وفــــاة شـقيــــقــتـــي في حـــــادث ســــــياره

المشاركة الأصلية كتبت بواسطة بناخي الزحزوح

هلا ومرحبا ببناخي الزحزوزح

الف شكر على هذا الشعور الغير مستغرب

وامين لدعاءك

تحياتي

المشاركة الأصلية كتبت بواسطة صالح بن شداد

صح لسان عبدالرحمن العقيلي والله يرحم ام بندر ويسكنها الجنه

مرحبا بخوي الشاعر صالح بن شداد

صح بدنك والف شكر على هذا الشعور الغير مستغرب

تقبل تحياتي

المشاركة الأصلية كتبت بواسطة عبدالرحمن بن غلاب الميزاني

عبدالرحمن العقيلي
قصيده رثائيه حزينه ومؤثره جدا تحكي عن حزن واقعي
نسأل الله أن لايريكم مكروه في من تحبون وجعلها اخر احزانكم ورحم الله ام بندر رحمة واسعه
انه على كل شئ قدير ويشهد الله انني تاثرت بقراءة هالقصيده المؤثره والمفصله تفصيل رائع جدا وكما يقال اصدق الشعر الرثاء
ونسأل الله العفو والعافيه وحسن الخاتمه 000 وكل نفس ذائقة الموت وعلى المؤمن ان يتقبل قضاء الله وقدره000وصح لسانك ياعبدالرحمن

ياهلا ويامرحبا بك يابوعيسى نورت المتصفح والمنتدى كله

التاثر والشعور بالام الاخرين عايد الى علو خلقك وطيب اصلك والف الف شر على هذا الدعاء

امين امين لهذا الدعاء المفعم بروحك الايمانيه الصادقه:لاشك ان قضاء الله وكلنا راضون بقضاءه

تقبل تحياتي ياخوي عبدالرحمن اثلجت صدري بدعاءك وبيض الله وجهك

تحياتي

المشاركة الأصلية كتبت بواسطة علي حميدان الدجيما

عبدالرحمن الله يرحم ام بندر ويتجاوز عنها ويكتب لكم الاجر
ولايوريكم مكروه

مرحبابك اخوي علي

امين لدعءك والف شكر ياخوي علي

تحياتي

المشاركة الأصلية كتبت بواسطة امير الروح

رحمها الله برحمته الواسعه واسكنها فسيح جناته وصح لسانك

صح بدنك يا امير الروح وامين لدعاءك والف شكر

تحياتي

المشاركة الأصلية كتبت بواسطة أبو راكان

صح لسانك أخي عبدالرحمن على القصيدة رحم الله أم بندر وأسكنها فسيح جنانه

صح بدنك يابو راكان

والف شكر على هذا الشعور

تحياتي

المشاركة الأصلية كتبت بواسطة ابن فالح

رحم الله ام بندر

امين لدعاءك يبن فالح والف شكر لك

تحياتي

المشاركة الأصلية كتبت بواسطة دره

قصيده ابكتني.... مشاعر اخويه صادقه وخارجه من القلب

اخي عبدالرحمن نعم الاخ انت لك مني كل تقدير واحترام شاعر جزل صح اللسانك

ورحم الله ام بندر واسكنها فسيح جناته

مرحبا دره

الشعور بالام الاخرين شي معروف انه يعود الى حسن خلقك الانسان

وصفاءه وطيب اصله فمبالك ان يكون هذا الشعور لدرجة البكاء الف

شكر لك على هذل الشعور الذي يجب ان نهنئك عليه ومداخلتك ستبقى

كثيرا في ذاكرتي امين لدعاءك ؟وقلتي علي نعم الاخ ولك اقول ايضا

انتي نعم الاخت نعم الاصل ولاعلى اخوانك وابوك زود واهلك كلهم

تحياتي لك في حفظ الله

المشاركة الأصلية كتبت بواسطة فهد بن صحران

رحم الله ام بندر وجعل مثواها في جنات النعيم .. صح لسانك على هذه القصيدة المحزنة

صح بدنك يابن صحرن

والف شكر على هذا الشعور وامين لدعاءك

تحياتي لك

المشاركة الأصلية كتبت بواسطة عبدالرحمن العقيلي

ياعين هلي دمعتـك ليـن تقضيـنا=لدمع في بعض المواقـف شهامـه
ياعين كنتـي بالوعـد دوم توفيـن=ودرب الوفا دايـم لطبعـك علامـه
ابكي على اختي(بنت متروك) ياعين=وصافي دموعك سارعي باغتنامـه
ياعين اخوهـا ذاق مـر العذابيـن=مـن حـر فرقاهـا تكـدر منامـه
دمعك حرمني شوفها كـان تدريـن=ولانـي بشايفهـا ليـوم القيـامـه
عاى مشارف قبرهـا يـوم تبكيـن=يوم الكفن والحنـط فكـو حزامـه
الدمع غطـى ناظـرك ماتشوفيـن=من دونها غطـاك مثـل الغمامـه
سوي على كيفـك مثـل ماتسويـن=مايلحقـك باغلـى خواتـي ملامـه
السبت في تاريخ تسعـه وعشريـن=اخر رجب سته وعشريـن عامـه
جاني خبر قال امس بين الصلاتين=عصيرقبـل الليـل يوفـي ظلامـه
حصل تصادم والجماعـة سليميـن=الا(ام بندر)ماكتـب لـه سـلامـه
بغى يتوقـف خافقـي والشراييـن=والجسم عيـت لاتشيلـه عظامـه
تدفن صلاة الظهر والظهرهالحيـن=ومشيت قبل انـه يخلـص كلامـه
ساعـه وساعـه باقيـه ماتكفيـن=قـل للمـؤذن ينتظـر فالاقـامـه
وصلت مع لحظة خروج المصليـن=والدرب باهل الخير زاد ازدحامـه
والناس واغلبهم من الربع الادنيـن=اللـي يسلـم منتبهـت لسـلامـه
ولحظة وصول الغاليه بين غاليـن=ياحي جسم(ن) خف ريش النعامـه
الله يوسـع فالقبـر ليـن ترضيـن=بمر العزيز اللـي رفيع(ن)مقامـه
وفي جنة الرحمـن فـي دار عليـن=تسكن مع اهل الحسن والاستقامـه
بين القطـوف الدانيـه والرياحيـن=وانهار من حولك وريـح الخزامـه
يشهد لها ربي والاقصى والادنيـن=وكل القرايب من خـوال وعمامـه
ارضيتي الله والبشرعنك راضيـن=يلي رحيلـك يـوم جمعـه ختامـه
جريح يا(مساعد)وانا في جرحيـن=واللـي يلومـك يستحـق الملامـه
تبغى العزا مني وانا مـن يعزيـن=كني رضيع(ن)عند حـزة فطامـه
قال المثل ماحد(ن)يوص الحريصين=اوصيك لين البـدر يكمـل تمامـه
قل للصغيره للجـرس لاتروحيـن=النـاس فيهـا يامساعـد غشامـه
من خوف لاتسئل يقال امهـا ويـن=يعنى بمعنى مختصر(ويـن مامـه)
لافيه من يسئل ولا النـاس داريـن=والهم يسـري فالضلـوع اللتهامـه
لجة ضلوعي لاذكرت الصغاريـن=من لابس الشيله وراعـي العمامـه
قل للولـد تكفـى وللبنـت تكفيـن=ممكـن يعـوض يتمهـا بابتسامـة
لاشك انـا مايكتـب الله يرضيـن=وحلو الكراء ماظنـى اقـدر انامـه
الضيف يكرم في ديـار الكريميـن=وكرامـة الله مابعـدهـا كـرامـه

عبدالرحمن العقيلي صح لسانك ولاهنت على القصيده اللتي وصفت فيها نفسك كيف تلقيت الخبر وكذالك ماذا فعلت والي اخرها القصيده طويله وتنقلت الي اكثر من مرحله عاشها عبدالرحمن ولكن لم اشعر بالملل مع اني جلست اقراها اكثر من مرره قصيده من شاعر متمكن ونفتخر بوجود شعراء كبار ومتمكنين مثلك في منتدى الموازين

[الله يرحم ام بندر ويدخلها جنته ويوسع في قبرها والله يجمعك بها وكل المسلمين على حوض النبي صلى الله عليه وسلم ]


الشاعر /عبدالرحمن العقيلي تقبل مرووري واحترامي لشخصيتك

اخوك


ابن مصاول الميزاني