بقــول كلمه..!

رحتي وعرق الوصل بالحيل محتاجك.=وجيتي وعرق الوفا ماعاد له حاجـه.
إمن اول الخافق يلوح على سياجـك.=وهالحين توبه.!يغادر يمك أسياجـه.
ذبحت وصلك وذاك الحب وسراجـك.=عآنه على رفرف النسيان وادراجـه.
مااذل نفسي ولاني راجـي افراجـك.=هم الشقا ساتـره ضلعيـن منعاجـه.
إرحل وتلقى شقاك ووصفة أعلاجـك.=وانا بدور طبيـب القلـب وعلاجـه.
شمس الجفا محرقه فلمٍ مـن نتاجـك.=الحب ليل الفـراق مطـوق سراجـه.
خاب العشم والهوى عايف لمنهاجـك.=علمني الـدرب قلبـك زل منهاجـه.
شينك تصوّر ولـو زوّدت مكياجـك.=مازان شين الوجه لو حـط مكياجـه.
تزعل وترضى وانا متعمد ازعاجـك.=لنّك فكون المحبه مصـدر ازعاجـه.
خذها حقيقة محب.!وحطهـا تاجـك.=زرع المحبه هموم الوقـت بانتاجـه.
بقول كلمه وبرمجها علـى ابراجـك.=حرفٍ فعرق الفؤاد يطـول مسهاجـه.
بعدي يضيق الوطا وتعقّـد حجاجـك.=يشب جمر الحزن ملهـاب سرّاجـه.
ضميا المشاعر ترى ماعاد تحتاجـك.=تلقى بدالـك عـدود بعيـن هداجـه.
احفظ حروف الرساله عند هملاجـك.=تندم وتحزن وحزنك بالخفـا نآجـه.
شاط البحر يشتكي من كثر مسهاجك.=لكن جرب وطعـم الملـح بامواجـه.
كانك زعلت الدروب وساع لادراجك.=تبقا وليف(ن)عطاه القلـب ديباجـه.
كآنك رضيت الرضا له باب مخراجك.=عوّد لبابك..!قبل ما يذوب مزلاجـه.

خذها حقيقة محب.!وحطهـا تاجـك.
زرع المحبه هموم الوقـت بانتاجـه.
بقول كلمه وبرمجها علـى ابراجـك.
حرفٍ فعرق الفؤاد يطـول مسهاجـه



صح لسانك يصالح وبيض الله وجهك على هالابيات الطيبه والرائعه


يعطيك الف عافيه وماقصرت

صح لسانك واعتلى شانك اخوي صالح عمار على القصيده الرائعه

صح لسانك الشاعرٍ ..
ماهي غريبه عليك مثل هالابداعات ..

عذب ومبدع دائماً
صح لسانك يا صالح عمار على القصيده الرائعه

صح لسانك أخوي صالح بن عمار

جميل ومبدع ياصالح

صح لسانك مدد بلا عدد

إرحل وتلقى شقاك ووصفة أعلاجـك.
وانا بدور طبيـب القلـب وعلاجـه

صح لسانك اخوي صالح

قصيده جزله وجميله كم هائل ومخزون شعري فاض بين حنايا منتدى النخبه
اتعبت الايدي بكتابة سطور الاشاده فمن يقراء نصوصك لن يغادرها حتى
يسجل أعجابه
شاعر كبير
مذهل بنصوصك الجزله
تستحق التصفيق
دمت للابداع اخوي صالح

اللاااه ياصالح ..

صح لسانك على هالرائعة برغم القسوة بين سطور الأبيات ..

صح لسانك اخوي
يعطيك العافيه..