظلة

ومن المؤكد أننا لا نهرول عبثا .. لذلك كان لا بد من اتخاذ الاحتياطات

حاتم لازم يراقب جدي إذا طلع يدق علي جوال ! وأحمد بما أنه الزعيم ما يسوي شي بس يراقب الموقف هههههههههههه


المهم وانا أشغل السيارة ويوم طلعتها من المظلة وانتصفت في الطريق

إلا حااتم يتصل علي ! أبك عوّد الرجال عانه طلع


وأنا أشحط الموووتر وأرجع مع دربي

شوي اتصل علي قال تعال الرجال راح بس عجّل لأنه يبى يروح يصلي


وأنا أشحط الموووتر مرة ثانية


ويوم قربت أتعدى البيت اتصل علي قال عوّد عوّد قلت ليش؟ قال جدي سمعته يكلم عمي أنه يبى يروح للمزرعة ويأخذ السيارة


وأنا أشحط الموووتر وأرجع السيارة في محلها


وأجي رجليّــة للبيت مع طريق ثاني حتى ما ينطحني جدي العزيز مع الدرب

الوكاد أني رضيت بالواقع وأكلت لي ما يسد الجوع هاك اليوم أحسن من عيشة البقالة


الكااارثة جات وقت المغرب


كنا جالسين بالحوش في البيت وما درينا إلا الرجال معه عقاله وتنصانا !!

درينا أن الدعوة انكشفت وحنا نقرررط في ثيابنا ونتلقى الخلى

طبعا من خطط الطواري عند الهروب .. كل واحد يهج مع طريق حتى نتوّه اللي يلحقنا


المهم وحنا نعقد اجتماع طاري نبغى نعرف من اللي علم علينا أننا حاولنا نسرق الددسن المنكوبة

طبعا أعضاء الاجتماع حنا الثلاثة بالاضافة إلى زمرة من شباب الديرة

ودايم اجتماعاتنا تكون تحت ماصورة في حيد الديرة

طرحنا القضية وهي من هو الدبووس اللي عـلّـم علينا !؟؟

وتباحثنا منا ومنا ..! وأرسلنا بعض الجواسيس والعيون حتى يستخبروا ما يفيدنا في مسك حبال مدري خيوط الجريمة !! طبعا بما أني دايم أتابع كونان كثير أنا اللي مترأس الاجتماع وأوزعهم حسب قدراتهم الفنية >>>>>>>> روووووح يا قدرات فنية


وفجأة جاء منادي من أقصى الديرة و عرفنا ان معه الخبر اليقين


قال أبشر


قلت ها ياالهدهد وش علمك

قال : اللي دبّــس عليكم عامل المزرعة ( مدار الأفغاني )

!!!!!

إييييه كشفناك يا مدار

المهم هم يشيشوني ويعبون راااسي لين انتفخ هذا كبره !!

قالوا ما لك إلا تضرب ( مــدار ) !

قلت يالربع أخاف ان نحجم عليه ثم عاد جدي من وين له عامل ؟؟ >>>>>>> مصدق يبى يذبحه


وينقز حاتم قال خلنا نسري عليه ونضربه علشان ما عاد يتعودها >>>>> راعين طويلة في سرقة الددسن


طبعا أعمارنا هاك الأيام في حدود 16 أو 17 وأقل

قلت انتم تشوفون كذا .! قالوا سرينا بس


وانا الله يدفع البلى تاصل معي هيضوني و طيروني في العجة


وانا اشتال هاك العصا اللي في أطرافها مسامير وهم كل واحد يشتال له اللي يلقاه أما حديدة ولا خشبة واللي معه حصى .. كلن وما طاحت عليه يده

وحنا نسري لغرفة مدار اللي في المزرعة ! المشكلة مدار فارع الطول .! وعنده بنية جسمانية رهيبة .! كيس الشعير يالله نشيله حنا ثلاثة أشخاص وهو يشيل اثنين فوق ظهره

بس يوم التفت وراي إلا والربع كلهم وراي وانا تزيد عندي المعنويات قلت هذولا لو غزينا فلسطين حررناها !


المهم يوم وصلنا الغرفة إلا العامل المكسين يسوي عشاه يبى ينام


هنا احتدم الموقف واشتد النزع ! تهقون ضربناه ؟ ولا فضخنا راسه ؟ ولا كبينا عليه عشاه ؟؟





قبل ما أكمل لكم السالفة يمكن تسئلون وين أحمد زعيم العصابه واللي يوجهنا !

طبعا أخونا في الله كان مندس جنب غرفة العامل !! ويوم سألناه بعدين ليش تندس يا رخمة !


أثر الرجال كان له نظرة مستقبلية .. عذره يقول انا ما كان ودي أخربها مع مدار علشان بعدين إذا سرقت المووتر ما يعلم علي ! مما يعني أن أحمد راعي طويلة ومشاويره ع الددسن واجد خخخخخخخخ



المهم


يوم وصلت الفرقة بقيادتي


وأانا أدف الباب مثل اللي في الأفلام


واثر المسكين يسوي عشاه ! يبى ينام

وهو يلتفت لي نص التفاتة !؟

قلت : مــــــدار !!

الليله نبى نهجدك هجادن ما قبله ولا بعده


الحين أنت يومنك تعلم علي لاه ؟ أنت تطلبني شي ؟؟


مرة ثانية إذا علمت علي ترى ( قــص رقــبــة ) >>>>>>>>> بفتح الراء والقاف والباء


طبعا هالكلمة قص رقبة إلى اليوم ماسكينها علي الربع !

يوم قلت قص رقبة

وهو يشتال هاك الحديدة السوداء اللي تلمع ونهايتها حااااادة تسنّي أناظر فيها الحين !!!!


وهو يتلفت لي إلتفاتة كاملة ويشد ع العصا


ويوم ناظرت ورا أدور خوياي اللي متعشمن فيهم


وأثر ما منهم احد ما أشوف إلا غبرتهم ورااااااهم


قلت مـــــــــدار !


هالمرة سماااااااااح وماني قايل لك شي مار تعشى وعيّن من الله خير وادحر الشيطان ترى وراي مدرسة وزواج و خطط مستقبلية



بس تكفى مرة ثانية لا تعلم علي



وأنا أقررررررررط في ثوبي و أتلقى الخلاا وألحق خوياي


يوم جيتهم قالوا : قص رقبة ها ههههههههههههه


قلت عز الله ما وراي ظهر مار احلقوا شنبي أن طعتكم مرة ثانية



الحمد لله الحين انا ومــدار اصدقاء عسى الله لا يغيّر علينا


لو هفني بهالحديدة كان ما سولفت عليكم هالسالفة


والسلاااام مسك الختااام .!

إن بلاك الله بعاقه = من مقاريد الرفاقة = لا توريه الحماقة = لين ربك يقلعه

.


سجد قلبي على رمل الضلوع وهزه التنهيد = وانا في جوفي خيام الندم والخوف منصوبه
يا رب افهق هلاكي والمنايا والدروب بعيد = ما دام المودماني للتراب تقوده دروبه
رد مع اقتباس
غير متواجد حالياً
 رقم المشاركة : ( 2 )
عضو ماسي
رقم العضوية : 8960
تاريخ التسجيل : 16 07 2010
الدولة : أنثى
العمر :
الجنس :
مكان الإقامة :
عدد المشاركات : 2,213 [+]
آخر تواجد : 19 - 07 - 12 [+]
عدد النقاط : 10
قوة الترشيح : الذكريات is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: حـرامـي السيارات .! ذكريات المعنّى

كُتب : [ 26 - 03 - 11 - 01:04 AM ]

وهو يشتال هاك الحديدة السوداء اللي تلمع ونهايتها حااااادة تسنّي أناظر فيها الحين !!!!


وهو يتلفت لي إلتفاتة كاملة ويشد ع العصا


ويوم ناظرت ورا أدور خوياي اللي متعشمن فيهم


وأثر ما منهم احد ما أشوف إلا غبرتهم ورااااااهم


قلت مـــــــــدار !


هالمرة سماااااااااح وماني قايل لك شي مار تعشى وعيّن من الله خير وادحر الشيطان ترى وراي مدرسة وزواج و خطط مستقبلية



بس تكفى مرة ثانية لا تعلم علي



وأنا أقررررررررط في ثوبي و أتلقى الخلاا وألحق خوياي




هههههههههههه
والله انك ذيب وتعرف تصرف الموضوع صح خخخخخخخخخخخخخخ

قصة حلوة اظحك الله سنك اخوي المعنى

رد مع اقتباس
غير متواجد حالياً
 رقم المشاركة : ( 3 )

مشرفة على أســــــرة منتديات الموازين
..
رقم العضوية : 9451
تاريخ التسجيل : 07 09 2010
الدولة : أنثى
العمر :
الجنس :
مكان الإقامة : السعودية
عدد المشاركات : 7,270 [+]
آخر تواجد : 10 - 10 - 12 [+]
عدد النقاط : 59
قوة الترشيح : عنود الصيد will become famous soon enough
الأوسمـة
بيانات الإتصال
آخر المواضيع

التوقيت
افتراضي رد: حـرامـي السيارات .! ذكريات المعنّى

كُتب : [ 26 - 03 - 11 - 04:01 PM ]

مسوي فيهاااا قوي واخرتهاااا مافيه قص رقبة ولاغيرة خفت من العامل

والله عبالي بتذبح العامل صراحه ههههههههههههههههههه

قصة حلوة يعطيك العافية المعنى بطولات صراحه

رد مع اقتباس
غير متواجد حالياً
 رقم المشاركة : ( 4 )
عضو مميز
رقم العضوية : 10199
تاريخ التسجيل : 28 11 2010
الدولة : ذكر
العمر :
الجنس :
مكان الإقامة : الع ـــاصمه
عدد المشاركات : 770 [+]
آخر تواجد : 08 - 11 - 15 [+]
عدد النقاط : 21
قوة الترشيح : رعـــد is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: حـرامـي السيارات .! ذكريات المعنّى

كُتب : [ 26 - 03 - 11 - 09:09 PM ]

والله ذكرتني بالجرايم اللي دايم اسويها بالديره مع عيال عمي طبعا اي شي يصير يحطونها براسي علاشاان انا كم اسبوع ورايح للرياض بس انا تعقدت منهم جاكم ولد الرياض راح ولد الرياض
ومنهم يقوول تعال يالحضري >>>تعقد منهم
المشكله هم المدبرين والمخططين وانا معهم>>>مع الخيل ياشقرا
احمد ربك الهندي ماصكك بالحديده وعلمك الهياط ع اصووله ....
يعطيك العافيه اخوي المعنى ع الايراد

رد مع اقتباس
غير متواجد حالياً
 رقم المشاركة : ( 5 )
مراقب سابق
رقم العضوية : 929
تاريخ التسجيل : 12 11 2007
الدولة :
العمر :
الجنس :
مكان الإقامة :
عدد المشاركات : 717 [+]
آخر تواجد : 01 - 09 - 12 [+]
عدد النقاط : 21
قوة الترشيح : المعنّـى is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: حـرامـي السيارات .! ذكريات المعنّى

كُتب : [ 27 - 03 - 11 - 12:34 AM ]

اقتباس:
المشاركة الأصلية كتبت بواسطة الذكريات مشاهدة المشاركة
وهو يشتال هاك الحديدة السوداء اللي تلمع ونهايتها حااااادة تسنّي أناظر فيها الحين !!!!


وهو يتلفت لي إلتفاتة كاملة ويشد ع العصا


ويوم ناظرت ورا أدور خوياي اللي متعشمن فيهم


وأثر ما منهم احد ما أشوف إلا غبرتهم ورااااااهم


قلت مـــــــــدار !


هالمرة سماااااااااح وماني قايل لك شي مار تعشى وعيّن من الله خير وادحر الشيطان ترى وراي مدرسة وزواج و خطط مستقبلية



بس تكفى مرة ثانية لا تعلم علي



وأنا أقررررررررط في ثوبي و أتلقى الخلاا وألحق خوياي



هههههههههههه
والله انك ذيب وتعرف تصرف الموضوع صح خخخخخخخخخخخخخخ

قصة حلوة اظحك الله سنك اخوي المعنى


دوووووووووووووم الضحكة يا الذكريات


ههههههههههههههههه مو المثل يقول عااااااااش مصرف



نورتي الموضوع ,.,

إن بلاك الله بعاقه = من مقاريد الرفاقة = لا توريه الحماقة = لين ربك يقلعه

.


سجد قلبي على رمل الضلوع وهزه التنهيد = وانا في جوفي خيام الندم والخوف منصوبه
يا رب افهق هلاكي والمنايا والدروب بعيد = ما دام المودماني للتراب تقوده دروبه
رد مع اقتباس
غير متواجد حالياً
 رقم المشاركة : ( 6 )
مراقب سابق
رقم العضوية : 929
تاريخ التسجيل : 12 11 2007
الدولة :
العمر :
الجنس :
مكان الإقامة :
عدد المشاركات : 717 [+]
آخر تواجد : 01 - 09 - 12 [+]
عدد النقاط : 21
قوة الترشيح : المعنّـى is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: حـرامـي السيارات .! ذكريات المعنّى

كُتب : [ 27 - 03 - 11 - 12:37 AM ]

اقتباس:
المشاركة الأصلية كتبت بواسطة عنود الصيد مشاهدة المشاركة
مسوي فيهاااا قوي واخرتهاااا مافيه قص رقبة ولاغيرة خفت من العامل

والله عبالي بتذبح العامل صراحه ههههههههههههههههههه

قصة حلوة يعطيك العافية المعنى بطولات صراحه

هههههههههههههه

عنود الصيد عسى الضحكة دوم

حنا لو اجتمعنا كان ضربنا العامل بس خويااي ما صملوا


شاكر لك مرورك وتعليقك ..

إن بلاك الله بعاقه = من مقاريد الرفاقة = لا توريه الحماقة = لين ربك يقلعه

.


سجد قلبي على رمل الضلوع وهزه التنهيد = وانا في جوفي خيام الندم والخوف منصوبه
يا رب افهق هلاكي والمنايا والدروب بعيد = ما دام المودماني للتراب تقوده دروبه
رد مع اقتباس
غير متواجد حالياً
 رقم المشاركة : ( 7 )
مراقب سابق
رقم العضوية : 929
تاريخ التسجيل : 12 11 2007
الدولة :
العمر :
الجنس :
مكان الإقامة :
عدد المشاركات : 717 [+]
آخر تواجد : 01 - 09 - 12 [+]
عدد النقاط : 21
قوة الترشيح : المعنّـى is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: حـرامـي السيارات .! ذكريات المعنّى

كُتب : [ 27 - 03 - 11 - 01:16 AM ]

اقتباس:
المشاركة الأصلية كتبت بواسطة نادر فيــ زمانه مشاهدة المشاركة
والله ذكرتني بالجرايم اللي دايم اسويها بالديره مع عيال عمي طبعا اي شي يصير يحطونها براسي علاشاان انا كم اسبوع ورايح للرياض بس انا تعقدت منهم جاكم ولد الرياض راح ولد الرياض
ومنهم يقوول تعال يالحضري >>>تعقد منهم
المشكله هم المدبرين والمخططين وانا معهم>>>مع الخيل ياشقرا
احمد ربك الهندي ماصكك بالحديده وعلمك الهياط ع اصووله ....
يعطيك العافيه اخوي المعنى ع الايراد

هههههههههههههههههههه اجل انت مثلي يا نادر

بس انا الحين صرت اعبر منهم .! صرت أحيان أتزعمهم خخخخخخخخ



اي والله لو صكني فيها كان صرت في خبر كان وصار وليس

بس هو يبى يخوفني ولا يقدر اصلا يمد يده >>>>>>>>>> لا زال فيني هياط



شاكر لك مرورك ,.,

إن بلاك الله بعاقه = من مقاريد الرفاقة = لا توريه الحماقة = لين ربك يقلعه

.


سجد قلبي على رمل الضلوع وهزه التنهيد = وانا في جوفي خيام الندم والخوف منصوبه
يا رب افهق هلاكي والمنايا والدروب بعيد = ما دام المودماني للتراب تقوده دروبه
رد مع اقتباس
غير متواجد حالياً
 رقم المشاركة : ( 8 )

.
شاعره وكاتبه
رقم العضوية : 7608
تاريخ التسجيل : 02 01 2010
الدولة : أنثى
العمر :
الجنس :
مكان الإقامة : مدآهيل العز ..
عدد المشاركات : 1,963 [+]
آخر تواجد : 13 - 08 - 20 [+]
عدد النقاط : 17
قوة الترشيح : شلاحية مطنوخة is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: حـرامـي السيارات .! ذكريات المعنّى

كُتب : [ 27 - 03 - 11 - 02:38 AM ]

عز الله انكم مهايطيه بحق وحقيق يالمعنّى
ماتلعبون يا جيل كونان
هههههههه

بس تدري ياليتكم جلدتوا أحمد هذا بدال مدار << حقدت عليه يومنه يتمصلح مع العامل من وراكم ..


ويا مال العافيه والله على هالسرد الممتع ..
أمتعتنا بذكرياتك ومغامراتك الجميلة والله يالمعنّى ..

رد مع اقتباس
غير متواجد حالياً
 رقم المشاركة : ( 9 )

....
رقم العضوية : 3019
تاريخ التسجيل : 17 06 2008
الدولة : أنثى
العمر :
الجنس :
مكان الإقامة : أمّشّيّ عّلّى دّرّبّنّ مّاتّوّطّاهّ الأّقّدامّ
عدد المشاركات : 19,421 [+]
آخر تواجد : 13 - 06 - 15 [+]
عدد النقاط : 49
قوة الترشيح : ريم الموازين is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: حـرامـي السيارات .! ذكريات المعنّى

كُتب : [ 27 - 03 - 11 - 03:20 PM ]


اقتباس:
وانا اشتال هاك العصا اللي في أطرافها مسامير


هههههههههههههههه
والله ان اخوي كانت عنده وحده مثلها وهبد فيها
واحد بغا يموت منها دخل المستشفى من اثرها هههههههههههه
شكلها علامة القوه عندكم ههههههههههه

خذو حذركم من احمد هذا ماله صاحب هههههههههههههههه

جايين تهايطون على الهندي تستاهلون ماجاكم
يعطيك العافيه اخوي صراحه رووعه القصه
وباانتظاار مغامراتك تستاهل فايف ستار ..~

رد مع اقتباس
غير متواجد حالياً
 رقم المشاركة : ( 10 )

....
رقم العضوية : 5100
تاريخ التسجيل : 10 01 2009
الدولة : أنثى
العمر :
الجنس :
مكان الإقامة : أرض من ملكني حبه
عدد المشاركات : 10,490 [+]
آخر تواجد : 28 - 08 - 12 [+]
عدد النقاط : 47
قوة الترشيح : نزف المشاعر is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: حـرامـي السيارات .! ذكريات المعنّى

كُتب : [ 27 - 03 - 11 - 09:23 PM ]

أضحك الله سنك يا المعنى

مسوي فيها دابة مسالمة أجل !!
وأثاريك طلعت أحد أفراد عصابة المافيا !

ثم سويتوا فيها المحقق كونان وشلته ..
‏(‏ هذي الحسنة الوحيدة في متابعة مسلسل كونان اللي علمكم طرق البحث والتحري )


ثم سويت فيها عنتر زمانك وسلاح وحركااات ( قلت ماشاء الله هذولي لو يغزون ايران جابوا راس نجاد )

‏(‏ تحمست البنت لقطت عصا أبوها بغت تغزي معهم )

لكن الحمد لله اللي دحرتوا الشيطان وهونتوا عن القتال ( ماودها تقول هياط على غير سنع ) ههههههههه

لو إنك دحرت ابليس من أول العلم وسويت فيها ولد حليوه موأدب وجيت لجدك وستأذنت
منه يمكن يعطيك الددسن هدية ولا يشتري لك بعد جيب إف جي " كأنها بدت تهايط " ههههههههه


إلا جدكم بعد السالفة كيف واجهتوه بعد ما انحشتوا عنه ؟ !

أخوي المعنى سبق وأن قلت لك إنه بيطلع منك مشروع كاتب ناجح .. والآن أرجع وأقولها ما شاء الله عليك كتاباتك جميلة بأسلوب طريف سلس محبب و قريب من نفس القارئ ..
أتمى أن تسمتر في الكتابة ولا توقف سواء من ذكرياتك
أو من خيالك .


تستاهل كل النجوم صراحة

ولو فيه قمر عطيتك إياه ( بدت تهايط من جد )





رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:12 PM.


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم

إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها