الـــــــراتـــب نـــــزل

الله يعطيك العافيه الشاعر عبدالرحمن العقيلي وانت شاعر ماتحتاج شهادتي
وانا اول مره اطلع على قصائد عبدالرحمن ومن اول بيت قريته
وانا اشهد انك شاعر كبير ومتمكن وقصيدتك جميله وممتازه للغايه

الله يوفقك ونتمنا مزيدآ من المشاركات وانت كما قال الشاعر ابوعيسى
انت منت بضيف انت صاحب الدار
تقبل تحياتي

امير الروح صح لسانك اخوي وقصيدة رائعه وتسلم يمينك
اخي امير الروح
صح بدنك ملايين والاروع منها مرورك
تحياتي

صح لسانك يالعقيلي رائعه يعجز عن وصفها اللسان
تناقش مواضيع حيويه من وقتنا الحاضر
تحياتي وتقديري

عبدالرحمن بن غلاب الميزاني
الاخ الشاعر الكبير عبدالرحمن العقيلي
من ناحية القصيده فكلمة صح لسانك قليله عليها وهي من اروع ماقرأت قصيده اجتماعيه تناقش حال الكثير من وضع الشعب السعودي وتصف حالهم وقد اجدت فيها اخي عبدالرحمن وهذا لايستغرب عليك 00 وانا من متابعين شعرك في عدة منتديات وشهادتي فيك مجروحه وانت شاعر تجاوزت مرحلة التقييم00
أما من ناحية شكرك لأدارة المنتدى
فإدارة المنتدى لم تفعل اكثر من واجبها ونحن نتعامل مع مايطرحه الشخص ونتعامل مع الاسلوب والمشاركات ولانتعامل مع الشخص نفسه بغض النظر عن ماينتسب االيه ومنتدياتنا مفتوحه للجميع 00
ذكرت اخي عبدالرحمن بأنك ضيف على المنتديات وانا في هذه النقطه اخالفك الرأي
انت لم تكن ضيف اخي عبدالرحمن بل صاحب محل وانت واحد من هذه الكوكبه المتلاحمه من جميع القبائل نحن شعارنا التجميع لا التفريق ونبذ العنصريه
آسف على الاطاله والف شكر لكل مايخطه قلم الشاعر المبدع عبدالرحمن العقيلي

اخي الشاعر البير/عبدالرحمن الميزاني
شهادة مثلك وشرواك بحد ذاتها وسام تفوق لانها اتت من شاعر لايعرف غير الجزاله طريق وكفى
تعليقك انت ليس ضيف ::انا اقف احتراما لك على هذا الشعور الذي هو غير مستغرب عيكم ولكن يظل هذا الصرح يمثل الوجه الاعلامي لقبيلة الموازين قبل يمثلنا نحن كاعضاء وشعراء لذلك يجب ان نشيد بابنا عمومتنا على ماوجدناه من حفاوة
اشكرك على تكرمك بالمرور
وتقبل تحياتي

صح لسانك واعتلى شانك على هالقصيدة الاكثر من رائعه ولو تكلمت عن القصيدة وشاعرها لن افوفيهم حقهما.الف شكر اخوي عبدالرحمن وينتظار جديدك..
ابو راكان
صح بدنك ملايين والاروع منها مرورك شهادتك دائما اعتز بها ولاشكر على واجب وانتظارك لجديد يشعل همتنا
تقبل احترامي.

صح لسان الشاعر عبدالرحمن العقيلي ونشهد انك شاعر جزل بما تعنيه الكلمه وبيض الله وجهك

جـبـرالـخـواطر;صح لسانك اخوي
عبدالرحمن
صح بدنك اخوي جبر الخواطر

المشاركة الأصلية كتبت بواسطة عبدالرحمن العقيلي

بسم الله الرحمن الرحيم

الراتب نزل
غلا الاسعار

قالو لي(الراتب نزل)قلت وش عاد=ينفد خلال اربع وعشرين ساعه
فوق السماء رازق وفالارض حساد= وللسعر طب وللاوادم اشاعة
تبغون معنى راتب الشخص لازاد= معناه باب(ن) فك لاهل الطماعه
اهل الطمع تسرق على روس الاشهاد=وكلن يقّّّيم سلعته من ذراعه
الكون واسع حسب تقرير الارصاد=هذا خبر بثوه عبرالاذاعه
قلت اللهم تجعل الوسع يزداد= لو؟ان مالي حاجة(ن) فاتساعه
يضيق فينا الكون لاجات الاعياد=ويضيق لاشفنا وجيه الجماعه
شحت مواجيب الكرم عند الاجواد=يوم الغلا ميّل عليهم قناعه
ان طق باب البيت زاير ونشّاد=مايفتحه وليا فتح له؟؟؟؟ براعه
حل الايجار وجاك راعيه سرداد=يبغاه لاحلت عليه الشفاعه
اعطيه والا اعطي هوامير الاقصاد=والكهرب الملعون خطر انقطاعه
لاجيت ابرقد بين تفكير وجهاد=اسمع صياح الورع قاض(ن)رضاعه
الفقر متعوذ منه سيد الاسياد=نبينا رمز الكرم والشجاعه
تكفا يا(بومتعب)ترا حيلنا باد=حنا بدجا ليل(ن)كلتنا سباعه
تجارنا للحسد والكذب رواد=لو ودهم؟ كان اقلبوها مجاعه
حقوقنا توخذ على غش وعناد=ونقول للطماع سمع(ن)وطاعه
شكيت للغش التجاري ولافاد=ولانفع حتى وزير الصناعه
نبغى امر مرسوم في لهجته حاد=يهدف الى تحديد سعر البضاعه
تكتب عليها السعر من قبل الامداد= اسعارها تطبع عليها طباعه
نبغى انتهنا بعيشنا قبل الالحاد=وراع الطمع يغنيه كنز القناعه
ومثلك (يابومتعب) زعيم امة الضاد=عالي وشعبه يفتخر بارتفاعه
انتم حميتو اجدادنا وقت الاجداد=واليوم حنا في ذراكم وداعه

شكرا وعرفان للادارة منتدى الموازين
اتقدم انا الشاعر:عبدالرحمن متروك صالح العقيلي المطيري بعظيم شكري
وامتناني الى ادارة واعضاء منتدى قبيلة الموازين على حسن الضيافة وحفاوة
الاستقبال الذي قوبلت به منذو طرقت ابواب هذا الصرح الاعلامي الكبير والذي
امتدت الى تقليدي وسام التميز وهو شرف عظيم لي بان اكون من الشعراء المييزين
في هذا المنبر الاعلامي الذي يعد من المنابر الاعلاميه الكبيره ساءل الله سبحانه وتعالى ان يوفق ادارته
وطاقم العمل الى مافيه الخير وصلاح الامه وان يوفقني الى تقديم المشاركات الذي تليق بسمو هذا
الصرح وارضاء رغبات محبيه واعد الجميع انني سابذل كل مافي وسعي لتقديم مايحوز على رضاكم واستحسانكم
وتقبلوا تحياتي

صح لسانك يا ابو متروك وقصيده جزله وشاعر فحل والله لا يهينك وعز الله انك ناقشة قضيه الكل يعاني منها وقصيدتك فسرة معانات الشعب السعودي بالتفصيل

بالنسبه للاوسام انت تستاهل اكثر من هذا وانت رمز شعري صاعد وشامخ
ومهما نعطيك من الاوسمه وشهادات الشكر والله نحس ان ماقدمنا لك الشي الذي يرضينا

الشاعر / عبد الرحمن العقيلي اسئل الله العظيم رب العرش المجيد ان يوفقك
في حياتك وانشاء الله نشوفك في منابر كبيره وقويه تخدم الشعراء

تقبل احترامي وتقدري لشخصيتك ولذاتك ولي قلمك الشعري

اخوك / ابن مصاول الصغير

عز الخوي صح لسان الشاعر عبدالرحمن العقيلي ونشهد انك شاعر جزل بما تعنيه الكلمه وبيض الله وجهك

اخي عز الخوي
صح بدنك ملايين وشهادتك وسام تفوق مرورك اسعدني جدا
وتقبل فائق الاحترام والتقدير

هيبة ملكـ;صح السانكـ اخوي عبدالرحمن العقيلي
قصيده في قمة الروعه
تقبل تحياتي

اخي هيبة ملك
صح بدنك ملايين والاروع منها مرورك
تقبل تحياتي