مكيال الشعر..!

تعـالـي بـشــب مـــن الـشـفـاه القـنـاديـل.=أبـسـرّي الـريـمـه قـبــل ليـلـهـا يـنـجـال.
ابـيـهـا تـصـابـح لـلـرجــال المـشـاكـيـل.=وتـروي عطشهـا قبـل الاقـفـى بالاقـبـال.
سقـاهـا مــن الخـافـق قــراح الشهـالـيـل.=تدرهـم علـى صـدر القمـر حالهـا حــال.
وسمـهـا حكـيـم الفـكـر مايـعـرف المـيـل.=يقـود المثـايـل بـأطـول خـطـام وجــزال.
هدفهـا رضـا روس الرجـال الحلاحـيـل.=وتـاخـذ لـهـا بـيــن الـمـنـارات مـدهــال.
لـيــا مـــن فـتـحـنـا بـابـهــا للـمـعـاديـل .=يـبــا يـطـيـح مـعــدالٍ يـقـابـلـه مــعــدال.
بـصـدّر مــن أشـعـاري بـكـارٍ محامـيـل.=تنـومـس معانيـهـا كـمــا كـيــف فـنـجـال.
بهـا أسلـي الخاطـر وببـعـد عــن القـيـل.=وسافـر مــع الفـكـرة وأنــا ريّــح الـبـال.
لـهـا فــي ســواد اللـيـل حــب ومداهـيـل.=بعيـدا عـن التشـويـش لعـيـون الابـطـال.
صحيـح الـولـع جـمـرٍ وحـولـه معامـيـل.=قلـوبٍ شواهـا الجمـر فـي كـل الاحــوال.
وهـذا الشعـر مـيـزان لا تخـسِـرْ الكـيـل.=قوافـيـه والمعـنـى لـهـا الـــوزن مـكـيـال.
ألآعـب نـدى وردي وآنــوّخ لــه سهـيـل.=وأسـوقـه لشـمـسٍ عـطّـروهـا بـالامـثـال.
حمل صيت منهو ُ بالوغى يرعب الخيل.=شجـاع ٍبعـد موتـه علـى شـفـاه الأجـيـال.
طبـوع الزمـن قاسـي ولـه ميـل بالحـيـل.=قساتـه تبـا تكـشـف لــك وجـيـه الأنــذال.
مشـاريـهـنـا مــــا تـتــجــه للـمـهـابـيـل .=لـحـيـث الـمـهـبّـل مـايـســاوون مـثـقــال.
زمــان البـشـر رابــح وخـاسـر بتـآويـل.=وقلبـي حجزلـه مـع هَـلْ الـربـح مـنـزال.

صح لسانك صالح ويعطيم العافية على هالقصيده الجزله والمميزه

صح لسانك أخوي

الله الله

الرائع / صالح بن عمار

الله عليك ما أجمل بوحك الاصيل

ماشاء الله وصح لسانك مدد على هذا الابداع المتوقع

تحيتي

صح لسسانك ياصالح

جززززل وخالقك

متفرد في نصوصك كالعاده

لاهان منطوقك ياجزل

صح لسانك يابن عمار


وتقبل مروري

صح لسانك ياصالح .. قصيده طيبه وجزلة


بيض الله وجهك على هالابيات .. ويعطيك الف عافيه

وسمها حكيم الفكـر مايعـرف الميـل.
يقود المثايل بأطـول خطـام وجـزال

والنعم فيك ياخوي صالح عمار ولاتسدك
قصيده من ذهب وعلاها وسمك يابن عمار ومعناها واضح

وانت مكسب حقيقي لمنتدانا
واسجل اعجابي دائماً بقصائدك وبدعك الصافي
وياهلا فيك .. ولا تحرمنا جديدك يابو ريان

صح لسانك أخوي صالح بن عمار

صح لسانك اخوي
والله يعطيك العافيه